konka coffee
KONKA

AMAKURU

UKWEZI

Ingano y’umushahara mushya wa Perezida, Abaminisitiri, Abadepite, Abasenateri, Guverineri...

Ingano y’umushahara mushya wa Perezida, Abaminisitiri, Abadepite, Abasenateri, Guverineri...
24-02-2017 saa 18:14' | By Chief Editor | Yasomwe n'abantu 60632 | Ibitekerezo 87

Iteka rya Perezida N°004/01 ryo ku wa 16/02/2017 rigena ingano y’imishahara n’ibindi bigenerwa Abanyapolitiki Bakuru b’Igihugu n’uburyo bitangwa, ryasohotse mu Igazeti ya Leta nimero idasanzwe yo kuwa 23/02/2017, rigaragaza ingano y’Imishahara aba Banyapolitiki Bakuru b’Igihugu bahabwa ndetse n’ibindi biherekeza iyo mishahara.

Aba Banyapolitiki Bakuru b’Igihugu, barimo Perezida wa Repubulika, Perezida wa Sena, Perezida w’Umutwe w’Abadepite; Minisitiri w’Intebe; ba Visi Perezida ba Sena; ba Visi Perezida b’Umutwe w’Abadepite; Abaminisitiri; Abanyamabanga ba Leta; Abandi bagize Guverinoma bashobora gushyirwaho na Perezida wa Repubulika; Abaguverineri b’Intara; Umuyobozi w’Umujyi wa Kigali, Abasenateri n’Abadepite.

Umushahara mbumbe ugenerwa buri munyapolitiki mukuru uvugwa muri iri teka wiyongeraho icumi ku ijana (10%) byawo nyuma ya buri myaka itatu (3).

Perezida wa Repubulika agenerwa ibi bikurikira:

  • Umushahara mbumbe ungana n’amafaranga y’u Rwanda miliyoni esheshatu n’ibihumbi ijana na bibiri na magana arandwi na mirongo itanu n’atandatu (6.102.756 Frw) buri kwezi;
  • Inzu yo kubamo ifite ibyangombwa byose;
  • Imodoka eshanu (5) z’akazi za buri gihe n’ibyangombwa byazo byose byishyurwa na Leta.
  • Amafaranga yo kwakira abashyitsi mu rwego rw’akazi yose yishyurwa na Leta;
  • Uburyo bw’itumanaho rigezweho, rigizwe na telefoni itagendanwa, telefoni igendanwa, fagisi, interineti itagendanwa na interineti igendanwa, telefoni satelite, anteni parabolike n’irindi tumanaho ryose rya ngombwa mu biro, mu rugo n’ahandi hose bigaragaye ko ari ngombwa rimufasha kuzuza inshingano ze, byose byishyurwa na Leta;
  • Amafaranga akoreshwa mu rugo angana na miliyoni esheshatu n’ibihumbi magana atanu y’u Rwanda (6.500.000 Frw) buri kwezi;
  • Amazi n’amashanyarazi byishyurwa na Leta;
  • Uburinzi buhoraho haba ku kazi, mu rugo ndetse n’ahandi hose.

Perezida wa Sena, Perezida w’Umutwe w’Abadepite na Minisitiri w’Intebe:

Perezida wa Sena, Perezida w’Umutwe w’Abadepite na Minisitiri w’Intebe bagenerwa buri wese umushahara mbumbe w’umurimo ungana n’amafaranga y’u Rwanda miliyoni enye n’ibihumbi magana atatu na mirongo ine na bitandatu n’ijana na mirongo itanu n’atandatu (4.346.156 Frw) buri kwezi.

Buri wese agenerwa kandi ibi bikurikira:

  • Inzu yo kubamo ifite ibyangombwa;
  • Imodoka imwe (1) y’akazi buri gihe n’ibikenewe byose mu kuyifata neza byishyurwa na Leta;
  • Amafaranga yo kwakira abashyitsi mu rwego rw’akazi angana n’amafaranga y’u Rwanda ibihumbi magana atandatu (600.000 Frw) buri kwezi anyuzwa kuri konti y’urwego bireba;
  • Uburyo bw’itumanaho rigezweho mu biro no mu rugo, rigizwe na telefoni itagendanwa, telefoni igendanwa, fagisi, interineti igendanwa n’itagendanwa, telefoni ikorana na satelite ndetse na anteni parabolike, byose bikishyurwa na Leta;
  • Amafaranga yo kwakira abashyitsi mu rugo angana n’amafaranga y’u Rwanda ibihumbi magana atandatu (600.000 Frw) buri kwezi;
  • Amazi n’amashanyarazi byose byishyurwa na Leta;
  • Uburinzi buhoraho ku kazi, mu rugo n’ahandi hose bibaye ngombwa;

Amabwiriza ya Minisitiri ufite imiturire mu nshingano ze agena agaciro ntarengwa k’inzu ivugwa muri iyi ngingo mu gace kayo ka mbere n’agaciro ntarengwa k’ibyangombwa bigomba kuba biyirimo.

Visi-Perezida ba Sena, ba Visi- Perezida b’Umutwe w’Abadepite, Abaminisitiri n’abandi bagize Guverinoma

Ba Visi-Perezida ba Sena, ba Visi- Perezida b’Umutwe w’Abadepite, Abaminisitiri n’abandi bagize Guverinoma bashobora gushyirwaho na Perezida wa Repubulika bagenerwa buri wese umushahara mbumbe buri kwezi ungana n’amafaranga y’u Rwanda miliyoni ebyiri n’ibihumbi magana atanu mirongo itatu na bine na magana inani na mirongo itandatu na rimwe (2.534.861 Frw).

Abanyamabanga ba Leta bagenerwa buri wese umushahara mbumbe buri kwezi ungana n’amafaranga y’u Rwanda miliyoni ebyiri n’ibihumbi magana ane na mirongo itatu na bine na magana atandatu na cumi n’atatu (2.434.613 Frw).

Ba Visi-Perezida ba Sena, ba Visi-Perezida b’Umutwe w’Abadepite, Abaminisitiri, abandi bagize Guverinoma bashobora gushyirwaho na Perezida wa Repubulika n’Abanyamabanga ba Leta bagenerwa kandi buri wese ibindi bibafasha gutunganya imirimo bashinzwe, bikurikira:

  • Amafaranga y’icumbi angana n’ibihumbi magana atanu y’u Rwanda (500.000 Frw) buri kwezi;
  • Amafaranga yo kwakira abashyitsi mu rwego rw’akazi angana n’amafaranga ibihumbi magana atatu y’u Rwanda (300.000 Frw) buri kwezi, anyuzwa kuri konti y’Urwego bireba;
  • Amafaranga yo kwishyura itumanaho rya telefoni, interineti na fagisi byo mu biro angana n’amafaranga y’u Rwanda ibihumbi ijana (100.000 Frw) buri kwezi;
  • Amafaranga y’u Rwanda ibihumbi mirongo ine (40.000 Frw) buri kwezi y’itumanaho rya interineti igendanwa;
  • Amafaranga ibihumbi ijana na mirongo itanu (150.000 Frw) buri kwezi y’itumanaho rya telefoni igendanwa; uburinzi buhoraho ku kazi, mu rugo n’ahandi hose bibaye ngombwa.
  • Amafaranga yo kwigurira ibikoresho byo mu nzu angana na miliyoni eshanu z’amafaranga y’u Rwanda (5.000.000 Frw) iyo atangiye imirimo. Aya mafaranga atangwa rimwe gusa kabone n’ubwo habaho guhindurirwa umwanya w’umurimo.

Amafaranga y’icumbi ya buri kwezi avugwa mu gace ka mbere k’igika cya 3 cy’iyi ngingo ntagenerwa umunyapolitiki mukuru w’Igihugu uvugwa muri iyi ngingo, iyo yahawe na Leta inkunga y’icumbi yatanzwe ingunga imwe, ingana na miliyoni cumi n’ebyiri n amafaranga y’u Rwanda (12.000.000 Frw), mu gihe hakurikizwaga amategeko yabigenaga.

Abaguverineri b’Intara n’Umuyobozi w’Umujyi wa Kigali

Abaguverineri b’Intara n’Umuyobozi w’Umujyi wa Kigali bagenerwa buri wese umushahara mbumbe w’umurimo buri kwezi ungana n’amafaranga y’u Rwanda miliyoni ebyiri n’ibihumbi magana ane na mirongo itatu na bine na magana atandatu na cumi n’atatu (2.434. 613 Frw).

Buri wese agenerwa kandi ibindi bimufasha gutunganya imirimo ashinzwe, bikurikira:

  • Amafaranga y’icumbi angana n’ibihumbi magana ane by’amafaranga y’u Rwanda (400.000 Frw) buri kwezi;
  • Amafaranga yo kwakira abashyitsi mu rwego rw’akazi angana n’amafaranga y’u Rwanda ibihumbi magana atatu (300.000 Frw) buri kwezi anyuzwa kuri konti y’urwego bireba;
  • Amafaranga y’u Rwanda ibihumbi ijana (100.000 Frw) buri kwezi y’itumanaho rya telefoni, fagisi na interineti byo mu biro;
  • Amafaranga ibihumbi mirongo ine (40.000 Frw) buri kwezi y’itumanaho rya interineti igendanwa;
  • Amafaranga ibihumbi ijana na mirongo itanu (150.000 Frw) buri kwezi y’itumanaho rya telefoni igendanwa ;
  • Uburinzi buhoraho ku kazi, mu rugo n’ahandi hose bibaye ngombwa;
  • Amafaranga yo kwigurira ibikoresho byo mu nzu angana na miliyoni eshanu z’amafaranga y’u Rwanda (5.000.000 Frw) ahabwa buri wese iyo atangiye imirimo. Aya mafaranga atangwa rimwe gusa kabone n’ubwo habaho guhindurirwa umwanya w’umurimo.

Amafaranga y’icumbi ya buri kwezi avugwa mu gace ka mbere k’igika cya 2 cy’iyi ngingo ntagenerwa Umuyobozi w’Umujyi wa Kigali, cyangwa uwahoze ari Guverineri w’Intara usubiye ku mwanya wa Guverineri w’Intara mu Ntara yigeze kuyobora; iyo yahawe na Leta inkunga y’icumbi yatanzwe ingunga imwe, ingana na miliyoni cumi n’ebyiri z’amafaranga y’u Rwanda (12.000.000 Frw), mu gihe hakurikizwaga amategeko yabigenaga.

Abasenateri n’Abadepite:

Abasenateri bagenerwa buri wese umushahara mbumbe w’umurimo ungana n’amafaranga y’u Rwanda miliyoni imwe n’ibihumbi magana inani na mirongo ine na birindwi na magana atandatu n’icyenda (1.847.609 Frw) buri kwezi. Abadepite bagenerwa buri wese umushahara mbumbe w’umurimo ungana n’amafaranga y’u Rwanda miliyoni imwe n’ibihumbi magana arindwi na mirongo irindwi na bine na magana atanu na mirongo ine (1.774.540 Frw) buri kwezi.

Abaperezida ba Komisiyo muri Sena no mu Mutwe w’Abadepite, buri kwezi bongererwa buri wese ku mushahara mbumbe amafaranga y’u Rwanda ibihumbi mirongo itatu na bitanu (35.000 Frw) naho aba Visi-Perezida b’izo Komisiyo bakongererwa ibihumbi mirongo itatu (30.000 Frw) buri wese kandi buri kwezi.

Abasenateri n’Abadepite bagenerwa kandi buri wese ibindi bibafasha gutunganya imirimo bashinzwe, bikurikira:

  • Amafaranga y’icumbi angana n’ibihumbi magana abiri na mirongo itanu by’u Rwanda (250.000 Frw) buri kwezi;
  • Perezida na Visi- Perezida ba Komisiyo bagenerwa buri wese amafaranga y’u Rwanda ibihumbi mirongo irindwi (70.000 Frw) y’itumanaho rya telefoni igendanwa buri kwezi;
  • Buri Musenateri na buri Mudepite bagenerwa amafaranga y’u Rwanda ibihumbi mirongo itanu (50.000 Frw) ku kwezi y’itumanaho rya telefoni igendanwa;
  • Amafaranga y’u Rwanda ibihumbi mirongo itatu na bitanu na magana ane y’u Rwanda (35.400Frw) buri kwezi yo kwishyura ifatabuguzi rya interineti igendanwa ikoreshwa kuri mudasobwa.

Amafaranga y’icumbi ya buri kwezi avugwa mu gace ka mbere k’igika cya 4 cy’iyi ngingo ntagenerwa umunyapolitiki mukuru w’Igihugu uvugwa muri iyi ngingo, iyo yahawe na Leta inkunga y’icumbi yatanzwe ingunga imwe, ingana na miliyoni cumi n’ebyiri z’amafaranga y’u Rwanda (12.000.000 Frw), mu gihe hakurikizwaga amategeko yabigenaga. Amafaranga y’ubutumwa imbere mu gihugu

Amafaranga y’ubutumwa bw’imbere mu gihugu:

Iyo Perezida wa Repubulika, Perezida wa Sena, Perezida w’Umutwe w’Abadepite na Minisitiri w’Intebe, bagiye mu butumwa imbere mu gihugu, bishyurirwa na Leta amafaranga yose yakoreshejwe muri ubwo butumwa, herekanywe inyemezabuguzi.

Iyo ba Visi-Perezida ba Sena, ba Visi-Perezida b’Umutwe w’Abadepite, Abaminisitiri, abandi bagize Guverinoma, Abanyamabanga ba Leta, Abaguverineri b’Intara n’Umuyobozi w’Umujyi wa Kigali bagiye mu butumwa imbere mu gihugu, bahabwa amafaranga y’ubutumwa abarwa hakurikijwe ibiteganywa n’iteka rya Perezida rigenga ubutumwa bw’akazi imbere mu gihugu.

Iyo Abasenateri n’Abadepite bagiye mu butumwa imbere mu gihugu, bahabwa amafaranga y’ubutumwa abarwa hakurikijwe ibiteganywa n’iteka rya Perezida rigenga ubutumwa bw’akazi imbere mu gihugu.

Bitabangamiye ibivugwa mu gika cya gatatu cy’ingingo ya 9 y’iri teka, Abasenateri cyangwa Abadepite iyo baraye mu butumwa bw’akazi imbere mu gihugu, bishyurirwa n’urwego bakorera icumbi n’ifunguro ry’umugoroba muri hoteli hakoreshejwe ifatabuguzi.

Hitawe ku biciro biri ku isoko, Minisitiri ufite imari mu nshingano ze, amaze kubijyaho inama na Minisitiri ufite abakozi ba Leta mu nshingano ze, agena ibiciro ntarengwa bigomba gukurikizwa mu kwishyura amahoteli Abasenateri cyangwa Abadepite barayemo igihe bari mu butumwa imbere mu gihugu.

Iyo ba Visi- Perezida ba Sena, ba Visi- Perezida b’Umutwe w’Abadepite, Abaminisitiri, abandi bagize Guverinoma, Abanyamabanga ba Leta, Abaguverineri b’Intara, Umuyobozi w’Umujyi wa Kigali, Abasenateri n’Abadepite, bagiye mu butumwa imbere mu gihugu bakoresheje imodoka zabo, Leta ibagenera amafaranga y’urugendo, hakurikijwe ibiteganywa n’amabwiriza ya Minisitiri ufite gutwara abantu n’ibintu mu nshingano ze.

Iyo abanyapolitiki bakuru b’Igihugu bavugwa muri iri teka bagiye mu butumwa hanze y’Igihugu, hakurikizwa ibiteganywa n’iteka rya Perezida rishyiraho amabwiriza agenga ubutumwa mu mahanga.

Amafaranga y’ishyingura n’ay’impozamarira

Mu gihe Perezida wa Repububulika cyangwa uwahoze ari Perezida wa Repubulika yitabye Imana, Leta yishingira ibijyanye n’amafaranga yose akoreshwa mu mihango y’ishyingura kandi ikagenera umuryango wa nyakwigendera amafaranga y’impozamarira angana n’umushahara mbumbe we w’amezi atandatu (6).

Mu gihe umwe mu bandi banyapolitiki bakuru bavugwa mu ngingo ya 5, iya 6, iya 7 n’iya 8 z’iri teka yitabye Imana akiri mu mirimo ye cyangwa nyuma yaho mu gihe kitarenze amezi atandatu (6), Leta itanga amafaranga akoreshwa mu mihango y’ishyingura angana n’inshuro ebyiri (2) z’umushahara mbumbe wa nyakwigendera. Leta iha kandi umuryango wa nyakwigendera amafaranga y’impozamarira angana n’umushahara mbumbe we w’amezi atandatu (6).


INKURU ZA :
Tanga Igitekerezo
Ibitekerezo 87
BUCYEKABIRI Kuya 23-06-2017

NDUMIWE KABISA!!!!! INZARA ITWICIYE MUMASHURI RWOSE BISUBIRIREHO IBYO SIBYO

Siharusahuzi Kuya 6-06-2017

Njye ndabona ari ukwikoreramo. Iyo umuyobozi yihaye umushahara akayabo akongeraho n’amafaranga yo gukoresha mu rugo, umushahara ni uwo kubika?
Kugereranya n’abanyamahanga ntacyo bivuze cyane kuko ibihugu ntibinganya ubukungu, abo bahembwa menshi ntibahahira mu isoko rusange, kandi usanga imishahara yabo ifite ikigereranyo n’iy’abandi bakozi. Trump ahembwa zeru!
Ikica ibintu nuko babaha cash. Bajye bahaha batange fagitire leta ibasubize, aho guha umuntu amafaranga ya telefoni uziko atazakoresha icya cumi cyayo ...
Ikindi gikurura ubusumbane ni amafaranga y’abajya mu butumwa. Ni menshi cyane kandi ahabwa bamwe, bagakira. Kuki umukozi atarya ngo aryame azazane fagitire bamusubize cg bamuhe amafaranga azazane fagitire asubize ayo atakoresheje ko iyo minsi n’ubundi aba azayihemberwa?
Hari byinshi byo kuvugurura, uriya muyaga uhushye mu bufaransa uzahuhe n’iwacu.

Michael Kuya 5-06-2017

Bavandimwe sha mafranga ateye ubwoba ni izina ry’Imana! Ah ah... umuntu ivuga ngo aragereranya n’ibindi bihugu umushahara w’abakuru b’ibihugu ..aragereranya ahereye ku ki??

Patrick Kuya 4-06-2017

Ndumiwe noneho uziko abayobozi bose bo mu Rwanda barusha President XiPing wo mubushinwa kugeza kuri Mayor ahembwa miliyoni imwe y’amanyarwanda nibihumbi ma 400. Ama USD 1,672 gusa reba abandi bayobozi bahandi ayo bahembwa urahita ubona ko u Rwanda duhemba menshi kdi akabije
Link iri hano: (http://www.paywizard.org/main/salary/vip-check/world-leaders-salaries

Mugisha Kuya 4-06-2017

Mutubwire iyo murabo bose mutubwiye uko babona ibibafasha mumirimo yabo iyo haramutse1 haruwirukannye mukazi ahabwiki ?2yisezereye ahabwa iki?( imperekeza)

Zuena Kuya 4-06-2017

Bantu muri Kiri comentaire mugabanye ubutindi nokuvanga. Aha bavuze abayobozi bakuru bigihugu ntabwo ari abarimu nabasirkare. Ariko ugereranije nibindi bihugu rwose aba bayobozi bahembwa make cyane. Gusa sinavuga ngo babongere bitewe nikibazo cyubukungu bwigihugu.

Musirikare Kuya 4-06-2017

Ahhhaaaa ayo ni make ? Mwarimu 40000frwsur? Agakodeshamo ninzu ? Sh nize ubwarimu ariko aho kwigisha nakorora inkwavu nzi ko zampa arenze aya atagura ni pantalon ! !

MUGUNGA Kuya 4-06-2017

Ariko ko numva kenshi ngo imishahara y’abayobozi bakuru bigihugu yongerewe kuki ntumva iya mwarimu na muganga ngo yongerewe? Harya hatabayeho mwarimu abo bose baba icyo baricyo? Ahaaaaa burya koko ingoma zose ni uruhu!!!!!!!!!

Omar leo Kuya 4-06-2017

Nonese ko bishimira kongezwa umushahara kandi bakatubuza gukora baba bumvako amafaranga azavahe? Ngo ntibagacururize mumuhanda kandi bacuruza ibyo baranguye mu iduka risora bakagurira ibibatunga muri boutique isora! Nonese abazunguzajyi nibafungwa amaduka azarangurirwa nande?Nahomba agafunga imisoro ihemba nyakubahwa izavahe.

xebro Kuya 19-04-2017

AHUBWO ABA BAYOBOZI BAHEMBWA MAKEYA CYANE RWOSE BABONGEZE NONESE MWARIMU KO AHEMBWA MIRONGO INE NA BIBIRI 42000 KANDI NTAKINTU AKORA KIRUTA ICYABO!!!!!!!!!!!!!!!!!!!!!!!!!!!!!!!!!!

Holla Kuya 8-04-2017

Njye ndibaza ayo bahembwa nayiki ko mbona ibintu byose babihabwa. Muzabatubariza da!

Masoko Kuya 27-03-2017

yego rwose, ubundi abaturage bagaterwa ibyuhagiro bishyushye mu kubahwiturirra gutanga imisoro kugira ngo abayobozi babo babone amamiliyoni bahembwa ku kwezi. ese ubushobozi bw umuturage ku isoko bungana iki? es eashobora koko kiubaho ku kigero kingana iki? Ndavuga nk umuturage wa Kayonza, Gatsibo, Nyaruguru, Kirehe,Nyamagabe, Huye? Ntiushyiremo Nyarugenge, Kacyiru, Gasabo kuko nubundi ibipimo by imibereho bizamurwa n`abo bamiliyoneri bahatuye. Ku bwa njye, uretse Umukuru w `Igihugu uyakwiriye, ndetse arenze n `ayo, kuko asabwa byinshi, byose ari we biri ku mutwe, abandi bayobozi bakuru bose bari bakwiye kubona imishahara mbumbe itarengeje 800,000frw kuko ibindi babona ku ruhande bikubye incuro 10 ayo agaragazwa mu mategeko. Umuturage yishwe ninzaraabandi biyicariye mu madiva yo mu biro no mu ngo zabo, babaz aho amafamu ageze n aho amamodoka atwaye imizigo na peteroli bigeze, ngo bazumva abaturage ko bugarijwe n ikibazo? Mubaze wa wundi wavuze ngo ngo NTA NZARA IRIHO MU MUTARA NGO KUKO NTA MUNTU N UMWE URAPFA!!!!

MAHORO Kuya 17-03-2017

yego pe ! uwamapaho ukwezi kumwe naba mbonye igishoro ubundi nkavamo , nahita ncuruz aibishyimbo wee. hano mu cyaro cya Kinyamakara nkareba ko iyi nzara yagabanuka . ubundi ngahinga iyi mirima itacyera kubera kubura ifumbire .

didce Kuya 15-03-2017

ISI NIKONSA UZONKE ,NAMWE MUHARANIRE KUBA ABAYOYOBOZI BEJO HAZAZA BARAYAHEMBWA KUKO BABIHARANIYE KANDI EREGA SINAMENSHI. TUGUMYE TUNEZEZWE NA DUKE TUBONA IMANA NIBISHAKA IZAKONGERERA AMEN

peterson Kuya 9-03-2017

ese harya umwarimu n’umusorokare bo bazira ko ngo umubare wabo ari benshi ntibabona ayo bahembwa?

Barushywanubusa Aimé Kuya 6-03-2017

ariko se ubundi umushahara n’uwiki?ko mbona byose babihabwa, hatoya ngo ba nyagupfa bazabaho na twa tururi twabatungaga batadushaka muve mu nzira ba nyakubahwa bubake mubuyere nah’ubundi ntacyo muvuga kuko ntacyo mumaze mutera umwanda mu gihugu gusa.

ALIAS Kuya 4-03-2017

MWAKAGOBYE KONGEZA ABAGANGA NA PRIME ZARAHAGAZE MURI NYARUGURU KURI CENTRE DE SANTE ZIMWE NAZIMWE ABAYOBOZI ZIRAZA BAKIRIRA WABAZA UKIRUKANWA CG UGATOTEZWA MUZASURE CENTRE DE SANTE ZOSE ZA MUNINI NYARUGURU HARIMO IBIBAZO.

ALIAS Kuya 4-03-2017

MWAKAGOBYE KONGEZA ABAGANGA NA PRIME ZARAHAGAZE MURI NYARUGURU KURI CENTRE DE SANTE ZIMWE NAZIMWE ABAYOBOZI ZIRAZA BAKIRIRA WABAZA UKIRUKANWA CG UGATOTEZWA MUZASURE CENTRE DE SANTE ZOSE ZA MUNINI NYARUGURU HARIMO IBIBAZO.

igitekerezo Kuya 28-02-2017

Ahaa itegeko ritagendanye n%igihe ago Dasso ijya mukwaha kwa police, kandi urwego rwaragiyeho police iriho. iyo utanze amakuru kwa Afande Rumanzi ahita akubwira DPC, nawe akakugendaho. dukeneye umudaso muri minalac,apana police

Atomy Kuya 27-02-2017

Erega abarimu nibeshi mu gihugu ntimukaturenganye buget yabo ntiyoroshye kugirango hagire ikigaragara ko kiyongereye.mwarimu turakuzirikana.police murya ruswa iruta umushahara nubwo harabatungwa numushahara gusa leta izabagenera prime naho abasirikare bajya darefour kuyazana

Sean d Kuya 27-02-2017

Umva ayo mafaranga ni make kbx ubu se nka Trump amusuye ayabashyitsi ntibyahwaniramo akikora no kwikofi amashuri bize nimvune bahura nazo ahubwo aringe nakub2 muzabaze ayo muzehe Robert Mugabe ahemmbwa.

Sean d Kuya 27-02-2017

Umva ayo mafaranga ni make kbx ubu se nka Trump amusuye ayabashyitsi ntibyahwaniramo akikora no kwikofi amashuri bize nimvune bahura nazo ahubwo aringe nakub2 muzabaze ayo muzehe Robert Mugabe ahemmbwa.

vamu Kuya 27-02-2017

Aya mafaranga si menshi,uwabereka Imishahara y’abayobozi bo muri Banki imwe mu Rwanda,utabona ni icyo bakoze uretse Kurenganya No kwaka Reports abakozi bo hasi,bashyiraho Politike zirukana abakiriya.Nyamara ugasanga Umushahara wa Ceo uruta inshuro 3 uwa HE .Ejo bugacya bati Banki ntiyunguka!

Bishobotse mu Gihugu ntawe ukwiye guhembwa arenze umushahara wa His Excelence kuko ntawe umurusha Gukora no guhangayikira Igihugu.

Ubuyobozi bwacu ni ubwo gushimwa ntabwo buharanira kwigwizaho imishahara yu Umurengera!Gusa bishobotse Trench ku mushahara isonerwa umusoro yava kuri 30,000Frw ikagera kuri 100,000Frw,hagati ya 100,000 kugera kuri 200,000Frw agasora 20% kuva kuri 200,000 kugera kuri 1000,000Frw bagasora 30% ahubwo kuva kuri 1,000,000Frw kuzamura bagasora 45% ntekereza ko nta cyuho byatera Leta kandi na abakozi baciriritse babonawakantu.

tyty Kuya 26-02-2017

arko biratangaje amafaranga bahembwa nimeshi cyane naho barubanda rugufi dupfuneka nkabone bazamura imisoro burimunsi baba bashaka ayo bashyira mubifu byabo yewe uwariye niwe urya koko ayubukode babishyurira nayiki ko amazu yikigali yose aba arayabo bakabura gufasha imfubyi nabapfakazi

Eric Mugwaneza Kuya 26-02-2017

Njye mbona uyabagenera atariwe ufite ikibazo ahubwo abayemera ayo mafaranga nibo bafite ikibazo!! None se ni gute umuntu ajya mubuyobozi bukuru bw’igihugu akagenerwa amafaranga y,icumbi? Aba yabaga he mbere se? Njye mbona umushahara waba uhagije icyakora bakajya babaha ka mission igihe bagiye kuri terrain!! Ubundi kuza mubayobozi bakuru bigihugu bakagombye kujya babiha umuntu usanzwe yifite apana kujyayo kugira ngo afashwe!! Ubu se Mwalimu kweli we azabaho ate? Umusirikare muto se? Aba infirmier(es) se? Ngira ngo ahubwo nibo bakwiye guhabwa ayo ngayo y’ikirenga kumushahara!! Nabo bamara kwiyubaka bagatangira bakareba uburyo bapiganira kuba ba gouverneur, ministers, etc bagacuka !!

Mbitezamaso Kuya 26-02-2017

Iyo mishahara bigenera ntibatekereze mwarimu wabigishije buriya wagirango Imana ntibireba?njya numva ko mu Burayi abarimu aribo bahembwa menshi!!Gusa hari ubivuze neza ati ntibabura kurira no guhangayika!!Nimukomeze muryoherwe bayobozi!!

Elias Uwitonze Kuya 26-02-2017

Ariko komutavuga kuri DASSO Nkurwego rwunganira akarere mugucunga umutekano kandi nabo imishahara yabo irihasi cyane kurenza abarimu .

Elias Uwitonze Kuya 26-02-2017

Ariko komutavuga kuri DASSO Nkurwego rwunganira akarere mugucunga umutekano kandi nabo imishahara yabo irihasi cyane kurenza abarimu .

mwalimu Kuya 26-02-2017

mwarimu jyenda wipfire kabisa.ayiweeeeeeeee......inzaraaaaaaaaaaaa.none ngo na mwarimu shop ntiyabaho? icyo nzi cyo sinzabugwamo .perezida muruyu mwiherero ongera utekereze kuri teacher.kandi koko mbonye impamvu byitwa ibifi binini.

abuba barahirwa Kuya 26-02-2017

ko mutavuga nu rwego rwunganira ubuyobozi bwa karere mugucunga umutekano dasso ruhembwa urusenda kandi mbona rufite akazi kenshi kandi baba yeho gisirikare babimura umunsi ku munsi nta deplacement yewe aba babaye ni benshi

JOSELYNE Kuya 26-02-2017

yewe ndumwe pe

HANYURWIMFURA PIERRE DAMIEN Kuya 26-02-2017

Abarimu babigishije? Abigisha abana babo n’igihugu muri rusange?

Mob Kuya 26-02-2017

Leta izicare Irene icyo yagenera abasirikare barokotse intambara ya kagera,urugano,hamwe niya 19994 ndetse niyabacengezi

SINAYOBYE Kuya 26-02-2017

Njye mbuze icyo mvuga .umunyarwanda ati uwariye ni we urya .mwarimu,umusirikare ni abakozi ba Leta ahari ko usanga ayo ya communication kubayobozi aruta umushahara w’umwarimu ese we mutekereza ko abahe ? Arya iki? ajya kukazi ate?

SINAYOBYE Kuya 26-02-2017

Njye mbuze icyo mvuga .umunyarwanda ati uwariye ni we urya .mwarimu,umusirikare ni abakozi ba Leta ahari ko usanga ayo ya communication kubayobozi aruta umushahara w’umwarimu ese we mutekereza ko abahe ? Arya iki? ajya kukazi ate?

a Kuya 26-02-2017

nibahumure umusaza bose azabagezaho ibyiza! ntamubyeyi wibagirwa abanabe kirazira. matunda ikombere.

phocas Kuya 26-02-2017

Reka bamaranire ubuyobozi!

IRABIZI AROYS Kuya 25-02-2017

NIBYOKOKO TURUMV A MURABAHEMBA NEZA NIBAKORE AKAZI NKUKO BIKWIYE KUBONA DUSIGAYE DUTSINDIRA IMPU SHYA ZABURUNDU ZOGU TWARA IBINYAZIGANTIZI BO NEKE IBYONIKI KOKO BIRATUBABAJE CYANENI BIKUBI TE AGASHYI MUBA TUBWIRIRE MURAKO KUBABWIRA

Nzamwita Kuya 25-02-2017

Ntibizagukange, nabo usanga barira nkatwe twese. Bamwe muri bo ntibabura kurya ruswa, kwiba leta, guca inyuma abo bashakanye. Iyo byose hatarimo kunyurwa no kubaha Imana baguma kubaho mu muhangayiko nk’ abakarane bo muri Nyubugogo

leonard Kuya 25-02-2017

Ese abacunga umutekano w’igihugu,abasirikare,police,ndetse n’abarinda ayo mafaranga nka intersec security quards bo ntacyo mwabivugaho?! kuyarinda ntuhembwe ayo warya byibuze 3 semaines!!

Inconnu Kuya 25-02-2017

Nifuzaga ko umuyobozi yakongezwa ari uko ubukungu bw’ igihugu bwazamutseho ikintu cyangwa se ifaranga ridata agaciro buri munsi twese tugasangira ubukene kuko bigaragara ko ingaruka z’ ubukene zireba nubundi abadafite shinge na rugero . nawe se inzara n’ ubukene biri hanze aha aho kongeza nubundi abakozi bo hasi bahembwa urusenda batunze n’ imiryango ikennye yuzuye aba shomeri ngo hongezwe abadafite ibibazo! Nimubikora ntimukabitangaze bidutera agahinda

harerimana jean claude Kuya 25-02-2017

Rwose mwarimu nawe muzamwigeho . nibura nawe yongererwe .

harerimana jean claude Kuya 25-02-2017

Rwose mwarimu nawe muzamwigeho . nibura nawe yongererwe .

divine Kuya 25-02-2017

yewe ntitwanze KO abayobozi bacu bahembwa neza naryo nishema,ariko mwibuke abarezi ,abarinzi,ba muganga ndetse nuduhimbazamusyi dufatika kubayobozi bo hasi nk’abimidugudu ,abunzi,abajyanamabubuzima....,Bose bakorera igihugu mubatekerezeho numva byaca na ruswa,murakoze

feresita Kuya 25-02-2017

mwarimu ntiyibukwa Imana niyo izajya imwirebera nyamara abo bose bamuciye imbere.birababaje.

hakizimana samuel Kuya 25-02-2017

ariko namwe haraho murenganya guverinoma.ahembwe nka mwarimu se nimvune bagira. kuyobora igihugu murabizi mwe.amashuri bize murayazi?ntabwo minisitiri yanganya na mwarimu!!
ahubwo bajye bakora ibyo bshinze neza.bakomeze bazamure igihugu mwiterambere............

Shema Kuya 25-02-2017

Ahubwo bahembwa udufaranga duke cyane. Ubwo se niba uriya ari umushahara mbumbe(gross salary),nihavamo imisoro(30%),Pension(3%),RAMA,hasigara iki? Usuwe n’undi muyobozi uvuye mu kindi gihugu muri ku rwego rumwe,kuri ariya yo kwakira abashyitsi ucunze nabi ahubwo wakomaho. Ahubwo bagirwa na missions uretse ko na yo RRA ikubitamo ishoka.

kk Kuya 25-02-2017

Ayo mafaranga ni make cyane. Umenye ko uwo ari umushahara mbumbe utarakuramo imisoro na rssb. Kuramo nka 40% byayo nibwo ubona amafaranga abona net.

Uzasanga Minister ahembwa 1,200,000 Frw.

Aya ni make rero.

jabes Kuya 25-02-2017

cyakora biratangaje peee nonese ko ngirango umushahara nuwogutunga uwuhembwa aba bayobozi wawumarisha ikiii koko? byoseee ehhhhh numvishe aho icyanga cyubutegetsi kiva peeeee!! umusirikare wee na bibiriya imubwira kunyurwa nibihembo bye.

Francis Kuya 25-02-2017

Harya jye nzajya ntahira kubicaza mu myanya ngo ndatora hanyuma nange inzara inyicaze munzu mperemo pe ! Na depute nitoreye duherukana burya ngo yakwibuka no guca iwacu se ngo angurire ikiro cy,ibirayi !

kiki Kuya 25-02-2017

Ahubwo aya mafaranga ni makeya , muzareba abayobozi ba za banki ayo bahembwa mugereranye n’abakozi ba bo bato ; muzambwira

Aimable Kuya 25-02-2017

Ubundise Wahembwa Gutya Ukamenya Ikibazo Abaturage Bafite!!! Inzara We!!!!!!!

ndumiwe Kuya 25-02-2017

Ibyo Imana yemeye ntawabihindura gusa kureba no kuvuga ibyubaka nibyo byingenzi biruta guhorana Amarira,ahubwo nimukore cyane namwe mubone kubaho uko mwifuza,ikindi mutegereze ubushake bw’ Imana wasanga wowe urira ejo ariwowe uzayahembwa. Gusenga bikingura ijuru

0788461522 Kuya 25-02-2017

MUNDEBERE KWELI UKUNTU IGIHUGU GISUMBANYISHA ABANTU !! UMWALIMU AGAHEMBWA ANGAHE ?!

koko Kuya 25-02-2017

Haaaaaaaaaaaaaaaaa ; ahwiiiii; reka twisekere amenyo namabuye kweri

Pedro Kuya 25-02-2017

None c namwe murashaka umushahara ungana n’uwa, abayobozi bakuru b’igihugu?

umunyeshuli Kuya 25-02-2017

eeeee uziko amafranga umudepite afata ya telephone buri kwezi akubye kabiri amafranga ya bourse tubona haaaqqq biratangaje kbsa we naya telephone gusa akaba 50 000 twe ni 25000 hari icumbi;harimo imirire ;amanote haaaaaw biratangaje kbsaa

umunyeshuli Kuya 25-02-2017

eeeee uziko amafranga umudepite afata ya telephone buri kwezi akubye kabiri amafranga ya bourse tubona haaaqqq biratangaje kbsa we naya telephone gusa akaba 50 000 twe ni 25000 hari icumbi;harimo imirire ;amanote haaaaaw biratangaje kbsaa

m Kuya 25-02-2017

Musobanurire abantu icyo umushahara mbumbe aricyo badacika ururondogoro

Kwihangana Kuya 25-02-2017

Baretse se kuzamura umushahara wa mwarimu byibuza ufite niveau yo hejuru akayihemberwa! uzi gufata amafaranga 40000 frw imyaka irenga 5 ufite niveau A1 cg A0 muri education ntuzamurirwe umushahara!!

1 | 2
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA