konka coffee
KONKA

AMAKURU

UKWEZI

Imyaka 17 iruzuye Kagame ari Perezida w’u Rwanda. Imiyoborere ye yamuhesheje iyihe sura?

Imyaka 17 iruzuye Kagame ari Perezida w’u Rwanda. Imiyoborere ye yamuhesheje iyihe sura?
22-04-2017 saa 07:41' | By Chief Editor | Yasomwe n'abantu 7194 | Ibitekerezo 2

Kuwa Gatandatu tariki 22 Mata 2000 ku isaha ya saa 11:45 za mu gitondo ku isaha y’i Kigali, kuri sitade nkuru y’u Rwanda; sitade Amahoro i Remera, Paul Kagame wari visi Perezida w’u Rwanda icyo gihe, nibwo hatangajwe ko yagiye mu ntebe y’ubuyobozi nka Perezida wa Repubulika by’agateganyo, ubu imyaka 17 ikaba ishize ayoboye Abanyarwanda. Ese iyi myaka 17 ivuze iki ku Rwanda n’Abanyarwanda, ndetse no ku isi yose muri rusange?

Nk’umuyobozi mushya wari uhawe inshingano zidasanzwe zo kuyobora igihugu cyari kimaze imyaka 6 kivuye muri Jenoside yakorewe abatutsi ndetse kikirangwamo ibisigisigi by’abacengezi bahungabanyaga umutekano, Perezida Kagame yahise avuga ijambo rye rya mbere, iri rikaba ryaraje gushingirwaho mu myaka micye yakurikiyeho havugwa imvugo igira iti: "Imvugo niyo ngiro" yashakaga kugaragaza ko ibyo avuga anabishyira mu bikorwa.

Mu ijambo rye icyo gihe, Paul Kagame yagize ati: "Amahoro n’umutekano bimaze kugaruka mu gihugu, miliyoni zirenga eshatu z’Abanyarwanda bari barahunze bamaze gutaha. U Rwanda ruzaba igihugu buri munyarwanda azifuza kubamo.“

Ubwo yamaraga kurahira, Kagame yahumurije Abanyarwanda bari bugarijwe n’ubukene cyane ko Jenoside yakorewe Abatutsi yari yarangije byinshi mu gihugu cyari kikirimo kwiyubaka. Kagame ati: "Ubukene mu Rwanda ntibuzaba akarande. Umutungo wa mbere dufite ni Abanyarwanda bakorana umurava. Tuzubaka ibigo by’amashuri twibanda ku ikoranabuhanga, tuzashora imari mu bikorwa biduha amashanyarazi, ikoranabuhanga mu itumanaho n’iyubakwa ry’imihanda, byose tuzabikoresha mu guteza imbere imibereho myiza."

Nyuma yo kurahira, kuwa Mbere tariki 24 Mata 2000, Perezida Kagame yari mu biro nk’umukuru w’igihugu cy’u Rwanda, kuva ubwo ayobora igihugu imyaka itatu, kugeza ubwo muri 2003 Abanyarwanda ubwabo bagombaga kwitorera ubayobora maze bamuhundagazaho amajwi, akomeza kuyobora igihugu ndetse na nyuma y’aho manda ya mbere irangiye muri 2010, atorerwa gukomeza kuba imbere y’abaturage.

Kuva Paul Kagame yaba Perezida, impinduka mu burezi, mu bukungu, mu bikorwa remezo, mu kurwanya ruswa, mu ishoramari ry’abanyamahanga baza gushora imari mu Rwanda, umutekano, kurwanya ruswa, guteza imbere uburinganire, kwegereza ubuyobozi abaturage, ubumwe n’ubwiyunge n’ibindi, byatumye amahanga kugeza n’ubu atabasha kwiyumvisha iyobera ry’ukuntu Abanyarwanda batemanaga mu myaka 23 ishize, bateye imbere kandi bakongera kubana mu mahoro n’ubwumvikane byari byarabuze mbere y’uko bicana, aho mu kazi no mu mashuri harangwaga ivangura rishingiye ku moko no ku turere.

Ibihembo n’ibikombe Perezida Kagame yagiye ahabwa hirya no hino ku isi, bishimangira ishusho yihariye y’imiyoborere yimakaje mu Rwanda, agahindura igihugu cyari cyarazahaye, akabanisha abanyarwanda akabayobora mu nzira ikwiriye kandi ibaganisha ku iterambere mu nzego zose, kuburyo impinduka zigaragarira buri wese.

Paul Kagame nta nyota yari afite yo kuba Perezida

Nk’uko yabyivugiye mu mwaka wa 2006, Perezida Kagame yashimangiye ko ku giti cye atigeze yifuza kuba Perezida. Uretse n’ibyo kandi uburyo yari ayoboye ingabo zabohoye u Rwanda zigafata igihugu ariko ntahite aba Perezida icyo gihe kugeza ubwo yaje kugera kuri uwo mwanya nyuma y’imyaka 6 yose, bishingirwaho n’abatari bacye bemeza ko nta nyota yo kuba Perezida yari afite, kuko akenshi uyoboye ingabo zirwanya ubutegetsi iyo buhiritswe ahita aba umukuru w’igihugu, bityo iyo Kagame aba afite iyo nyota, muri Nyakanga 1994 yari guhita aba Perezida wa Repubulika.

Uretse ibikorwa yagejeje ku baturage bituma bamwirahira, uko yitwara ubwabyo bimuzanira igikundiro kidasanzwe.

Perezida Paul Kagame, afite ibintu byinshi yihariye bigendana n’uburyo yitwara ku baturage b’ingeri zose, ugasanga abegera kandi akagerageza guhaza ibyifuzo byabo ku kigero kitapfa gushoborwa n’umuyobozi uwo ari we wese. Kuri iyi ngingo, turagenda tugaruka ku ngero zitandukanye z’aho yagiye agaragaza imyitwarire nk’iyi yatumye ataba umuyobozi gusa, ahubwo anahinduka inshuti ikomeye y’abo ayobora.

Perezida Kagame ni inshuti y’abasheshe akanguhe

Perezida Paul Kagame, yagiye agaragaza cyane kwita ku basheshe akanguhe, bigatera benshi ubwuzu kumubona abegera akabatega amatwi akumva ibyifuzo byabo. Muri Kamena 2013, umusaza Rutayisire Gervais yatangaje ko yumva azapfana agahinda gakomeye naramuka apfuye atarabasha kubona Perezida Kagame amaso ku yandi, ndetse ko amufitiye ubutumwa bukomeye ashaka gupfa amugejejeho. Yavugaga ko yavutse ku ngoma ya Yuhi Musinga, kandi ngo yabonye abami Musinga, Rudahigwa na Kigeli Ndahindurwa amaso ku maso, ndetse yavugaga ko nta mu Perezida n’umwe atiboneye amaso ku maso uretse Perezida Kagame.

JPEG - 70.2 kb

Icyo gihe yagiraga ati:“Abatwaye u Rwanda bose narababonye nsigaje kwibonera Perezida Kagame, by’umwihariko we mufitiye ubutumwa. Nifuje kenshi kumubona ngo mubwire ijambo rimwe gusa ariko sindamubona. Ubu ikibazo mfite ni uko mbona iminsi yanjye iri kugenda ishira, ariko Imana izamfasha mfite icyizere ko nzatabaruka mubonye nkamubwira... Ni ubutumwa bwe nyine ntawundi nabubwira, ninatabaruka ntakundi nzabujyana ariko nzajyana agahinda, mfite byinshi byo kumubwira ariko mfite na kimwe cy’ingenzi.”

JPEG - 76.8 kb

Uyu musaza witwa Rutayisire yifuje gupfa amaze kwibonera Perezida Kagame, bidatinze Perezida amutumira iwe n’umugore we baraganira

Inkuru y’uko umusaza Rutayisire azapfana agahinda napfa atabonye Perezida Paul Kagame, yaje kugera kuri nyir’ubwite wifuzwaga bikomeye maze abinyujije ku rubuga rwa twitter, Perezida Kagame ashimangira ko agiye gupanga uko yabonana n’uyu musaza. Ibi byaje gukorwa ku Cyumweru tariki 16 Kamena 2013, Rutayisire n’umugore we batumirwa kwa Perezida Kagame mu rugo maze bafata n’umwanya baraganira.

Nk’uko yifuje gupfana ibyishimo, yabigezeho ku itariki ya mbere y’ukwezi kwa Gicurasi 2015, ubwo uyu musaza Rutayisire yasezeraga muri ubu buzima ku myaka 92 y’amavuko, agasiga umugore n’abana batatu ndetse n’umwuzukuru umwe. Uyu mukambwe yaguye iwe mu karere ka Ruhango, azize iza bukuru zari zaraziyemo n’indwara z’ubuhumekero. Umuryango we kandi yawusize mu nzu igezweho yari yarubakiwe na Perezida Paul Kagame.

JPEG - 75 kb
JPEG - 63.5 kb
JPEG - 66 kb

Perezida Kagame n’umufasha we bajyaga i Gicumbi mu birori byo kwizihiza umunsi wo Kwibohora ku nshuro ya 21

Urundi rugero rwakoze ku mitima ya benshi, hari tariki 4 Nyakanga 2015 ubwo u Rwanda rwizihizaga imyaka 21 yo Kwibohora. Icyo gihe, amafoto yacicikanye cyane yafatiwe muri ibyo biriro, ni aya Perezida Kagame ateze amatwi umukecuru wabikiraga Inkotanyi intwaro mu gihe cy’urugamba rwo kwibohora, kandi ngo uyu mukecuru yashimiwe cyane na Perezida Kagame amwitura ineza yabagiriye.

Perezida Kagame ni inshuti y’abana n’urubyiruko

Abakiri bato, usanga bakunda cyane Perezida Paul Kagame kubera uburyo akunda kubegera, akabatega amatwi, agasabana nabo, akishimana nabo kandi akanabagira inama mu buryo bwihariye. N’ubwo ari kenshi yagiye abigaragaza cyane mu bikorwa n’ibirori bitandukanye, ntawe uzibagirwa uburyo yahaye ikaze umwana w’imyaka 11 wo muri Kenya akaza kumusura i Kigali, akamwakira kandi akamuha umwanya bakaganira.

Tariki 9 Nzeri 2016, nibwo Perezida Paul Kagame yakiriye uyu mwana w’imyaka 11 witwa Wendy Waeni, akaba yari yarabimusezeranyije mu myaka ibiri ishize. Uyu mwana w’umukobwa uzwi cyane mu gususurutsa abakuru b’ibihugu batandukanye abashimisha akoresheje impano idasanzwe afite mu mikino ngororamubiri, akaba yanageneye Perezida Kagame impano.

Uyu mwana yakabije inzozi ze, anagenera Perezida Kagame impano

Perezida Paul Kagame, ni inshuti ikomeye y’abaturage muri rusange

Kuva yaba Perezida wa Repubulika, bamwe mu baturage ntibabasha kwiyumvisha uburyo Umukuru w’igihugu abitabo, akabakemurira ibibazo ndetse ntarengere abayobozi baba barenganya rubanda rugufi. Mu ngendo z’akazi akunda gukorera mu bice bitandukanye by’igihugu, Perezida Kagame asanganizwa ibyishimo by’abamuratira ibyo bagezeho babikesha imiyoborere ye, ariko kandi n’abafite ibibazo barenganyijwe n’abayobozi bo mu nzego z’imitegekere zitandukanye, nabo niwe baba bahanze amaso, bizeye badashidikanya ko abarenganura.

JPEG - 62.1 kb
PNG - 434.2 kb

Nta handi mu mateka y’u Rwanda, byigeze bivugwa ko umuyobozi mu rwego runaka, ashobora kuregwa n’umuturage kuri Perezida wa Repubulika, umuyobozi agatsindwa ndetse agategekwa kwishyura ibyo yariganyije rubanda rugufi cyangwa akaba yaneguzwa. Ibi bitera abanyarwanda benshi ishema, kuburyo usiragiye wese akabura umuyobozi wamurenganura, akubita agatoki ku kandi ati: "Amaherezo Perezida wacu azadusura mugezeyo ikibazo cyanjye andenganure".

REBA ANDI MAFOTO HANO AGARAGAZA URUGWIRO RWA PEREZIDA KAGAME...

JPEG - 85.4 kb
JPEG - 77.8 kb
JPEG - 80.3 kb

Urugwiro Perezida Paul Kagame yeretse abanyeshuri bo muri Kaminuza i Huye rwarabanyuze

JPEG - 66.7 kb
JPEG - 80 kb
JPEG - 82.3 kb
JPEG - 89 kb
JPEG - 59.2 kb
JPEG - 81.9 kb

REBA HANO VIDEO ASUHUZA ABATURAGE MURI NYABUGOGO:


INKURU ZA :
Tanga Igitekerezo
Ibitekerezo 2
ME Kuya 22-04-2017

OUR BEST PRESIDENT IN THE WORLD!!!!!!!!!!

BB Kuya 22-04-2017

ndagukunda nkabura uko ngira !!!!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA