konka coffee
KONKA

AMAKURU

UKWEZI

Kamonyi: Umugore yatamaje umugabo we n’abayobozi bafatanyije kunyereza inka ya Girinka

Kamonyi: Umugore yatamaje umugabo we n’abayobozi bafatanyije kunyereza inka ya Girinka
16-08-2017 saa 15:51' | By Chief Editor | Yasomwe n'abantu 3385 | Ibitekerezo

Kuri uyu wa Kabiri tariki 15 Kanama 2017, Polisi y’u Rwanda ikorera mu karere ka Kamonyi yataye muri yombi abayobozi bo mu nzego z’ibanze hamwe n’umuturage bashinjwa gufatanya mu buriganya mu kugurisha inka yari yatanzwe muri gahunda ya Girinka.

Abafashwe ni Tugirimana John w’imyaka 50 wari warahawe iyo nka muri gahunda ya Girinka, akaba yaraje kuyigurisha afatanyije na Dushimimana Martin w’imyaka 53 ushinzwe iterambere mu mudugudu ndetse na Rukundo Emmanuel w’imyaka 30 ushinzwe umutekano mu mudugudu wa Kigarama mu kagari ka Remera ko mu murenge wa Rukoma mu karere ka Kamonyi.

IP Emmanuel Kayigi, umuvugizi wa Polisi mu Ntara y’Amajyepfo, yatangarije ikinyamakuru Ukwezi.com ko aba bayobozi bo mu nzego z’ibanze bakoresheje uburiganya mu kugurisha inka yari yahawe Tugirimana John, bayigurisha bitwaje ko yanze kwima nyamara ngo ibi ufite ububasha bwo kubyemeza ari muganga w’amatungo, hanyuma ikirenze kuri ibyo bakaba baraguzemo akanyana gato bakanga no kugaragaza amafaranga yasagutse.

IP Emmanuel Kayigi, umuvugizi wa Polisi mu Ntara y’Amajyepfo

IP Kayigi kandi agaragaza ko umugore wa Tugirimana John witwa Nyiranshimimana Jeannette, ari we wareze umugabo we hamwe n’aba bayobozi nyuma yo kubabazwa n’uko baguze akanyana k’umutavy bakanga no kugaragaza amafaranga yasagutse. Uwo bagurishije iyo nka agahita ayibaga, nawe ni umukuru w’undi mudugudu uherereye muri aka kagari witwa Emmanuel Yatubabariye, bigaragaza ko ari ubufatanyacyaha mu buriganya bwakozwe n’izi nzego z’ubuyobozi bw’ibanze nk’uko Polisi ikomeza ibigaragaza.

Uyu muturage kimwe n’abayobozi bareganwa nawe, bavuga ko iyo nka bayigurishije amafaranga 115.000 bakaguramo iy’100.000 ariko ngo bigaragara ko harimo uburiganya kuko iyagurishijwe ikwiye amafaranga arenze ayo kandi n’iyaguzwe ikaba idakwiye kugeza kuri ayo bavuga kuko ari akanyana gato.

IP Emmanuel Kayigi uvuga ko aba bagabo bose bafungiwe kuri sitasiyo ya Polisi ya Rukoma, asaba abayobozi mu nzego z’ibanze kujya bitondera gukora uburiganya mu byagenewe rubanda, kuko inzego za Polisi ziri maso ngo zibashyikirize ubutabera babihanirwe.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...