konka coffee
KONKA

AMAKURU

UKWEZI

Kagame yongeye kwamagana ruswa igaragara mu bayobozi bo hejuru

Kagame yongeye kwamagana ruswa igaragara mu bayobozi bo hejuru
11-09-2017 saa 13:54' | By Vincent Nsengiyumva | Yasomwe n'abantu 2575 | Ibitekerezo 3

Perezida kagame yavuze ko uko abantu bareshya imbere y’amategeko mu butabera ari nako bakwiye kureshya mu kurwanya ruswa bityo abasumbye abandi (abakunze kwitwa ’Ibifi binini’) ko bagomba gukurikiranwa mu gihe batahuweho ibyaha bya ruswa.

Ibi Umukuru w’igihugu yabigarutseho ubwo yatangizaga umwaka w’ubucamanza,mu muhango wabereye mu ngoro y’Inteko Inshinga Amategeko nyuma yo kwakira indahiro za bamwe mu bayobozi bakuru bahawe imyanya muri guverinoma nshya.

Mu ijambo yagejeje ku bari bitabiriye uyu muhango Perezida Kagame yabwiye abo mu nzego z’ubutabera ko mu kurwanya ruswa hakwiye gukoreshwa imbaraga zifatika, anongeraho ko mukuyirwanya hakwiye kurebwa abitwa ko basumbye abandi akaba aribo baheraho.

Yagize ati “[....] Kwamagana ruswa biri mu buryo bwinshi ariko ngira ngo ubwa ngombwa ni mu mikorere ni mu ngiro. Imbaraga zihagije kandi abantu bafite zigakoreshwa ndetse n’ubwo abantu bangana, bareshya imbere y’amategeko no muri ubwo butabera njye buriya nakongeraho ko mu kurwanya ruswa nshingiye kuri aya mahame buriya abantu basumbye abandi niko bakwiriye kurebwa kurusha abandi, nyine ubwo butabera ntibugende ngo bugere ku batoya kandi abenshi aribo baba bafite n’ibibazo, n’ibigera kubo mu nzego zo hejuru barindwe n’izo nzego.”

Perezida w’Urukiko rw’Ikirenga, Sam Rugege yasabye Umukuru w’Igihugu ko yazabatera inkunga mu isanduku yo kuzigamira abakozi bo mu nkiko bashinze mu rwego rwo guteza imbere imibereho yabo.

Perezida Kagame yijeje abo mu rwego rw’ubutabera ko mu gihe bazitwara neza mu guhangana n’ikibazo cya ruswa azarushaho gufasha no gutera inkunga urwego rwabo ngo cyane ko iyo ruswa zigabanutse igihugu kirushaho gutera imbere.

Yagize ati “Uko muzajya mugabanya gufata iriya nkunga idakwiye (ruswa), niko nzajya nzamura ikwiye. I think that’s a fair deal.”

Kagame yavuze ko kurwanya imikorere mibi irimo na ruswa bihera mu nkiko anasobanura ko iyo inkiko zidakora neza bituma n’ibindi byose bitagenda neza.

Yabwiye abacamanza ko bafite uruhare runini mu guha abakeneye ubutabera ikizere ko bafite amahoro n’umutekano kubera ko hari ababarengera, aribo bacamanza.

Si ubwa mbere Umukuru w’igihugu yumvikanye avuga ku kibazo cya ruswa kigaragara mu nzego zo hejuru, aho abayobozi bakuru bakora ibyaha bya ruswa no kunyereza ibya rubanda bareberwa ntibakurikiranwe kubera kuba mu nzego zo hejuru.

Perezida Kagame yari yabigarutseho na none kuwa Kane tariki 31 Kanama 2017, ubwo yagezaga ijambo ku bagize Guverinoma nshya n’abandi bayobozi bakuru b’igihugu bari barahiye maze asaba Minisitiri w’Ubutabera ko abanyereza n’abangiza ibya rubanda badakwiye kureberwa. Nyuma y’umunsi umwe gusa umukuru w’igihugu abikomojeho, Sano James wayoboraga Ikigo cy’Igihugu gishinzwe amazi n’isukura ndetse na Kamanzi wa EDCL batawe muri yombi bakurikiranyweho ibyaha bifitanye isano na ruswa.


INKURU ZA :
Tanga Igitekerezo
Ibitekerezo 3
kjdcjwdqjocw Kuya 12-09-2017

jye bazamfatire ab’i nyagatre kbxa, si ruswaahubwo ni amadayimoni.

mdso Kuya 12-09-2017

Ruswa irahari cyane, mubutaka,........abakene barahashirira cyane

mubacakire Kuya 12-09-2017

nkuwaza akamfatira abayobozi bakarere ka rusizi nibobarya ruswa bambere haraho nkahantu barikubaka imihanda murine cite RUSWA iravuza ubuhuha arukubaka ari muri expropriation ntiwareba

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...