konka coffee
KONKA

AMAKURU

UKWEZI

Kagame yikomye abashaka guhitiramo u Rwanda uko rwayoborwa nabo bafite politike idahwitse

Kagame yikomye abashaka guhitiramo u Rwanda  uko rwayoborwa nabo bafite politike idahwitse
2-08-2017 saa 17:14' | By Vincent Nsengiyumva | Yasomwe n'abantu 3548 | Ibitekerezo 3

Umukandida wa FPR Inkotanyi, Paul Kagame yikomye bikomeye abanyamahanga bahora bashaka guhitiramo u Rwanda uko rwayoborwa, ashimangira ko politike yabo birata ariyo yifitemo ibibazo bikomeye avuga ko byose biterwa n’agasuzuguro basuzugura ibihugu bya Afurika.

Ibi Umukuru w’igihugu yabigarutseho ubwo yasozaga ibikorwa byo kwiyamamaza mu Karere ka Gasabo mu murenge wa Bumbogo ahari hateraniye ibihumbi amagana by’abaturage bari baje kumushyigikira.

Kagame yavuze ko hari benshi batega u Rwanda iminsi kubera ubudasa barubonana bwo kwihitiramo politike irubereye, avuga ko bagerageje gushaka kubwitambika [ubudasa] birabananira bahitamo kuruvuga no kurutega iminsi.

Yagize ati “[…] Mpereye ku bivugwa n’abadutega iminsi, noneho ubu baravuga ngo babonye ibyo kuduhagarika mu guhitamo kwacu bitagishobotse, ubu noneho baravuga ngo ariko buriya Kagame igihe azaba atakiri umuyobozi buriya u Rwanda ruzagira amahoro? Noneho baradutega ibihe bizaza ko tutazagira amahoro, ariko nanabaza ngo ariko mbere ya Kagame u Rwanda rwari rufite amahoro ? Ibyo se ko babishimaga! Bashimaga ibya mbere ya Kagame hatari amahoro, none ubu baradutega iminsi ya nyuma ya Kagame.Reka mbabwire ikindi,uru Rwanda rwacu aho ruvuye, aho rugeze, tuvuye muri byinshi, ntabwo ibyo twiga bipfa ubusa. Aho tugeze ubu tuzi uburyo bwo kwihitiramo uko tugomba kubaho.”

Yanenze bikomeye abanyamahanga bibwira ko u Rwanda rugomba kuyoborwa no kugira Demokarasi nk’iyabo kuko ngo n’iyabo bahora bigisha nayo ipfuye.

Yagize ati “Hari abagiye mu gikorwa cya demokarasi bajya mu matora barangije baravuga ngo ibyavuyemo ntabwo ari byo bashakaga ngo hari abantu bagiye muri mudasobwa bajya mu ikoranabuhanga baduhindurira ibintu none ubu dufite umuyobozi tutashakaga.[..] Demokarasi yawe ni we muyobozi yaguhaye wavuga ute ko utamushaka?…”

Umukuru w’igihugu kandi yanabwiye abanyarwanda ko yiyemeje kuzarwana urugamba rwose azahura narwo kugira rwego rwo kurinde ubusugire bwabo n’ubw’igihugu, anabizeza ko azabitangira igihe cyose bizaba ngombwa.

Yagize ati "Umuyobozi tugomba guhitamo n’uwo tuzahitamo n’ikindi gihe, inshingano y’abayobozi njyewe uko nyumva,muzi imodoka igira contre shoker, imodoka ikubita mu migina contre shoker ikayikingira ntiyangirike. Umuyobozi niwe uterwa imijugujgu yabo ayobora, nemeye guterwa imijugujugu ntawo uzabageraho mu gihe tukiri kumwe.Iyo mijugujugu ntabwo izabageraho.”

Perezida Kagame yananenze abavuga ko isuku iri i Kigali ihari kubera igitugu, avuga ko bigaragaza agasuzuguro basuzugura u Rwanda aho bifuza ko Abanyarwanda cyangwa Abanyafrica bakwiye guhora bicaye mu mwanda.

Yagize ati “Ngaruke ku byacu ni ukuvuga ngo ibyo dukora twese tubyumvikanyeho mu bumwe twahisemo nibigira ingaruka mbi tuzahangana nazo nk’uko twahanganye n’ingaruka mbi z’ibyo badukoreye.Iyo bimaze kugenda nabi barahindukira bakigendera mwenyine mukirwariza….


INKURU ZA :
Tanga Igitekerezo
Ibitekerezo 3
Amiable uwimana Kuya 4-08-2017

I support the idea 100%.let the white know that without them we can achieve more.what do they need to our beautiful Africa?look at what they did to khadaffi!just because his country was smart like Rwanda.we will never never allow them to rubbish again our beautiful land.keep it up H.E .

Amiable uwimana Kuya 4-08-2017

I support the idea 100%.let the white know that without them we can achieve more.what do they need to our beautiful Africa?look at what they did to khadaffi!just because his country was smart like Rwanda.we will never never allow them to rubbish again our beautiful land.keep it up H.E .

Caporal Ephrem Kuya 2-08-2017

Abo ba Rubwejanga bahora babwejagura ubusa, Muzehe wacu ahora ababwira, ni uko wagira ngo amatwi yabo abamo ipamba, ntibumva.
Imijugujugu yarayiturinze, ibyo si ibyo ashakisha, experience afite irabyivugira, n’iyindi azayiturinda, aturi imbere tumuri inyuma nakwambia ku mugani wa wa musaza, ababwejura nabo yabahaye nyirantarengwa (Imipaka y’u Rwanda), bajye babwejurira hirya iriyaaaaa, n’ubundi birangira bivuyemo bati ’’ Ce sont les tonneaux vides qui font bcp du bruit’’, bakongera ngo ’’Le chien aboie, la caravane passe’’!!! Aho bukera North Corea iraza gutuma batakibasha no kubwejura, bacishe make twicarane ku meza amwe dushakira hamwe umuti w’ibibazo byugarije isi bihaye kuyobora none ikaba ibageranye ku manga aho batabasha kuyikingira.
Nanga utugabo tumwenyamwenya two kamwenyamwenya ku musonga.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...