konka coffee
KONKA

AMAKURU

UKWEZI

Kayumba Nyamwasa ari mu mazi abira nyuma yo gukurirwaho ubuhunzi yari yarahawe

Kayumba Nyamwasa ari mu mazi abira nyuma yo gukurirwaho ubuhunzi yari yarahawe
25-05-2017 saa 21:45' | By Chief Editor | Yasomwe n'abantu 16669 | Ibitekerezo 11

Nyuma y’uko itsinda ry’abahagarariye impunzi n’abimukira muri Afurika y’Epfo, ryatanze ikirego mu rukiko rw’ikirenga mu mwaka ushize wa 2016, risaba Leta ko yatesha agaciro ibyangombwa by’ubuhunzi byahawe General Kayumba Faustin Nyamwasa, kubera ibyaha byibasiye ikiremwamuntu akurikiranyweho, uru rukiko rwanzuye ko rutesheje agaciro ibyo byangombwa, kuburyo bishobora no kuba inzira yatuma atabwa muri yombi na Polisi mpuzamahanga agashyikirizwa ubutabera.

Iri tsinda ry’abahagarariye impunzi n’abimukira muri Afurika y’Epfo, ryari ryagaragaje ko ritifuza ko igihugu cya Afurika y’Epfo cyaba icumbi abanyabyaha bahungiramo bakajya kwidegembya. Kuregera urukiko rw’ikirenga kandi, byaje nyuma y’uko urukiko rukuru rwa Pretoria rwari rwanze iki cyifuzo.

Iri tsinda ryagiraga riti: "Nyamwasa ashinjwa ibyaha by’intambara yakoze mu Rwanda no muri Repubulika Iharanira Demokarasi ya Kongo, ibyo bikaba ari ibyaha yakoze ubwo yari umusirikare w’umugenerali mu ngabo z’u Rwanda, ubu akaba ashakishwa n’inkiko zo mu Bufaransa ngo aburanishwe kuri ibyo byaha mpuzamahanga. General Nyamwasa yahawe ibyangombwa by’ubuhunzi n’abayobozi ba Afurika y’Epfo, birengagije ko amategeko atemerera abakoze ibyaha by’intambara guhabwa ubuhunzi."

Urukiko rukuru rwa Pretoria, rwari rwagaragaje ko Nyamwasa yahawe ibyangombwa by’ubuhunzi bitewe n’uko abayobozi b’iki kihugu bari babonye ko ahigwa na Leta y’u Rwanda, bakanavuga ko iri tsinda rihagarariye impunzi n’abimukira ritigeze rigaragaza ibimenyetso bifatika byerekana ko ibyaha ashinjwa yaba yarabikoze. Gusa ibyakozwe n’urukiko rukuru byateshwejwe agaciro n’urukiko rusumba izindi muri iki gihugu, ari rwo rw’ikirenga rwanzuye ko Kayumba Nyamwasa akurirwaho ibyangombwa bimwemerera kuba impunzi.

JPEG - 401.3 kb

Kayumba Faustin Nyamwasa yigeze kuba umugaba mukuru w’ingabo z’u Rwanda aho yari afite ipeti rya Lieutenant General, nyuma aza guhagararira u Rwanda mu Buhinde ku mwanya wa ambasaderi, aho yavuye afata iy’ubuhungiro akerekeza muri Afurika y’Epfo.

Muri 2011, Lieutenant General Kayumba Nyamwasa yahamwe n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare. Yaburanishijwe adahari, akatirwa imyaka 24 y’igifungo. Afatanyije na bagenzi be barwanya Perezida Kagame n’ubutegetsi bwe, bashinze ishyaka RNC rirwanya byeruye ubutegetsi bw’u Rwanda.

Kugeza ubu nyuma yo gufatirwa icyemezo cyo kwamburwa ibyangombwa by’ubuhunzi, ntibiratangazwa niba Kayumba Nyamwasa azahita azanwa mu Rwanda ngo arangize igihano yahawe cyangwa niba azoherezwa mu Bufaransa ahari izindi nkiko zishaka kumukurikirana.


INKURU ZA :
Tanga Igitekerezo
Ibitekerezo 11
nabaasa allen Kuya 15-07-2017

Politics is tricky, we can’t tell which one is which none knows the truth there

kamana Kuya 28-05-2017

ariko yemwe isi ntisakaye koko !noneho na ba Rosa basubire France hhhh tuzi kwiruka imihanda gusa Rwamagana uyuwe se ko tutajya mumuhanda ntiyari nabi bose ndabirambiwe jye mbona haribindi bapfa

kamana Kuya 28-05-2017

ariko yemwe isi ntisakaye koko !noneho na ba Rosa basubire France hhhh tuzi kwiruka imihanda gusa Rwamagana uyuwe se ko tutajya mumuhanda ntiyari nabi bose ndabirambiwe jye mbona haribindi bapfa

emmy Kuya 28-05-2017

egoko!!!!! noneh kayumba azaza kuburanira mu Rwanda?

Niyongabo Prime Kuya 27-05-2017

Yarabikoz Nahanwe Arik Abacamanz Ntibahengam Kuk Umunyavyaha Yokwishur Ivyoyakozb

Amina Kuya 27-05-2017

Ahaaa Gusa iyi Si ni gatobe gatoki uwashaka yareka ibintu byerekeranye na Politics

ciza césar Kuya 27-05-2017

amakuru yanyu aradushimisha.hanyuma kuri kayumba nawe kazi amakosa yakoze nagaruke bamucire urubanza kuko amakosa yakoze ararengeye

Che Kuya 27-05-2017

None Kayumba ivyo bavuga yakoze muri Congo, yabikoze nkumusirikare yigenga canke yabikoze nkingabo y’urwanda.Bisigura ko nuwamutumye nawe azoca afatwa.Mbega yozanwa gufungirwa mu Rwanda agafungwa nabamutumye gukora ivyo vyaha nyene? Be realistic man

Che Kuya 27-05-2017

None Kayumba ivyo bavuga yakoze muri Congo, yabikoze nkumusirikare yigenga canke yabikoze nkingabo y’urwanda.Bisigura ko nuwamutumye nawe azoca afatwa.Mbega yozanwa gufungirwa mu Rwanda agafungwa nabamutumye gukora ivyo vyaha nyene? Be realistic man

uwayo Kuya 26-05-2017

ibi ni ibiki Koko ubu ni ukuvuga ko bya bintu by a bourguere bigifite agaciro ko ikibazo cyaba kigikomeye ni ukuvuga ko n’abandi bashinjwe muri ya ngirwa dosiye y’umufransa badashobora guhabwa ubuhungiro cg gutembera muri iyi si?

Halleluya Kuya 25-05-2017

Ndatangaye!!!!....muzi ko intambara yageze Ku MURYANGO koko!!!
Kayumba bamwimye ibyangombwa? Agomba gutaha mu RWANDA rero...

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA