konka coffee
KONKA

AMAKURU

UKWEZI

Imena Evode wari Minisitiri yagizwe umwere n’urukiko

Imena Evode wari Minisitiri yagizwe umwere n’urukiko
7-12-2017 saa 15:53' | By Vincent Nsengiyumva | Yasomwe n'abantu 3669 | Ibitekerezo 3

Urukiko rwisumbuye rwa Nyarugenge ruherereye i Nyamirambo rwahanaguyeho Imena Evode wahoze ari Umunyamabanga wa Leta muri Minisiteri y’Umutungo Kamere, ibyaha byose yaregwaga birimo itonesha mu itangwa ry’amasoko

Ku gicamunsi cyo kuri uyu wa Kane tariki ya 7 Ukuboza 2017 nibwo Urukiko rwasomye umwanzuro ku byaha Evode yashinjwaga,birimo guha binyuranyije n’amategeko kompanyi ya Mwashamba Mining Ltd uruhushya rwo gucukura amabuye y’agaciro aryambuye indi kompanyi.

Urukiko rwavuze ko nta bimenyetso rwahawe byerekana ko Imena Evode yatanze urwo ruhushya hashingiwe ku itonesha ndetse ngo hari n’ibimenyetso bifatika bigaragaza ko kompanyi ya Mwashamba Mining Ltd yahawe uruhushya binyuze mu buryo bwemewe.

Urukiko rwa Nyarugenge rwatesheje agaciro ibirego byaregwaga Evode Imena, mu gihe Ubushinjacyaha bukaba bwari bwamusabiye igifungo cy’imyaka irindwi n’indishyi ya Miliyoni zisaga 686 Frw ubwo urubanza rwaburanwaga mu mizi ku itariki ya 8 Ugushyingo 2017 .

Urukiko rwagaragaje ko Imena Evode nta cyaha kimurangwaho, bityo ko nta mpamvu n’imwe yatuma afungwa imyaka irindwi yasabirwaga n’ubushinjacyaha cyangwa ngo agutange indishyi y’akayabo yari kuzaha sosiyete Nyaruguru Mining Limitd yamuregaga.

Evode wari watawe muri yombi mu ntangiriro z’uyu mwaka, Mu kwezi kwa Kabiri tariki ya 20 Gashyantare 2017, Urukiko rwisumbuye rwa Nyarugenge rwari rwategetse ko afungurwa by’agateganyo maze agakurikiranwa ari hanze. Urukiko rwafashe uyu mwanzuro nyuma yo kumva ugutakamba kwe aho yasabaga ubushinjacyaha ko bukamurekura akajya kwita ku muryango we ngo kuko yari afite umwana w’uruhinja.

Kubera ko Ubushinjacyaha bbutagaragaye mu isomwa ry’uru rubanza ntiharamenyekana niba buzajuririra icyemezo cyafashwe n’urukiko cyo kugira Imena Evode umwere ku byaha byo by’itonesha mu mutungo wa leta, gutanga inyandiko ku badakwiye kuzihabwa ndetse n’inyandiko mpimbano bwari bumukurikiranyeho.

Imena Evode wari Umunyamabanga wa Leta muri Minisiteri y’Umutungo Kamere yagizwe umwere n’Urukiko


INKURU ZA :
Tanga Igitekerezo
Ibitekerezo 3
JEAN PAUL NKUNDINEZA Kuya 7-12-2017

Imena Evode Courage Hanyuma Yibibazo waciyemo Ubuzima Burakomeza Reka Ukuntu washakisha Ukore Cyane Ibyiza Bir’Imbere

JEAN PAUL NKUNDINEZA Kuya 7-12-2017

Imena Evode Courage Hanyuma Yibibazo waciyemo Ubuzima Burakomeza Reka Ukuntu washakisha Ukore Cyane Ibyiza Bir’Imbere

dada Kuya 7-12-2017

Imana ntirenganya.Evode biranejeje Ko wagizwe umwere.jya kwirerera uruhinja.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...