konka coffee
KONKA

AMAKURU

UKWEZI

Kagame yavuze ku rugamba Inkotanyi zarwaniye i Gicumbi anagaruka ku by’abaruguyemo

 Kagame  yavuze ku rugamba Inkotanyi zarwaniye i Gicumbi anagaruka ku by’abaruguyemo
1-08-2017 saa 16:32' | By Vincent Nsengiyumva | Yasomwe n'abantu 2948 | Ibitekerezo

Umukandida wa FPR Inkotanyi, Paul Kagame yagarutse ku rugamba rukomee Inkotanyi zarwaniye mu gace ka Murindi muri Gicumbi anashimangira ko ingabo zose zaruhuriyemo n’ingaruka zikomeye ndetse n’izaruguyemo zitagendeye ubusa kuko zakoze akazi gakomeye ko kuzura igihugu ndetse no guhindura amateka.

Ibi yabigarutseho kuri uyu wa kabiri ubwo yari yitabiriye ibikorwa byo kwiyamamaza mu Karere ka Gicumbi mu murenge wa Cyumba, aho yari yakiriwe n’imbaga y’abaturage bari bazindukiye kumwakira no kumva imigabo n’imigambi abafitiye.

Umukuru w’igihugu yabwiye abanya-Gicumbi ko bafitanye amateka akomeye aho yagarutse ku bufatanye bagiranye na FPR Inkotanyi mu gihe bari mu rugamba rwo kubohora igihugu ubwo cyari mu icuraburindi.

Yagize ati “Buriya benshi bamwe dusanzwe turi abanya-Gicumbi ku bundi buryo. Turasubira mu mateka uko twahabaye, uko twahabanye namwe, uko twahabanye inshuti, uko mwadufashije bigatuma urugamba rushoboka, ruba rugoye ariko twarakomeje dutera imbere.”

Kagame yikije cyane ku rugamba rwo kubohora u Rwanda ku bufatanye n’Abanyagicumbi asobanura ko n’ubwo rwatwaye intwari, rugasiga abandi baramugaye ndetse abandi bakaruhuriramo n’ibibazo bikomeye ngo byose babikoreye ukuri kandi n’abagiye ntibagendeye ubusa kuko icyo baharaniye cyagezweho.

Yagize ati “Ziriya ntambara zabereye hano, kuriya gusonza, uriya mutekano muke zari intambara zo guhindura amateka n’imyumvire. Ntabwo abarwaniye izo ngamba bagendeye ubusa.”

Yunzemo ati “ N’abakiriho bahamugariye, abayisonzeyemo bose ntabwo babikoreye ubusa.”

Umukuru w’igihugu kandi yaboneyeho no kwikoma abirirwa banenga politike y’igihugu bavuga amagambo mabi ku Rwanda asaba abanya-Gicumbi by’umwihariko Abanyarwanda bose ko babyima amatwi bagakomeza inzira batangiye yo kwiteza imbere.

Yagize ati “Ntimuzemerere na rimwe ababatunga agatoki bababwira ubusa.Ibyo twakoze twese, ibyo twakoreye hamwe, ibyo FPR yatakarijeho abantu ntabwo byapfa ubusa ibindi ni ukuvuga gusa. Abavuga mujye mubareka mubumvire ubusa.”

Uyu mukandida wa FPR Inlotanyo kandi yanagarutse ku mateka mabi ya Politike yo hambere yoretse igihugu kugeza n’aho cyasenyutse kikarangira, avuga ko Abanyarwanda bakuyemo isomo rikomeye bashingiraho bubaka igihugu mu ngeli nyinshi zitandukanye.

Yagize ati "Amasomo y’amateka mabi ya politike mbi twarayize, ubu twabaye Abanyarwanda bazima, twabaye Abanyarwanda dukwiriye kuba turibo. Umunyarwanda mugenzi wawe umubonamo umuvandimwe, umubonamo inshuti, nirwo Rwanda rutubereye, nirwo natwe tubereye."

Yunzemo ati "Ubu ngubu Abanyarwanda dufite ubudasa, igihe cy’amatora cyari icyo kurwana , cyari icyo kwica,cyari icyo gutwikirana,,hanyuma hakavamo umuntu ngo yatorewe kuyobora abandi.Ubudasa bwacu rero ni ukuva muri biriya tukaba turi aho dushobora kubikora mu mbyino, mu ituze, mu bushake, iyo nzira niyo iduha ubudasa."


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...