konka coffee
KONKA

AMAKURU

UKWEZI

Ishyaka rya PSD rikomeje kwiteganyiriza rishyigikira Paul Kagame wa FPR Inkotanyi

Ishyaka rya PSD rikomeje kwiteganyiriza rishyigikira Paul Kagame wa FPR Inkotanyi
15-07-2017 saa 20:52' | By Chief Editor | Yasomwe n'abantu 2545 | Ibitekerezo 4

Ishyaka rya PSD rirangajwe imbere n’abayobozi baryo bakuru, rikomeje gushyigikira Paul Kagame wa FPR Inkotanyi, umwe mu bakandida bahatanira umwanya w’umukuru w’igihugu. Gushyigikira FPR, kuri PSD ni ukwiteganyiriza nk’uko babishimangiye mu minsi ishize.

Mu nama rusange yo kwizihiza isabukuru y’imyaka 25 ishyaka rya PSD rimaze rishinzwe, niho Komite ya Biro politiki yaryo yafashe imyanzuro irimo kuba nta mukandida uzariturukamo mu matora y’Umukuru w’igihugu maze bakemeza ko bagomba gutanga Paul Kagame wa FPR Inkotanyi, bashingiye ku bigwi byamuranze.

Icyo gihe abarwanashyaka ba PSD basaga 700 bari baturutse mu bice bitandukanye by’igihugu bashyigikiye icyemezo cyafashwe na Komite ya Biro politiki y’iri shyaka y’uko Perezida Kagame azabahagararira.

Dr Vincent Biruta uyobora uyu mutwe wa politiki icyo gihe yashimangiye ko ntawe babona baha amahirwe yo kuyobora igihugu uretse Perezida Kagame ngo kuko afite ibigwi bigaragarira buri wese, ari naho yavuze ko kumushyigikira ari ukwiteganyiriza ibyiza mu gihe kizaza.

Icyo gihe yagize ati “Gutanga Kagame nk’umukandida mu matora ya perezida wa Repubulika muri Kanama uyu mwaka ni ukwiteganyiriza.”

Abarwanashyaka ba PSD barangajwe imbere n’abayobozi bakuru b’ishyaka, bakomeje gushyira mu bikorwa ibyo biyemeje, aho baba babukereye bakurikira umukandida wa FPR Inkotanyi bamwamamaza mu bice bitandukanye by’igihugu, banashimangira ko bazakomeza kumushyigikira ahandi hose. Kuri uyu wa Gatanu, bari babukereye mu Ruhango n’i Nyanza, ndetse n’i Gisagara na Nyaruguru kuri uyu wa Gatandatu.

Abarwanashyaka ba PSD baba babukereye bashyigikira umukandida wa FPR Inkotanyi


INKURU ZA :
Tanga Igitekerezo
Ibitekerezo 4
Nkoronko Kuya 17-07-2017

Kuramira imbehe.com

Nkoronko Kuya 17-07-2017

Kuramira imbehe.com

Nkoronko Kuya 17-07-2017

Kuramira imbehe.com

kabanda Kuya 16-07-2017

Ibi byitwa guhakwa disi!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...