konka coffee
KONKA

AMAKURU

UKWEZI

Kaminuza y’u Rwanda igiye gukora impinduka zidasanzwe ihuza amashuri inimura amashami

Kaminuza y’u Rwanda igiye gukora impinduka zidasanzwe ihuza amashuri inimura amashami
14-06-2017 saa 09:00' | By Chief Editor | Yasomwe n'abantu 8818 | Ibitekerezo 18

Kaminuza y’u Rwanda iri muri gahunda yo guhindura imiterere y’amashuri yayo, inakora impinduka zizasiga amwe mu mashuri ahurijwe hamwe naho amwe mu mashami akimurirwa mu yandi mashuri, iyi gahunda ngo ikaba igamije kunoza ireme ry’uburezi, kugabanya amafaranga yakoreshwaga no gushyiraho uburyo buzanogera abanyeshuri mu gukurikirana amasomo yabo.

Nk’uko The New Times ibitangaza, izi mpinduka biteganyijwe ko zizatangira mu kwezi gutaha kwa Nyakanga, zikazaba zaramaze gusozwa muri Kanama uyu mwaka nk’uko byemezwa n’ubuyobozi bwa Kaminuza y’u Rwanda. Izi mpinduka zizahuza amashuri abiri asanzwe yigishirizwamo iby’uburezi, ayo akaba ari ishuri rikuru ry’uburezi rya Rukara n’irya Remera ryahoze ryitwa KIE, aya mashami akazajyanwa i Rukara mu Burasirazuba hanyuma i Kigali hakavanwa ishuri rikuru ry’uburezi.

Ishuri rikuru ry’Ubugeni n’ubumenyi mbonezamubano (The College of Arts and Social Sciences) risanzwe ribarizwa i Huye mu Ntara y’Amajyepfo, rizajyanwa i Gikondo ahahoze hitwa muri SFB hanyuma rihuzwe n’Ishuri rikuru ry’Ubucuruzi n’Ubukungu (College of Business and Economics) risanzwe riba aha i Gikondo mu mujyi wa Kigali.

Ishuri rikuru ry’ubuvuzi n’ubumenyi mu by’ubuzima (College of Medicine and Health Sciences) kimwe n’Ishuri rikuru ry’Ubuzima rusange (School of Public Health) azajyanwa i Remera, ariko imyaka ibiri y’abiga iby’ubuganga izajya yigirwa i Huye aho abanyeshuri bazajya bamara igihe bimenyereza umwuga mu bitaro byaho.

Ibijyanye n’Ubukungu, iby’amashyamba n’Ikoranabuhanga mu bya mudasobwa bizajyanwa i Huye, naho ishuri ry’Ubuhinzi n’ubumenyi mu by’ubuvuzi bw’amatungo byo bijye mu ishuri rya Busogo riri mu Majyaruguru y’u Rwanda, mu gihe ishuri risanzwe ribarizwamo ibi by’ubuhinzi n’ubuvuzi bw’amatungo rya Rubirizi, ryo rizagumaho ari nk’iryo gucumbikiramo abanyeshuri b’amashuri atandukanye ya Kaminuza y’u Rwanda kuko hari ikibazo cy’amacumbi adahagije.

Ishuri ryo muri Nyarugenge risanzwe rizwi nk’icyahoze ari KIST n’ikindi gice cy’ahahoze ari KHI rizajya ryigishirizwamo ibijyanye n’Ubumenyi n’Ikoranabuhanga gusa, bivuga ko abiga ibyo bose ari ho bazahita bajya kwigira.

Dr Charles Murigande, Umuyobozi wa Kaminuza y’u Rwanda wungirije ufite mu nshingano ze guteza imbere amashuri makuru agize iyi Kaminuza, yavuze ko izo mpinduka zigamije kurushaho guteza imbere ireme ry’uburezi no kurushaho gucunga neza umutungo wa Kaminuza y’u Rwanda. Yavuze kandi ko ibyo bizagira ingaruka nziza mu gushyira Kaminuza y’u Rwanda ku mwanya mwiza ku rutonde rwa Kaminuza ku mugabane wa Afurika, aho intego ari uko yazaba iri muri 20 za mbere ku mugabane wa Afurika mu myaka itanu iri imbere.

Dr Charles Murigande ati: "Hari aho twari dufite amashuri makuru n’amashami biri ahantu hatandukanye kandi bahuje za porogaramu, bikazamura igiciro cy’ibikorwa by’ayo mashuri kandi n’igihe abarimu bamara bava mu ishuri rimwe bajya mu rindi kikaba kinini."

Mu bindi Dr Muligande yavuze, harimo kuba Leta y’u Rwanda iteganya gushyira irindi shuri rikuru ry’Ubukungu i Rusizi, aho abanyeshuri bazajya biga hakoreshejwe ikoranabuhanga, aho bazajya bakurikira amasomo bigishwa n’abarimu bibereye i Kigali ariko bafite umwarimu ubafasha gukurikirana ayo masomo y’abarimu bigishiriza i Kigali.


INKURU ZA :
Tanga Igitekerezo
Ibitekerezo 18
NIYOYITA Simeon Kuya 24-07-2017

izi mpinduka zizagira ingaruka kubanyeshuri muri rusange. ari inziza cg imbi. gusa ibintu byo gukora exams muri weekend nabyo bizigwe homaze bivanwe ho kuko biratubangamira cyane

Kz Kuya 19-06-2017

Batwimura bamenyeko imibereho nibijyanye nubukungu byarakaze bamenyeko utakurikirana amasomo munda ntakirimo izo living allowense baduha nazo ninkagatonya munyanj gusa ntibi corresponding kbs na cost of living murikigih

Janvier Kuya 16-06-2017

Abirusizi bo bazajyahe,, nibarigikondo rusizi campu se izavaho?

dudu Kuya 16-06-2017

christiana ngusobanurire . Abigaga KIE education muri rusange bose bazajya i Rukara. niho izimukira yose.

Ernest dukuze Kuya 15-06-2017

bya bisaza b’ibidogiteri by ibihehesi byo muri college yari KIE bigiye mu Mutara! bashiki bacu mufatire aho!

Marc Kuya 14-06-2017

uwize yarize naho abandi turabeshya

rudomoro Kuya 14-06-2017

Ikitarapfuye mu rwanda sha niki uretse uburezi, wamugani wampyisi mubona igihagaze neza arigiki!!! Imiyoborere ngo nimyiza da!!! Byahehe, keretse nibariyo muri prezidansi gusa ariko hasi hano mu mibyuko mperereye ntayo mpabona rwose ni zero!!! Bareke private zicire cash ahubwo ziyigishirize niho ireme ryaboneka, naho muri za leta nugusahurira mubifi gusa rwose ndabarahiye mbandoga Kagame uyoboye urwanda neza, ba mayors nabandi bamufasha bakamutobera bitwaza ngoza sisiteme nibyama ntazaho bakura.

parfaite Kuya 14-06-2017

Birajabije,

Hagenimana felix Kuya 14-06-2017

Rukara we!!uratubonye,gsa ntakbZ pe!

uwayo Kuya 14-06-2017

nonese ko numva batizeye ireme basanzwe Batanga kuki bo HEC itabafungiye?

Kimenyi Kuya 14-06-2017

Ireme ry’uburezi! Bagiye kwimura amashuri pepepeeee! Ubwo rero baraje bitwaze biriya ngo ireme da! Babonye bamaze guhombya Leta za miliyari none ngo bimuye amashami. Babanze babirukane bazane abandi bashya bashyireho impinduka! Ngaho MINEDUC nibanze ifunge ayo mashami by’agateganyo hanyuma ibone kuzabafungurira. Malimba yabitinyuka se ko ahimbira kuri za private! Mbega weeeeee!

Uburezi bwacu bwarapfuye kbsa!, ibi byose biterwa nande koko?

Kimenyi Kuya 14-06-2017

Ireme ry’uburezi! Bagiye kwimura amashuri pepepeeee! Ubwo rero baraje bitwaze biriya ngo ireme da! Babonye bamaze guhombya Leta za miliyari none ngo bimuye amashami. Babanze babirukane bazane abandi bashya bashyireho impinduka! Ngaho MINEDUC nibanze ifunge ayo mashami by’agateganyo hanyuma ibone kuzabafungurira. Malimba yabitinyuka se ko ahimbira kuri za private! Mbega weeeeee!

Uburezi bwacu bwarapfuye kbsa!, ibi byose biterwa nande koko?

MAHORO Kuya 14-06-2017

Kmainuza yari UNR naho ubundi muarapapaza

gqg Kuya 14-06-2017

Ariko jye ntakibi mbonamo. Kuko abenshi mwiberaga mu mujyi. Yego kwiga ikigoroba byo bibaye ikibazo? Ubwo muzajya gutura BUSOGO, Abandi RUKARA(ubu harararwa), abandi iyo; Ariko nyagatare hazakorerwa iki? Hazaba ibiraro by’INKOKO N’INGURUBE ? Kuko nabo bagomba kujya BUSOGO ngirango. Aha niho amashuri yigenga agiye KUZAMUKIRA.

kalisa Kuya 14-06-2017

arko ibi bintu nibiki koko

Turatsinze Robert Christian Kuya 14-06-2017

Mwiriwe neza munsobanurire niba muri KIE ntabanyeshuri bazahasigara biga education.murakoze

john Kuya 14-06-2017

biteye agahinda peee

john Kuya 14-06-2017

mbega bibi weee

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...