konka coffee
KONKA

AMAKURU

UKWEZI

Kagame yasabye abaturage b’ i Rusizi kubanira neza ibihugu by’ibituranyi no guhahirana nabyo

Kagame yasabye abaturage b’ i Rusizi kubanira neza ibihugu by’ibituranyi no guhahirana nabyo
28-07-2017 saa 17:42' | By Vincent Nsengiyumva | Yasomwe n'abantu 1508 | Ibitekerezo 2

Umukandida wa FPR Inkotanyi Paul Kagame yasabye abaturage bo mu mirenge ya Gihundwe, Kamembe na Nkombo n’abandi bari mu mirenge ihana imbibi n’ibihugu by’ibituranyi ko babanira neza ibyo bihugu bagahahirana ndetse bagafatanya n’ibindi bikorwa byabateza imbere.

Ibi umukandida wa FPR Inkotanyi yabigarutseho ku gicamunsi cyo kuri uyu wa Gatanu ubwo yari mu bikorwa byo kwiyamamaza mu Karere ka Rusizi mu murenge wa Gihundwe ku kibuga cya Kamatita i Muhari ahari hateraniye ibihumbi by’abaturage bo muri aka karere bari baje kumushyigikira.

Kagame yasabye abanya-Rusizi ko ku itariki 4 Kanama bazatora umukandida wa FPR mu rwego rwo gukomeza gusigasira ibyagezweho no gutegura imbere cyane ko ibiri imbere ari byo bikomeye.

Yagize ati “Icyatuzanye ni ukuganira uko tuzabigenza ku itariki 4 z’ukwezi kwa 8. Tuzaba turi kumwe. Iby’u Rwanda byiza ntibipfa ubusa niyo mpamvu nta mfabuza izagaragara mu majwi yanyu. Buriya icyo tuzaba dutora ni ubumwe, ni amajyambere ni umutekano , ni politike n’imiyoborere myiza ndetse ni inzira ya demokarasi yindi dukomeza gutera imbere. Iyo abantu bahitamo ubuzima bashaka kubaho nta nkomyi, iyi niyo demokarasi dushaka gukomeza nk’abantu bazi iyo tuvuye.”

Kagame kandi yakomeje ashimangira ko u Rwanda rufite demokarasi nziza kandi ibereye buri munyarwanda kjandi inyuze buri wese.

Ati “Demokarasi cyangwa imiyoborere myiza ntabwo ariyo tubuze twebwe nka FPR,Icyo tubuze ni amajyambere abandi bafite demokarasi yabo nabo bafite. Ntabwo twigeze tubura kumenya kuyobora neza, kuyobora abantu mu buryo bifuza. Ntabwo wagira politike gusa bitarimo guteza abantu imbere. Kuyobora se byaba bimeze bite udaha abantu ibikorwa bibageza ku iterambere bitabaha umutekano kwaba ari ukuyobora nyabaki?”

Umukuru w’igihugu kandi yasabye abaturiye akarere ka Rusizi kubana neza n’abaturage bo mu bindi bihugu bihana imbibe n’aka karere maze abasaba ko bazajya bahahirana ndetse bakaba banakorana n’ibindi bikorwa byabateza imbere.

Yagize ati ” Hano dufite ibihugu duhana imbibi muhahirana, njye rwose nshyigikiye ko mugirana imibanire myiza kandi mugahahirana. Ibyaba bituruka hanze y’igihugu bitatunyuze bitameze neza tuzajya tubirwanya.”

Umukandida wa FPR Inkotanyi kandi yanasabye abaturage bo mu karere ka Rusizi gukorera hamwe no kwihuta nk’ipfondo ryo kugera ku iterambere ryihuse kandi hatagize n’umwe usigara inyuma


INKURU ZA :
Tanga Igitekerezo
Ibitekerezo 2
uwamahoro jacqueline Kuya 1-08-2017

i can’t talk many only as wise we have to vote who will reach us on best vision future!

DAMURU Kuya 28-07-2017

NUGUTORA UZADUTEZIMBERE

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...