konka coffee
KONKA

AMAKURU

UKWEZI

Kagame yavuze ko itariki y’amatora ari umugenzo anagaruka ku gihango afitanye n’ab’i Musanze

Kagame yavuze ko itariki y’amatora ari umugenzo anagaruka ku gihango afitanye n’ab’i Musanze
26-07-2017 saa 13:22' | By Vincent Nsengiyumva | Yasomwe n'abantu 5093 | Ibitekerezo

Umukandida wa FPR Inkotanyi, Paul Kagame, yashimangiye ko mu matora ari imbere azatorwa ku buryo budashidikanwaho, aho yavuze ko itariki 4 Kanama ari umugenzo.

Ibi yabigarutseho ubwo yari mu bikorwa byo kwiyamamaza mu murenge wa Busogo mu Karere ka Musanze, ubwo yari imbere y’imbaga y’abanyamuryango ba FPR bo muri aka karere bari baje kumushyigikira no kumva imigabo n’imigambi abafitiye.

Aha Perezida Kagame yari ageze i Busogo muri Musanze

Kagame yijeje abaturage bo muri aka karere batarabona amashanyarazi ko mu gihe cya vuba cyane bagiye kuyabona kandi bose kugirango bikorwa byo kwiteza imbere bigere kuri buri wese.

Uyu mukandida wa FPR Inkotanyi kandi yanavuze ko yizeye 100% ko amajwi y’abanya Musanze yose ayafite ngo kuko ari inshuti ze za hafi kuko ngo kuva na kera afitanye nabo igihango

Yagize ati "Abanyamusanze mwitabiriye cyane mwaje muri benshi cyane ndabashimiye. Ariko si igitangaza ubundi dufitanye igihango muri inshuti zanjye cyane kuva na cyera... Ejo nari buze ariko ngira ikibazo cy’ijwi ryari ryanze ariko narihase. Muri inshuti zanjye cyane.Banyamusanze ibi mubona ni ikimenyetso cy’ingufu za FPR Inkotanyi. Ibimaze kugerwaho birivugira. Uko mungana mutya rero nk’ikimenyetso cy’ubumwe navugaga, nta kibazo gishobora kutunanira kugikemura. N’uwashaka kutunaniza, ntaho yabona ahera. Duhereye kuri izo mbaraga n’ubushake twebwe dukomeze inzira yacu yo kwiha umutekano, yo kubana neza..."

Perezida Kagame yakomeje agira ati: "Mu gitondo kare tuzazinduke tuzajye kugera mu ma saa tanu twarangije. Hanyuma rero nyuma y’aho twubake amashuri, twubake amavuriro, dutange amashanyarazi. Abo amashanyarazi bambwiye atarageraho muri iyi misozi ndeba, vuba aha araba ahageze... ubwo bumwe navugaga twabutangiye kera, twabwubatse dukorana n’indi mitwe ya Politike. Ubu turakorana n’imitwe y’amashyaka 8. Twasanze ibyiza byose twubaka mu gihugu cyacu tubisangiye. Ubu bumwe rero turabukomeza twubaka igihugu cyacu. Ndagirango mbashimire cyane kandi nzagaruka kubashimira wa mugenzo warangiye."

Aha muri Musanze, ni igice kimwe cy’icyahoze ari Perefegitura ya Ruhengeri, hakaba hamwe mu hafashwe n’Inkotanyi urugamba rwo kubohora igihugu rugitangira, kuko bamaze igihe bafite ibirindiro mu gice cy’ibirunga.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...