konka coffee
KONKA

AMAKURU

UKWEZI

Iryavuzwe riratashye, inyubako ya UTC y’ahazwi nko kwa Rujugiro igiye gutezwa cyamunara

Iryavuzwe riratashye, inyubako ya UTC y’ahazwi nko kwa Rujugiro igiye gutezwa cyamunara
16-05-2017 saa 12:27' | By Chief Editor | Yasomwe n'abantu 11135 | Ibitekerezo 15

Tariki 2 Gicurasi 2017 nibwo Ikigo cy’Igihugu gishinzwe kwinjiza imisoro n’amahoro cyashyize hanze itangazo rimenyesha abantu bose kwitondera gukodesha cyangwa kugura imitungo itimukanwa itandukanye irimo n’inzu y’ahazwi nko kwa Rujugiro mu mujyi wa Kigali rwagati, bitewe n’uko iyo mitungo yafatiriwe kubera kutishyura imisoro. Iri tangazo kandi ryavugaga ko iryo fatira rizakurikizwa no gutezwa cyamunara niba ba nyirayo ntacyo bakoze mu minsi 15, none koko iyi mitungo igiye gutezwa cyamunara.

Kuri uyu wa Gatatu tariki 17 Gicurasi 2017, nibwo iminsi 15 yagenwe izaba yuzuye kandi amakuru yizewe agera ku Kinyamakuru Ukwezi.com ni uko Ayabatwa Tribert Rujugiro inyubako ya UTC (Union Trade Center) yanditseho nta misoro yigeze yishyura ngo ye guterezwa cyamunara, cyane ko ubu anaherereye mu mahanga n’iyi mitungo ikaba ibarwa mu yasizwe na bene yo.

JPEG - 462.8 kb

Andi makuru kandi Ikinyamakuru Ukwezi.com gifitiye gihamya, ni uko itangazo rihamagarira abantu kugura iyi mitungo muri cyamunara ryamaze gutegurwa ndetse rikaba rigomba gutangira guca kuri Radio Rwanda no mu bindi bitangazamakuru bitandukanye bitarenze kuri uyu wa Gatatu, kandi mu mitungo igomba gutezwa cyamunara hakaba harimo n’aya mazu ya Rujugiro.

Mu mwaka wa 2016 Rujugiro yari yareze Leta y’u Rwanda mu rukiko rwa Afurika y’Uburasirazuba rukorera i Arusha muri Tanzania avuga ko Leta ibinyujije muri Komisiyo y’Umujyi wa Kigali ishinzwe gucunga imitungo yatawe na ba nyirayo, yafatiriye imitungo ye irimo na UTC nyuma y’uko agiye mu buhungiro mu gihugu cya Afurika y’Epfo.

JPEG - 57 kb

Iyi ni inyubako ya UTC iri mu mujyi wa Kigali rwagati, aho benshi bakunda kwita kwa Rujugiro

Iyi nyubako ya UTC yafunguye imiryango mu mwaka wa 2006; ni inyubako nini ikorerwamo ubucuruzi butandukanye, ifite agaciro ka miliyoni 20 z’amadolari ya Amerika, ni ukuvuga asaga 16.500.000.000 uyabaze mu mafaranga y’u Rwanda.


INKURU ZA :
Tanga Igitekerezo
Ibitekerezo 15
hahaha Kuya 8-06-2017

ibintu ni bya Mujyakera ubuse abariho ubu nibo bahozeho ibyo basize sibyo murimo ,birababaje iyo mukunda ibintu mukanga abantu hii n’ubumwe n’ubwiyunge

hahaha Kuya 17-05-2017

Ariko kuki wumva ko imitungo y’abagiye ugomba kuyicunga ukayibyaza inyungu ariko ntube wakora mubivamo ngo utange umusoro? Uwahunze se niwe uzaza agasora? byakabaye byiza hasoze abo yasigiye bye, cg hagasora ababyigabije!

hahaha Kuya 17-05-2017

Ariko kuki wumva ko imitungo y’abagiye ugomba kuyicunga ukayibyaza inyungu ariko ntube wakora mubivamo ngo utange umusoro? Uwahunze se niwe uzaza agasora? byakabaye byiza hasoze abo yasigiye bye, cg hagasora ababyigabije!

Gakwaya Kuya 17-05-2017

Bavandimwe basomyi. Njye
Mba ku mugabane w, uburayi. Amakuru nsoma mu banyafrika mbona za ntambara zitazashira, ahubwo ziracumbikwa. Kuko abirabura iyo bagiranye ibibazo. Bihita bihindura inyito hakurikijwe ububasha barushanwa. Ubwo urrushijwe nawe azahora atega initego. Na wawundi wa mufashije azahora ari mumyiteguro gusa. Akomeza ibisirikare, n, ibindi . Amaherezo abe ayahe. Igihe azasaza? Wa wundi azagaruka yatake abo yasize. Haaaaaa muzahora mwizengurukaho

Vany Kuya 17-05-2017

Nihashyirwe Mubikorwa Itegeko Rihana Ry,urwanda.

fred Kuya 17-05-2017

ntibyoroshye harimo akarengane ubwose nibateza cyamunaro azasigara bazayamuha reka tubihangamaso

eric Kuya 17-05-2017

mbega ibyiwacu , ariko se kweli kubu leta itekereza iki? iyo itanze itangazo ryambere ngo imitungo idafite nyirayo cg yasizwe nabanyirayo irayifatirirye murwego rwo kuyicunga , niba bayicunga bagakwiye gukora muyo bakodesha cg muyo babaishyura bakishyura imisoro, apana kuza kutubeshya hano kuko inzu amafaranga yinjiza nigihe bayimaranye bayicunga bagakwiye kubibazwa , nyamara ibi murimo gukorera abanyarwanda birababaje biteye nagahinda pee, ........nzabandora numwana wumunyarwanda kdi ntagahora gahanze .

fatu Kuya 17-05-2017

iibi niba mushaka kubimenya muzsbaze uwitwa Rwabukwisi ubwo leta ya Habyarimana yagurishaga umutungo we Harimo naza station za essence bitaga ERP,bamushinja gukuramo ngoninyenzi zimaze gutsinda muzsbaze abaziiguze ko bataririmbye urwo babonye
ariko se ubundi rujugiro ko avuga ko inzu ze abazikodesha bishyura Leta ya kagame kuki mutayaheraho mwiyishyura Imisoro
harya umuntu wese utakivuga rumwre na leta ahita aba igicibwa

Jean Kuya 16-05-2017

Iki nicyo abanyafrica banga guteza imbere ibihugu byabo bakabijyana ahandi kuko muri africa umuntu akora ibyo ashaka.urabona ukuntu iyo nzu yari nziza mumujyi hagati

jojo Kuya 16-05-2017

uzayigura wese azayihomba nyuma yigihe runaka Rujugiro yavuze ko ibi ataribwo bwa mbere ahuye nabyo kuko Perezida Micombero mu burundi yamunyaze imitungo nyamara nyuma yigihe yaje kuyisubirana

willy Kuya 16-05-2017

none se ko ahari niba aziko iyo nzu ariye yakwishyuye imisoro kuba mubuhungiro ntibivuzeko utakwishyurarira umutungo wawe yakagaobye kuba yarabinyujije kuhagarariye inyungu ze akishyura naho abafite andi marangamutima ntawababuza .umusoro ahariho hose urishyurwa azibeshye se areke gusorera n’inzu abamo aho aba urebe uko bigenda gusa abanyarwanda dukunda kuvuga kandi tubogama

claudine Kuya 16-05-2017

Mbega....
Birarenze kbsa. Gusa Imana niyo nkuru

lg Kuya 16-05-2017

uretse ko iyo mibare yoroshye, banyirimitungo barimo rra angahe iyo mitungo yinjije angahe bagakuramo imisoro, byaba byikoze,

yvette Kuya 16-05-2017

aka ni akarengane pe kunyaga umuntu akiriho ni bitaraza bizaza reka turebe aho bigana

yvette Kuya 16-05-2017

aka ni akarengane pe kunyaga umuntu akiriho ni bitaraza bizaza reka turebe aho bigana

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...