konka coffee
KONKA

AMAKURU

UKWEZI

Kamonyi: Abanyamakuru birukanywe kubera urwikekwe rwavuye ku bakozi b’akarere barwanye

Kamonyi:  Abanyamakuru birukanywe kubera urwikekwe rwavuye ku bakozi b’akarere barwanye
12-10-2016 saa 06:33' | By Chief Editor | Yasomwe n'abantu 7465 | Ibitekerezo 5

Nyuma y’uko abakozi b’akarere ka Kamonyi bwarwaniye mu kazi mu kwezi gushize bagakomeretsanya ndetse ubu bakaba bamaze igihe barahawe igihano cyo kumara ukwezi badakora batanahembwa, ubuyobozi bw’aka karere ntibwishimiye uburyo inkuru y’uko kurwana yasakaye hakamenyekana ibyabaye, ibyo bikaba byaratumye batangira kwikoma abanyamakuru kuburyo hari abirukanywe mu nama y’isuzumamikorere kuri uyu wa Kabiri ndetse umwe muri bo agakurikizwa DASSO kugirango akurwe vuba na bwangu mu gace kegereye ibiro by’akarere.

Kuri uyu wa Kabiri tariki 11 Ukwakira 2016, mu biro by’akarere ka Kamonyi habaye igikorwa cy’isuzumamikorere aho hareberwaga hamwe ibyo aka karere kagezeho, abanyamakuru bakaba baragiye kwitabira iki gikorwa ngo bagitangarize abaturage ariko batungurwa no kwirukanwa ngo batamenya byinshi bivugwa muri aka karere.

Umwe muri aba banyamakuru witwa Munyaneza, yatangarije Ikinyamakuru Ukwezi.com ko we yirukanywe ahaberaga iki gikorwa cy’isuzumamikorere, ariko agakurikizwa n’umukozi w’urwego rwa DASSO witwa Albert, uyu akaba yaramutegetse ko uretse kwirukanwa muri icyo gikorwa, badashaka ko anaguma hafi aho.

Umwe mu bakozi b’aka karere utashatse ko amazina ye atangazwa kubera impamvu z’umutekano we, yadutangarije ko ubuyobozi bw’akarere bufite urwikekwe rw’uko abanyamakuru bakongera gutangaza bimwe mu bibera muri aka karere bidahwitse, uyu wakurikijwe DASSO we akaba ari no mu batangaje inkuru yahesheje isura mbi akarere, ubwo abagore babiri barwaniraga mu biro by’akarere mu kwezi gushize.

Tariki 16 Nzeri 2016 mu masaha y’amanywa, nibwo abakozi babiri b’akarere ka Kamonyi mu ntara y’Amajyepfo barwaniye mu kazi nyuma yo gutongana biturutse ku makimbirane yabaye hagati yabo mu kazi, iyi mirwano ikaba yatumye umwe muri aba bakozi anakomereka mu isura ajyanwa kwa muganga ndetse n’indorerwamo z’amaso (lunettes) zirameneka.

Abarwanye ni abagore babiri barimo umukozi ushinzwe ubujyanama mu by’amategeko na notariya ndetse n’umukozi ushinzwe ibikoresho by’aka karere. umwe yitwa Umutoni Francine undi akitwa Nyiransengiyumva Adeline. Hari amakuru yizewe agera ku kinyamakuru Ukwezi.com ashimangira ko aba bakozi babaye bahagaritswe mu kazi.


INKURU ZA :
Tanga Igitekerezo
Ibitekerezo 5
mugabo j pierre Kuya 19-10-2016

mugerageze mubere intangarugero abanyarwanda rwose!!
abantu bakorana aba ari urungano: kandi kandi utatiriye igihango,cy’urungano, kiramusarika.
ngiye gipfukama mbasengere ,iyo satani ije i wacu igende mu izina rya yesu kandi mwimakaze indangagaciro yo kubahana,kwihanganirana,gusangira ,kutagambanirana,urukundo,gukorera hamwe;guharanira kuba ingirakamaro,kutangiza ibyo dufite mu nshingano no kuba intangarugero.imana ibasure, kandi mumenye ko umuntu ubonye urakaye amenya icyo utakereza turacyabakunda.

kafa Kuya 14-10-2016

nonese kwirukana umunyamakuru uduha amakuru yaburimunsi baziko barikubangamira uburenganzira bwe bwogutara inkuru ahubwo abamwirukanye bafatitwe ibihano .bivuzeko ibyobarimo ari amakosa gusa .birababaje pe!

Keza Kuya 13-10-2016

Ubwose barwanye bumva ntasoni bafite Cg basanze guterana ingumi ariwo muti wibibazo byari hagati yabo ndabasetse uwo Ntago arumuco aho kubaka akarere Murimo muragasenya mwisubireho Cg bashyireho abandi kuko abize muriki gihugu bakeneye akazi nibenshi .

kiki Kuya 13-10-2016

ni koko ibi ari ukuri aba bayobozi bagomba kwisubiraho kuko barimo gusubiza inyuma aka karere ariko nibyo kwitondera kuko hari nabanyamakuru badakora akazi kabo mu buryo bwa kinyamwuga

-xxxx- Kuya 12-10-2016

aka karere ko gakomeje kwitwara nabi?

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA