konka coffee
KONKA

AMAKURU

UKWEZI

Kagame yahishuriye abanya-Rutsiro ibanga ry’ubukire riri mu karere batuyemo

Kagame yahishuriye abanya-Rutsiro ibanga ry’ubukire riri mu karere batuyemo
27-07-2017 saa 20:36' | By Vincent Nsengiyumva | Yasomwe n'abantu 1340 | Ibitekerezo

Umukandida wa FPR Inkotanyi Paul Kagame yabwiye abaturage bo mu Karere ka Rutsiro ko bafite byinshi bishobora kubateza imbere biri muri aka karere mu gihe buri wese ashyizeho imbaraga ze mu kubisigasira.

Ibi Umukandida wa FPR Inkotanyi yabigarutseho kuri uyu wa Kane tariki ya 27, ubwo yari mu gikorwa cyo kwiyamamariza umwanya w’umukuru w’igihugu mu matora azaba tariki ya 4 Kanama 2017.

Kagame kandi yijeje abaturage bo mu Karere ka Rutsiro iterambere ryihuse aho yababwiraga ko ibyo babona ari bikeya kuko mu myaka 7 iri imbere bazaba batangarira ibizaba bimaze kugerwaho.

Yagize ati “[….] Mwavuze iby’amashuri, imihanda, amashanyarazi, amavuriro, ubuhinzi n’ibindi byinshi ariko ntaho turagera, ibyiza biri imbere. Tuzabihitamo neza kubikomeza ku itariki 4 z’ukwezi kwa munani. Nk’uko musanzwe muzinduka ku mirimo isanzwe n’uyu mukoro nawo muzawuzindukire mutore FPR, mutore umukandida wa FPR. Ni umukandida wa FPR ndetse ni n’umukandida w’andi mashyaka 8.”

Umukuru w’igihugu kandi yanavuze ko u Rwanda rwubakiye ku bufanye bw’inzego zose maze anashimangira ko FPR izakomeza kubwubakiraho nk’intwaro ikomeye yo kuzamura igihugu n’abanyagihugu bose.

Umukandida wa FPR Inkotanyi yanijeje urubyiruko ko ruzitabwaho mu buryo bwose bushoboka maze narwo rugakura rufite icyerekezo gifatika ndetse runafite imbaraga zo kwiyubakira igihugu.

Yagize ati “Murabona ko u Rwanda rufite urubyiruko rwinshi cyane, urubyiruko nirwo mbaraga z’igihugu, turashaka ko urwo rubyiruko tururera neza, turwubakire amashuri yigisha neza, turwubakira uburyo bwo kuruha ubuzima bwiza buzira indwara ,turifuza ko mugera ku mahirwe, amahirwe agomba kugera kuri buri rubyiruko, buri wese akagera aho ashaka kugera.”

Kagame yahishuriye abaturiye aka karere ko bafitemo byinshi bishobora kubabyarira inyungu bagatera imbere mu gihe babihaye agaciro, bakabisigasira

Yagize ati “Hano mu karere kanyu karimo byinshi, harimo mwebwe n’imbaraga zanyu, harimo amabuye y’agaciro, mufite ikivu n’imisozi myiza kandi byose bishobora kutugeza ku bukerarugendo rwatubyarira inyungu.”

Umukandida wa FPR yanasabye abaturage ba Rutsiro ko bakimika umuco wo gukorera hamwe kandi bagakorera ku muvuduko wo hejuru kugirango buri wese agere ku nzozi ze ndetse n’igihugu gikomeze gitere imbere.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...