konka coffee
KONKA

AMAKURU

UKWEZI

Inzira Pasteur Bizimungu yanyuzemo agirwa Perezida w’u Rwanda n’ibyo yahuye na byo

Inzira Pasteur Bizimungu yanyuzemo agirwa Perezida w’u Rwanda n’ibyo yahuye na byo
17-04-2017 saa 10:23' | By Chief Editor | Yasomwe n'abantu 33695 | Ibitekerezo 9

Perezida Pasteur Bizimungu, ni we Perezida wa mbere u Rwanda rwagize nyuma ya Jenoside yakorewe abatutsi, akaba ari na we rukumbi ukiriho mu bigeze kuyobora iki gihugu bavuye ku butegetsi. Igihe nk’iki mu myaka 23, yari mu biro bya Perezida w’u Rwanda muri Village Urugwiro ariko kandi igihe nk’iki mu myaka 15 ishize, yari mu mazi abira ubwo yatabwaga muri yombi nyuma yo kwegura ku buyobozi akanashinga ishyaka ryashinjwe gushaka guhungabanya umudendezo w’igihugu.

Pasteur Bizimungu, ni we wahise ayobora u Rwanda nyuma y’ihagarikwa rya Jenoside, akaba yaricaye mu ntebe y’ubuyobozi tariki 19 Nyakanga 1994 ubwo yari afatanyije na Major General Paul Kagame wari Visi Perezida akaba ari na we wari umugaba mukuru w’ingabo. Pasteur Bizimungu yayoboye u Rwanda mu gihe gikabakaba imyaka 6, kugeza ubwo yatangazaga ko yeguye ku bushake tariki 23 Werurwe 2000.

JPEG - 420.3 kb

Hagati aho ariko akimara kwegura, Charles Ntakirutinka wabaye Minisitiri w’Ingufu, Imirimo ya Leta, no gutwara abantu n’Ibintu; ndetse akaba yaranigeze kuba Minisitiri w’imibereho Myiza y’Abaturage mu gihe cy’ubutegetsi bwa Pasteur Bizimungu ndetse bakavira rimwe mu myanya y’ubuyobozi, muri 2001 bafatanyije n’abandi bantu batandatu bashinga ishyaka bise PDR-Ubuyanja (Parti Démocratique du Renouveau/ Democratic Party for Renewal Ubuyanja) mu gihe uyu Pasteur Bizimungu yahoze mu ishyaka rya FPR Inkotanyi ubwo yari Perezida, bisobanura ko byari uburyo bwo gutangira guca ukubiri na FPR.

Mu kwezi kwa Kane 2002, nibwo batawe muri yombi bazira ibyaha byo gukwirakwiza ibihuha mu baturage hagamijwe kubangisha ubuyobozi n’amategeko y’igihugu. Bashinjwaga kandi gukora inama rwihishwa ngo zari zigambiriye kubangamira umudendezo w’igihugu no guteza amacakubiri mu Banyarwanda.

Bahise bagezwa imbere y’urukiko, maze Pasteur Bizimungu akatirwa imyaka 15 y’igifungo ariko aza guhabwa imbabazi na Perezida wa Repubulika Paul Kagame kuwa 6 Mata 2007 bivuga ko ubu hashize imyaka isaga 10 afunguwe; mu gihe Charles Ntakirutinka we yari yakatiwe gufungwa imyaka icumi, iki gihano cye akaba yaranakirangije tariki 01 Werurwe 2012.

Uyu mugabo Pasteur Bizimungu w’imyaka 67 kugeza ubu, ninawe ukiri ku isi mu ba Perezida bose bigeze kuyobora u Rwanda mbere ya Perezida Paul Kagame uyobora kugeza ubu. N’ubwo akiriho ariko, kuba yarakatiwe byamwambuye uburenganzira bwo kongera kugaragara mu mirimo ya Politiki.

Urubuga rwa Wikipedia, rugaragaza ko Pasteur Bizimungu yavukiye mu cyahoze ari Gisenyi mu 1950, ndetse akaba yaranahoze mu ishyaka rya Perezida Juvenal Habyarimana mbere yo kwiyunga na FPR Inkotanyi. Hagati y’umwaka w’1980 n’1990, Bizimungu yari mu ishyaka rya MRND ndetse yari umuntu wa hafi wa Perezida Juvenal Habyarimana, muri icyo gihe akaba yaranakoze imirimo inyuranye irimo kuba umuyobozi mukuru w’icyahoze ari Electrogaz.

Mu 1990, Pasiteri Bizimungu yagiye muri FPR nyuma y’uko umuvandimwe we wari umusirikare w’ipeti rya Colonel mu gisirikare cy’ingabo za Leta ya Habyarimana, yari yishwe. Muri icyo gihe, nibwo FPR yari itangiye ibikorwa bya mbere by’urugamba rwo kubohora u Rwanda. Muri icyo gihe, Bizimungu nyuma y’urupfu rw’umuvandimwe we, yahise ahunga u Rwanda ajya kuba mu Bubiligi, aho yari ashinzwe iby’amakuru n’itumanaho muri FPR nk’ishyaka ryisuganyaga rishaka uko ryabohora igihugu.

Mu 1993, nyuma y’imyaka 3 ingabo za FPR zirwana n’ingabo za Leta y’icyo gihe, Pasteur Bizimungu yagize uruhare mu mishyikirano y’amasezerano y’amahoro ya Arusha n’ubwo Perezida Juvenal Habyarimana yishwe ibyari bikubiyemo bitarashyirwa mu bikorwa ahubwo Jenoside yari imaze igihe itegurwa igahita ishyirwa mu bikorwa.

Pasteur Bizimungu yashakanye na Séraphine Utamuliza, bakaba barabyaranye abana batatu, umuhungu umwe witwa Alexander Tabera n’abakobwa babiri Nicole Tamara, na Carine Cyuzuzo.


INKURU ZA :
Tanga Igitekerezo
Ibitekerezo 9
R.......G Kuya 20-04-2017

rahira ko bizimungu nawe aticuza ibihutu byibigoryi gusa byicishije bene wabo ubu ntarutwa nimbwa

theogene Kuya 18-04-2017

wowe uvuga col mayuya uramuzi cg upfa kuvuga gusa mujye muvuga ibyo muzi mayuya si umuvandimwe wa bizimungu ise wa mayuya yitwa RUZIGA jeacques ise wa bizimungu yitwa Calixte njyewe MAYUYA yari data wacu none urimo urabeshya.

Gakuru Kuya 17-04-2017

Ntibyoroshye

ilibagiza Kuya 17-04-2017

Sindikubwabo Theodole wasimbuye Habyarimana aracyariho atuye Kolowezi(Congo)ntampamvu muvuga ngo Bizimungu niwe warokotse mubandi baprezida babayeho.hari umbwiyeko colonel Mayuya yari mwene wabo mbarije Rubera ibyo nibazaga

.kabebe Kuya 17-04-2017

wowe rubera waretse kwigira najuwa nonese col mayuya uramuzi cg menyako arumuvandimwe wa bizimungu.

.kabebe Kuya 17-04-2017

wowe rubera waretse kwigira najuwa nonese col mayuya uramuzi cg menyako arumuvandimwe wa bizimungu.

Rubera Kuya 17-04-2017

Ntamvandimwe Bizimungu yigeze agira ufite ipeti rya Colonel. Ntukungere kubeshya

Rubera Kuya 17-04-2017

Ntamvandimwe Bizimungu yigeze agira ufite ipeti rya Colonel. Ntukungere kubeshya

Umunyeshuri Kuya 17-04-2017

FPR oooyeeee oooyee gusa haribyinshi bigomba gutekerezaho urugero ikibazo cya transport muri Kigali kuko ziriya modoka za KBS na ROYALE ntabwo wagendamo ujya mukazi nguzagereyo cyangwa uvugengo wayigendamo ukabawakubahiriza igihe ntibyashoboka.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...