konka coffee
KONKA

AMAKURU

UKWEZI

Kanimba ararira ayo kwarika, ikibazo cye cyanagejejwe kwa Perezida cyongeye kumukurikirana

Kanimba ararira ayo kwarika, ikibazo cye cyanagejejwe kwa Perezida cyongeye kumukurikirana
13-07-2017 saa 15:39' | By Chief Editor | Yasomwe n'abantu 26501 | Ibitekerezo 20

Umuryango wa Kanimba John n’umugore we Mathilde Murekatete, ubu bararira ayo kwarika kubera inkurikizi z’akarengane bakorewe, n’ubwo batakambiye inzego zitandukanye bakagera no kuri Perezida wa Repubulika, ubu bakaba bakibuzwa amahwemo n’inkurikizi z’akarengane bakorewe, n’ubwo barenganuwe bagasubizwa amazu yabo aho guhabwa indishyi z’akarengane bakorewe ubu barataka ko bagikomeje kurenganywa.

Ibibazo bya Kanimba John n’umugore we Mathilde Murekatete, bimaze imyaka myinshi ndetse bagaragaza ko byabashegeshe bikomeye, bibatera ubukene mu gihe bari bifashishije, bafite ibikorwa byabinjirizaga amafaranga menshi ku Kicukiro ahazwi nka "Chez John". Intandaro y’iicyabashoye muri ibi bibazo, uyu muryango ubwawo ntubisobaukiwe kuko byabituye hejuru bishyuzwa amafaranga batazi ibyayo n’ubu batarasobanukirwa aho akomoka.

Uko ikibazo giteye ugihereye mu mizi

Mu myaka irenga itanu ishize, hamenyekanye amakuru y’uko Nzeyimana Johnson, umwana wa Kanimba John bari bafatanyije Sosiyete yitwa “Expo World Furniture” iri Kicukiro ahamenyerewe ku izina rya “Chez John”, yahaye Kabonera Ramazan sheki ya miliyoni 34 z’Amafaranga y’u Rwanda. Uyu watanze sheki ariko si we wabivuze, ahubwo uyu Kabonera niwe wabihamije, anavuga ko yagiye kuyabikuza agasanga ntayariho kuri konti, biza gukurura ibibazo bigikururuka kugeza n’ubu.

Mu gihe Kaboneka we yari mu nzira zo kwiyambaza inkiko, Nzeyimana Johnson, waregwaga kuba yaratanze sheki itazigamiye, yaje kuburirwa irengero. Kabonera yaje guhita ajya mu buyobozi no mu nkiko zindi, agwatirisha umutungo wa Se Kanimba John bari bafatanyije Sosiyete ikora ibikoresho byo mu nzu yitwa “Expo World Furniture”, dore ko no kuri iyo sheki yari yasinywe mu izina rya sosiyete.

Uyu niwe Kanimba John. Ni umwe mu bantu bazanye iby’ububaji bugezweho mu Rwanda

Urubanza rwaje kurangira Kanimba John atsinzwe, ategekwa n’Urukiko kwishyura amafaranga y’u Rwanda asaga 36.000.000. Haje kuza gutezwa cyamunara amagorofa ya Kanimba John, ayo mazu agurishwa ku mafaranga y’u Rwanda miliyoni 420 ziguzwe na Sosiyete Kime Ltd, Kanimba n’umuryango we basohorwa mu nzu ku ngufu batabwa hanze bajya kuba mu baturanyi. Icyo gihe ikibazo cyarakomeye cyane, uyu muryango utakambira abantu banyuranye mu buyobozi bukuru bw’igihugu.

Aya mafoto agaragaza uko byari bimeze igihe cyo gusohora mu nzu umuryango wa Kanimba

Pierre Damien Habumuremyi wari Minisitiri w’Intebe icyo gihe, yaje kubazwa kuri iki kibazo, nawe ntiyahita yiyumvisha uburyo ubwishyu bwa miliyoni 36, bwatumye hatezwa cyamunara amagorofa atatu yose. Perezida Kagame kandi nawe yaje kugezwaho iki kibazo, avuga ko atahita amenya ukuri kwabyo, ashyiraho abantu bagikurikiranye ngo bamenye ukuri kwabyo.

UMVA HANO IKIBAZO KIBWIRWA UWARI MINISITIRI W’INTEBE:

UMVA HANO CYAJE NO KUGEZWA KURI PEREZIDA:

Umuryango wa Kanimba wavugaga ko na cyamunara yakozwe mu buryo bunyuranyije n’amategeko, bakabishingira no ku kuba haratejwe cyamunara imitungo yabo bwite kandi hari imitungo ya sosiyete ari nayo yatsinzwe, yagombaga kuvanwamo ayo mafaranga. Bagaragazaga kandi ko Kime Ltd yatsindiye iyo mitungo mu cyamunara, nayo yakoze amakosa yo gutanga sheki itazigamiye, kuko impapuro zo muri banki zagaragazaga ko igihe batanga iyo sheki, nta mafaranga yuzuye yari kuri konti, bakayashaka nyuma bakayashyiraho.

Aya ni amwe mu magorofa yari yatejwe cyamunara kubera miliyoni 36

Inzu za Kanimba John uko ari eshatu z’amaforofa zirimo n’iyo yari atuyemo, byaje kwemezwa bidasubirwaho ko zatejwe cyamunara mu buryo budakurikije amategeko, nk’uko byagaragajwe n’urukiko rukuru rwa Nyarugenge tariki 22 Werurwe 2013. Icyo gihe urukiko rwategetse ko Kime Ltd isubizwa miliyoni 420 yatanze igura mu buryo budakurikije amategeko inzu za Kanimba, runasaba ko Kanimba yishyura miliyoni 38 Kabonera (umwe wari warahawe sheki itazigamiwe n’umuhungu wa Kanimba), cyamunara iteshwa agaciro n’umuryango wa Kanimba usubizwa amazu yawo.

Ku munsi umuryango wa Kanimba usubizwa amazu yabo, abantu bari babashyigikiye ari benshi

Nyuma umuryango wa Kanimba warishimye cyane ariko usigarana ibindi bibazo bibiri by’ingutu. Icya mbere ni uko mu Kime Ltd yari yaguze amagorofa ya Kanimba mu buryo butemewe n’amategeko, yayasaruyemo amafaranga y’ubukode kuva muri Nyakanga 2012 kugeza muri Kamena 2013, angana n’amafaranga y’u Rwanda 26.961.200 hamwe n’amadolari 5.400, bitewe n’uko yakodeshaga ibyo yatsindiye mu buriganya kandi ba nyirabyo bari barimo gusembera basaba icumbi. Ikindi cya kabiri, ni uko ubwo basohorwaga muri aya mazu, hari ibintu byangijwe ibindi bikibwa, ibyo byose bakaba barifuzaga kubisubizwa.

Uyu ni we nyiri Kime Ltd, aha yasomaga urupapuro rumutegeka ko agomba gusubiza ibyo yaguze muri cyamunara idakurikije amategeko

Kanimba John n’umugore we Mathilde Murekatete baje kubiregera, barega Kime Ltd yari yaguze mu cyamunara kitemewe n’amategeko, barega Ruzingana Landrine wari Noteri w’akarere ka Kicukiro na Kagame Kimonyo Alexis; Umuhesha w’Inkiko w’Umwuga ndetse n’akarere ka Kicukiro ubwako, basaba indishyi z’akababaro n’izikomoka ku mitungo yangijwe, ndetse na Kime Ltd igasubiza ayo mafaranga yari yarakuye mu bukode bw’inzu yari yaratsindiye bitemewe n’amategeko, cyane ko n’amafaranga yari yatanze atari yarigeze yakirwa n’umuryango wa Kanimba (Muri miliyoni 420 zakuwemo miliyoni 36 zishyuwe Kaboneka, ayasigaye ntabwo yari yigeze ahabwa umuryango wa Kanimba).

Nyuma yo kwiruka mu nkiko, Urukiko rwisumbuye rwa Nyarugenge rwaje gutegeka ko Kanimba John ahabwa na Kime Ltd ya mafaranga y’u Rwanda 26.961.200 hamwe n’amadolari 5.400 yari yakuwe mu bukode bw’amazu yaguzwe muri cyamunara idakurikije amategeko.

Icyari gisigaye ni indishyi ariko babwiwe ko kuba bataraziregeye mbere ntazo bakwiye kuregera, bakomeza gusiragira mu nkiko bagaragaza ko ingingo ya 647 CCLIII ivuga ko uburenganzira bwo kuregera urukiko bwose, bwaba ari ubugamije guhabwa ibintu c yangwa se kwishyuza imyenda, buzima hashize imyaka 30 kandi ikaba itarigeze izima.

Uko ikibazo gihagaze kugeza ubu

Mu rubanza rwaciwe n’Urukiko Rukuru tariki 31 Mutarama 2017, Urukiko rwavuze ko Kanimba John na Murekatete Mathilde nta ndishyi bagomba guhabwa, rutegeka ndetse ko amafaranga y’Ubukode Kime ltd yakuye mu mazu yabo yari yaguzwe bitemewe n’amategeko itagomba kuyabaha, runategeka ko bahita bayasubiza Kime Ltd, bacibwa n’andi ajyanye n’igihembo cy’abavoka n’irangizarubanza.

Ibi umuryango wa Kanimba waje kubijuririra mu rukiko rw’Ikirenga, kuko batiyumvishaga uburyo urukiko rukuru rwavuze ngo Kime Ltd yabonye ayo mafaranga nta buriganya, mu gihe mu byatumye cyamunara iseswa harimo kuba yarakozwemo amanyanga, aho uwitwa Nizeyimana (mu izina rya Kime Ltd) yari yatanze sheki itazigamiwe. Ikirego ariko cyanze kwakirwa n’Urukiko rw’Ikirenga, kugeza ubu Kanimba John na Mathilde Murekatete bakaba barasabye urwego rw’Umuvunyi ko rwabarenganura.

Ikindi kirenzeho ariko Me Emmanuel Gahirwa; Umuhesha w’Inkiko w’Umwuga, tariki 12 Kamena 2017, yandikiye Kanimba John na Murekatete Mathilde babategeka gusubiza vuba amafaranga yose hamwe angana na 28.398.200 y’u Rwanda n’amadolari ya Amerika 5.400, akubiyemo ayo bari barahawe yavuye mu bukode bw’amazu yabo mu gihe yari yaraguzwe mu cyamunara, kimwe n’andi arimo ibihembo by’abavoka n’ikurikiranarubanza.

Bategekwaga kwishyura bitarenze amasaha 24, ariko uyu muryango ntiwabibashije kuko uvuga ko iby’akarengane bakorewe ubwo amazu yabo yatezwaga cyamunara, ibikoresho bakoreshaga akazi kari kabatunze bikibwa ibindi bikangizwa ndetse bakamara n’igihe bacumbikiwe n’abagiraneza, byabateje ubukene bukomeye kuburyo kugeza n’ubu imebereho ibagora. Bavuga ko uretse kuzabona urwego rw’Umuvunyi rubarenganura cyangwa ubuyobozi bukuru bw’igihugu bukabona akarengane bakorerwa, ntakindi kizabakura mu kaga barimo. Bavuga ko aho kugirango hababwe indishyi, ari bo bakomeje kugerwaho n’ingaruka z’akarengane bakorewe kandi n’urukiko rwaremeje ko bari bararenganyijwe.


INKURU ZA :
Tanga Igitekerezo
Ibitekerezo 20
lg Kuya 16-07-2017

nareke guhangana biriya niba bitamuhagije azifashishe byose yabitewe numwana we naho kime, yaguze hali ubuyobozi kandi nawe yakoresheje aye mafranga ndetse anasana, izo nzu

lg Kuya 16-07-2017

nareke guhangana biriya niba bitamuhagije azifashishe byose yabitewe numwana we naho kime, yaguze hali ubuyobozi kandi nawe yakoresheje aye mafranga ndetse anasana, izo nzu

ben Kuya 15-07-2017

wowe wiyise@kandwanaho!iyo umuntu yaruhiye ibye agomba kubiburanira byose akabibona nutwo wita duke ntuzi uko tuvuna kutubona di!wowe nturarenganywa nakubonye!ntuzi agaciro ko kuruha ukora uvunika hama nyuma bakakwambura ibyo waruhiye muvandi,birababaza!naho ibyo wivugishwa ngo ntibanyurwa!uzabimenya neza umunsi byakubayeho!gusa sinakwifuriza akarengane nkaka kuzuyemo ubuhemu bwinshi na ruswa!gusa jye numvagako urwanda rwikigihe tugezemo rudakwiye kwemera akarengane nkaka kakorewe kanimba John!yagakwiye kurenganurwa vuba bityo bikagaragara ko ubutabera buriho koko!

ben Kuya 15-07-2017

wowe wiyise@kandwanaho!iyo umuntu yaruhiye ibye agomba kubiburanira byose akabibona nutwo wita duke ntuzi uko tuvuna kutubona di!wowe nturarenganywa nakubonye!ntuzi agaciro ko kuruha ukora uvunika hama nyuma bakakwambura ibyo waruhiye muvandi,birababaza!naho ibyo wivugishwa ngo ntibanyurwa!uzabimenya neza umunsi byakubayeho!gusa sinakwifuriza akarengane nkaka kuzuyemo ubuhemu bwinshi na ruswa!gusa jye numvagako urwanda rwikigihe tugezemo rudakwiye kwemera akarengane nkaka kakorewe kanimba John!yagakwiye kurenganurwa vuba bityo bikagaragara ko ubutabera buriho koko!

bb Kuya 14-07-2017

ANDIKA IGITEKEREZO HANOarko se ububutabera bwacu bufite ikihe kibazo koko!KANIMBA John yambuwe ibye asohorwa mubye ajugunywa hanze we numuryangowe!none arabib
uraniye arabitsindiye!aho batamwishyuye ibye byangijwe!none ngo abe ariwe wishyura indishyi zakababaro!iri nihohoterwa rikabije rwose!natabarwe kuko birakabije!

Lili Kuya 14-07-2017

Uwo muryango wararenganye biteye agahinda ,icyo n abwira uwo muryango nturambirwe kuko abo bose ntawurihejuru y amategeko kandi bazabibazwa bidatinze ,ese barenganye umuntu bamwibe,bamwononere yakwaka indishyi ngo ntago yagombaga kuzaka ngo aceceke ashime abamwibye ngo ko bamushubije bimwe mubyo bamwibye ngo ibindi bitwarire reka da ubu urwanda rugendera kumategeko kandi ntawuri hejuru y amategeko waba ukorera leta cg .ntimurambirwe muza renganurwa cyane cyane ko n umukuru w igihugu y irirwa arwanya abarenganya abaturage bafite ibyo bishingikirijeho

Emman Kuya 14-07-2017

Ariko abize amategeko mujye mudusobanurira, umuhesha w’inkiko n’urukiko ninde ufite ububasha kurusha undi, nagirango umuhesha w’inkiko ashyira mu bikorwa ibyo urukiko rwategetse, none uyu we ndabona akora le contraire, urukiko rwategetse KIME LTD guha John amafranga yavuye mu bukode bw’amazu ye igihe yari yatejwe cyamunara mu manyanga, none umuhesha w’inkiko ejobundi yandikira John ngo nasubize ayo mafaranga, ibyo ni ibiki koko?!!! Umenya uriya muhesha w’inkiko afitemo akantu kuko si gusa.
Niba igihugu cyacu kigendera ku mategeko uyu musaza yagombye kurenganurwa ariko nawe bakareba niba iyo company yari afatanyije n’umuhunguwe responsabilite zayo zigera no ku mitungo y’abanyamuryango bayo, bitaba ibyo bagateza umutungo wa company niba iri LTD bakishyura uregera umwenda, kereka niba muri RDB bigaragara ko ari partnership nibwo byagera no ku mitungo bwite y’abagize iyo company bikaba byatezwa ariko nabwo bikagarukira ku mafaranga aregerwa.
Turi mu gihugu kiza igihe cy’akarengane cyagombye kuba cyararangiye.

Havugubukozwemo Kuya 14-07-2017

Ariko ibibera hano iwacu nabandi bibayo Njye narumiwe pe!
None se nigute 36milion
Bagurisha ibyagaciro ka
420milion?
Abize munsibanurire!

Leoni Kuya 14-07-2017

Kuba umuntu aba muri africa ntago bivuzeko agomba kurengana cyane cyane ko Urwanda rugerageza guteri Imbere Umunsi k umunsi barwanya Ruswa n ibindi ngaho rero abarwanya Ruswa n imutabare abarenga

Musonera Pierre Kuya 14-07-2017

@bwengebucye! Ngizina niryo muntu koko ubwose umuntu aba yararuhiye ubuzima bwose kugirango arenganywe nabantu bamwambura ibyo yakoreye? Niba ibintu 100% ari iby’ umuryango wa Kanimba ni gute atebirenganira yarabikoreye kandi aribye?

Birababaje cyane kuba Ibyo twita uburengane bituma ibintu nkibi biba bikagera aha! Kuba ntanumwe urenganura ababantu barikurengana. Ubuyobozi bwakagombye gutabara byihuse! Biteye agahinda cyanee

ubwiyunge Kuya 14-07-2017

cyakora umuntu arakomera,pe uyu we bamwishe ahagaze nareba nabi arakurikira abandi ubundi atunga ibintu bingana gutyo nkande? naho ngo bamuhaye amagorofa n’ibindi bagomba kubimuha n’indishyi z’akababaro . ese ubwo butabera bukorwa n’abantu bize cg

ubwiyunge Kuya 14-07-2017

cyakora umuntu arakomera,pe uyu we bamwishe ahagaze nareba nabi arakurikira abandi ubundi atunga ibintu bingana gutyo nkande? naho ngo bamuhaye amagorofa n’ibindi bagomba kubimuha n’indishyi z’akababaro . ese ubwo butabera bukorwa n’abantu bize cg

ubwiyunge Kuya 14-07-2017

cyakora umuntu arakomera,pe uyu we bamwishe ahagaze nareba nabi arakurikira abandi ubundi atunga ibintu bingana gutyo nkande? naho ngo bamuhaye amagorofa n’ibindi bagomba kubimuha n’indishyi z’akababaro . ese ubwo butabera bukorwa n’abantu bize cg

kandwanaho Kuya 14-07-2017

n’akarengane ariko nawe ntanyurwa amazu arayabonye bamushubije n’ibindi yungutse nyuma yokurengwannywa none yasubiye kuregera utindi duke none umva sha abantu mutanyurwa n’ibyo mufite kandi mufite muzahora muruha mutabizi.

rwema Kuya 14-07-2017

jyewe nkugiriy’inama wayabaha wibuke ko dutuye muri Afrika

Bwengebuke Kuya 14-07-2017

baca umugani ngo wanga bikeya ukabura na byinshi wamaraniraga, ko wari umaze kubona ayavuye mubukode bw’amazu yawe kandi n’amazu uyabonye kuki utarekeyaho ngo ushakishe ibintu bundi bushya???
Bagusubije amagorofa yawe, ubukode wanganga kunyurwa!! Hama hamwe wumve sha...hhhhhhhhhh

Janvier nkunzurwanda Kuya 14-07-2017

Yebaba weee!!! Nukuri arenganurwe pe kuko baramurengereye cyane pe kandi nababigizemo uruhare bakwiye gufatirwa ibihano kuko badindiza iterambere ry’igihugu

Esther Kuya 14-07-2017

Ibi byose ni ibyisi Muba Mwiruka inyuma ejo nejo Bundi muzabisigira abatarabiruhiye

Judith Kuya 13-07-2017

nukuri pe,about Bantu bararenganyijwe in babarenganure

Hhhh Kuya 13-07-2017

Mbega akaregane wee...!!! Cyakora cyo kuri iyi isi hariho abagome p.his excellent nagire icyo abamarira kuko mubigaragara ntawundi uzabakemurira icyo kibazo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...