konka coffee
KONKA

AMAKURU

UKWEZI

Imfashanyo y’ibiribwa u Burundi bwanze kubera ubwoba yasubijwe mu Rwanda

Imfashanyo y’ibiribwa u Burundi bwanze kubera ubwoba yasubijwe mu Rwanda
26-04-2017 saa 06:12' | By Chief Editor | Yasomwe n'abantu 10802 | Ibitekerezo 19

Ishami ry’Umuryango w’Abibumbye ryita ku biribwa (PAM) ryasubije mu Rwanda imfashanyo y’ibiribwa byiganjemo ibishyimbo bingana na toni 508, byaguzwe mu Rwanda, bikaba byaragombaga kujyanwa mu Burundi ngo bigoboke abaturage barembejwe n’inzara, ariko ubuyobozi bw’iki gihugu cy’abaturanyi bwanze iyi mfashanyo kuko iriho ikirango cy’uko yavuye mu Rwanda. U Burundi kugeza ubu buvuga ko bwikanga ko u Rwanda rwahungabanya umutekano wabwo, ubwo bwoba bukaba ari bwo bwatumye bakumira ayo makamyo.

Kuwa Gatanu tariki 21 Mata 2017, nibwo ibiro bishinzwe iperereza mu gihugu cy’u Burundi, byahagaritse amakamyo yari apakiye ibishyimbo yari akuye mu Rwanda abijyanye kugoboka abaturage b’iki gihugu.

Ibiribwa byahagaritswe bigeze ahitwa Gasenyi muri Nemba muri iki gihugu cy’u Burundi, abayobozi batandukanye batangaza ko badashobora kwakira imfashanyo igaragaza ko yaturutse mu gihugu cy’abanzi babo ari cyo u Rwanda. Uretse amakamyo yahagaritswe amaze kugera mu Burundi, hari andi yari ajyanye iyo mfashanyo yahagarikiwe ku mupaka abuzwa kwambuka ngo agere mu Burundi.

Kuba ku mifuka ipfunyitsemo ibi biribwa handitseho ko byavuye mu Rwanda, byabaye impamvu ituma u Burundi bubyanga

Kuri uyu wa Kabiri tariki 25 Mata 2017, nibwo PAM yafashe icyemezo cyo kugarura ibi biribwa mu Rwanda, kuko igipolisi cy’u Burundi cyatangaje ko impamvu banze kwakira ibi biribwa, ari uko bikanga ko u Rwanda rwahungabanya umutekano. Pierre Nkurukiye, umuvugizi wa Polisi mu Burundi, yabwiye Ijwi ry’Amerika ko u Rwanda rwagiye rugira uruhare mu guhungabanya umutekano mu Burundi bityo bakaba batakwemera imigenderanire iyo ari yo yose kubera impamvu z’umutekano wabo.

PAM ivuga ko kugirango ibashe kugeza iyi mfashanyo mu Burundi, bizasaba ko babanza kujya kuzenguruka mu bindi bihugu kugeza ubwo bazabasha kunyura ku mupaka w’ u Burundi na Tanzania, kandi ibyo bikaba bihenze cyane kuko kubitwara gusa bizatwara asaga mikiyoni 30 z’amafaranga y’u Rwanda, bityo bikaba bizatuma imfashanyo yagenerwaga abarundi bari mu kaga k’inzara n’amapfa igabanuka.

Umubano w’u Rwanda n’u Burundi watangiye kuzamo agatotsi mu ntangiriro z’umwaka wa 2015, ubwo Perezida Kagame yahuraga na Perezida Nkurunziza w’u Burundi bakaganira ku by’impunzi zari zitangiye guhungira mu Rwanda ariko bakaba batarabyumvise kimwe kuko Nkurunziza yifuzaga ko zirukanwa mu Rwanda, Kagame akabona hakwiye gushakirwa umuti icyatumye zihunga.

Amakamyo yari atwaye ibiribwa byo kugoboka Abarundi yabujijwe gukomeza


INKURU ZA :
Tanga Igitekerezo
Ibitekerezo 19
zeru rwanda Kuya 28-04-2017

ko natwe dushonje ubundi ibyo biribwa babanje natwe bakaduhaho!dufite inzara ikabije natwe ntiturihaza arko ngo turafasha!

Janvier NT Kuya 27-04-2017

Ariko ipfunwe si kintu kabisa!!!Ubu koko abaturage bicwe n’inzara hejuru y’ipfunwe!!!!Mana tabara abarundi mu kubaha kugira ubushishozi mu byemezo bafata.

gd Kuya 26-04-2017

Abarundi Abanyarwanda ntaho dutandukaniye ururimi rumwe ,umuco umwe ikindi Niki ? Ntampamvu twakwishishanya iyo umuturanyi ashonje musangira ibyo mufite rwose nta kibazo kuruta ko Umwana w’umuturanyi yakwiba byokurya kandi ubifite mu kigega.murakoze.

nana Kuya 26-04-2017

ibyo biribwa Nibabigarure tubyirire ntampanvu yokwinjyinga uburundi nibabijyane Nasho na nyamugari bo bahuye nizuba

nana Kuya 26-04-2017

ibyo biribwa Nibabigarure tubyirere ntampanvu yokwinjyinga uburundi

sage Kuya 26-04-2017

ugaburira uwijuse bararwa,iyo mfashanyo bayihereze abanyarda kuki babitwarira abarundi kdi abanyarda nabo bashonje??????

bahizi Kuya 26-04-2017

PAM nifashe impunzi za Mahama Nkurunziza imureke.

bahizi Kuya 26-04-2017

PAM nifashe impunzi za Mahama Nkurunziza imureke.

bahizi Kuya 26-04-2017

PAM nifashe impunzi za Mahama Nkurunziza imureke.

ivunimpuruza Kuya 26-04-2017

@KING nimuzima cyane,ahubwo numugabo cyane.Au royaume des aveugles les borgnes sont roi.Harageze ngo abarundi barwanire ukuri kwabo bareke kugumya kugirwa impumyi kandi tuzi ko bakanuye nibareke abarebesha akajisho kamwe bababuza amahwemo maze babereke icyo gukora,kuko nta mpamvu yokugumya gucinyirwa ku rwara nk’inda.Abanyarwanda twatojwe kubana neza kandi tuziko abarundi ari abavandimwe bacu ureke abafashe urwanda nabanyarwanda bakatugira abanzi,iyo tuba abanzi ziriya mpunzi zose zisaga ibihumbi mirongo itanu zabarundi ntituba tuzicumbikiye, abanyarwanda turitonda ariko tukanashishoza ntiduhubuka nkabategetsi babarundi,abanyarwanda barayobora ntibategeka,kandi amagambo ntadukanga kuko les chiens aboient et la caravane passe,kutwita abanzi ntibihagije bazagerageze barebe ngo imperuka irababaho bariya baduhoza mu kanwa batindikiye interahamwe FDRL zasize ziduhekuye,Africa yose iza kwigira imiyoberere myiza iwacu ndetse n’isi yose nkanswe abananiwe kwikemurira ibibazo bagize urwanda nkaya nyamaswa imara urubanza,nibitonde ntitukiri insina ngufi,burya si buno

Natacha Kuya 26-04-2017

Narabibonye iyo prezida ari ikigoryi, abaturage nibo ba mbere babihomberamo. Iyo ari umunyabwenge nabwo abaturage nabo barunguka. Nkurumbi uyu aranze yiyiciye abaturage koko, ni nka Habyarimana neza.

kingi Kuya 26-04-2017

NTAWE UKWIYE KWITUNDI INJIJI MWESE MUBITEKEREZO DUTANGA NTACYO TURICYO NTANICYO TUZI, ABARUNDI BAMENYE AMAYERI YAZO, BURIYA WASANGA KOKO BYARI BINAROZE IPEREREZA NIPEREREZA KUKO NINTWARO ZIKUNZE GUKORESHA NINAKO ZISHE IMPUNZI MURI CONGO!! MUSIGEHO RERO. ARIKOSE TWE UBUNDI MU RWANDA NTANZARA IHARI KUBURYO IBISHYIMBO BIIJYA BURUNDI IWACU NTABABURARA DA!!! AMAYERI YARAMENYEKANYE SHA

BURUNDI Kuya 26-04-2017

@KING wunva urimuzima mumutwe wawe, burigihe comments zawe ziba zipfuye kabisa. nushaka ujye ureka gutanga igitekerezo

KING Kuya 26-04-2017

Ariko disi narinziko PRESIDENT NKURUNZIZA arimuzima kumbe numurwayi womumutwe. mubareke bicwe ninzara tuzagende tuhahinge itabi ubundi bari batumariye iki? injiji gusa. banga urwanda ngo nuko president wabo arumututsi kandi bo ari abahutu. barabashuka ntacyo bazadutwara

SEMA Kuya 26-04-2017

Erega kuva mwishyamba utararezwe n ababyeyi ugahitira k ubuyobozi niko bigenda abarundi bagize ibyago byo gutegekwa n injiji zidashyira mu gaciro zi vuye mumashyamba

Blessings Kuya 26-04-2017

Ugaburira umwijusi bararwana, uburundi nibwange ibiryo turebeko abanyarwanda aribo bicwa ninzara.Ntasoni, ahubwo PAM ntiyirushye yiteza expenses zubusa nibihorere!

Umusazamzee Kuya 26-04-2017

Ariko disi mujye musengera u Burundi. What leaders are that? More than stupid indeed.

lg Kuya 26-04-2017

ARIKO ABAYOBOZI BAFITE UBWENGE BUKE NKABURIYA BATEGEKA, IGIHUGU BATE U RWANDA RULITONDA, UBUSE KUMINSI, KUMUPAKA WA KANYARU NAHANDI HAMBUKA, IBIRIBWA BINGANA IKI, NA BYOSE BABYANZE BAKADUHIMA ABARUNDI MANA YANJYE, UBWO NIBIIVA, HANO BIGACA, TANZANIA BAZABYAKIIRA!!!!!UBWENGE BUCURAMYE BURAGWIRA, NIBAVUGE BATI NTIDUSHAKA IBINTU BICIYE MU RWANDA BAREBE AKABABAHO

kelly Kuya 26-04-2017

This is too stupid!bad leadership is worse than evil spirits !So sorry for Burundian victims

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...