konka coffee
KONKA

AMAKURU

UKWEZI

Kazaire Judith yahaye Guverineri wamusimbuye umukoro ku irigiswa ry’amafaranga ya VUP

Kazaire Judith yahaye Guverineri wamusimbuye umukoro ku irigiswa ry’amafaranga ya VUP
15-09-2017 saa 08:34' | By Akayezu Jean de Dieu | Yasomwe n'abantu 3921 | Ibitekerezo 4

Mu muhango w’ihererekanyabubasha hagati ya Guverineri ucyuye ikivi mu Ntara y’Uburasirazuba, Madamu Kazaire Judith ndetse na Mufulukye Fred uherutse kugirirwa icyizere na Perezida Kagame akaba ari nawe ugiye kuyobora iyi Ntara, Kazaire Judith wahoze ayobora iyi Ntara yabwiye ugiye umusimbuye ko ibibazo by’ingutu akwiye guheraho ashakira umuti ari amafaranga agenerwa abatishoboye ariko ahanini yagera mu bayobozi b’inzego z’ibanze bakayarigisa atageze ku bo yagenewe

Madamu Kazaire Judith wari umaze amezi 11 ayobora iyi Ntara y’Uburasirazuba dore ko yahageze mu kwezi k’Ukwakira 2016, yavuzwe imyato n’abo bakoranye gusa nawe ahamya ko impamvu yamuteye kugera kuri ibyo byose ari ubufatanye bwiza yagiranye n’inzego z’ibanze zagerageje kumuba hafi. Akaba yashimiye na Perezida Kagame wamugiriye icyizere cyo kuyobora iyi Ntara cyane ko yahungukiye byinshi. Yanashimiye Umurango wa RPF Inkotanyi abarizwamo nawo wamutoje kuba umuyobozi usohoza inshingano yahawe ari nayo mpamvu azakomeza gukorera igihugu mu buzima busanzwe agiyemo.

Kazaire Judith yavuze kandi ko mu mbogamizi yahuye nazo kuva yagera muri iyi Ntara harimo amapfa, umutekano mucye wakunze kuvugwa muri iyi Ntara dore ko ari nayo kugeza ubu iri ku mwanya wa mbere mu kugaragaramo ibyaha byinshi, ariko ku rundi ruhande ashimangira ko yagerageje gufatanya n’abo bayoboranaga mu kwegera abaturage ari nabyo yakanguriye uyu Fred uje kumusimbura kuri iyi mirimo.

Madame Judith kandi yabwiye umusimbuye ko hari ikindi kibazo cy’ingutu gikunze kugaragara mu nzego z’ibanze aho usanga hari inkunga iba yaragenewe abatishoboye irimo VUP n’ingoboka ariko ayo mafaranga akaba agera mu bayobozi bo hasi bakayakoresha mu nyungu zabo ntabashe kugera ku bo yagenewe.

Judit yagize ati “Hari gahunda nziza Leta rwose yageneye abaturage zirimo VUP, ubudehe n’ibindi ariko imbogamizi mbonamo twageragezaga gukurikirana, na Nyakubahwa Guverineri mushya asanzwe azi azakomeza gukurikirana, ni uko ariya mafaranga ntabwo turagera ku rugero rwiza rwo kuvuga ngo ubwo bufasha bwose buza bugera ku baturage bwagenewe kandi muby’ukiri Leta yo iba yashoyemo amafaranga ariko abashinzwe kuyageza kubo yagenewe baracyari ikibazo”
Madamu Kazaire Judith wahoze ari Guverineri w’Intara y’Uburasirazuba yahawe impano n’abo bakoranaga bamuvuga imyato kubw’umurava n’ubwitange yagiraga mu kazi

Guverineri Mufulukye yavuze ko icyo azitaho mu mirimo yahawe na Perezida Kagame azagerageza gukorana neza n’abo bafatanyije kuyobora cyane ko yari asanzwe aba muri Ministeri y’ubutegetsi bw’igihugu n’ubundi asanzwe amenyereye iyi mirimo yahawe.

Umunyamabanga wa Leta muri Minisiteri y’ubutegetsi bw’igihugu, Madamu Mukabaramba Alverra nawe wari witabiriye uyu muhango wabaye kuri uyu wa Kane tariki 14 Nzeri 2017, yashimiye Kazaire Judith wahoze ari Guverineri ku nzira nziza y’iterambere yagejeje kuri iyi Ntara ndetse n’uburyo yabashije guhanagana n’inzitizi yahuye nazo zirimo amapfa yasanze yarazengereje iyi Ntara n’ibindi bibazo byinshi yabashije gushakira ibisubizo. Mukabaramba yanamushimiye kandi kubw’imyitwaire myiza yaranze iyi Ntara mu matora ya Perezida wa Repubulika yabaye muri Kanama.

Yagize ati “Ibyo nashimira Guverineri ucyuye ikivi ni byinshi ariko ngirango nsabe namwe mwese abayobozi muri hano imbaraga mwakoresheje mu bihe by’amatora abe ari zo mukoresha ubundi tujye mu iterambere

Minisitiri Mukabaramba kandi yibukije Guverineri mushya w’Intara y’Uburasirazuba ko agomba kwita cyane ku baturage akamenya ko ari bo akorera akita no ku gukemura ibibazo byabo afatanyije n’abayobozi b’inzego z’ibanze. Mufulukye Fred, Guverineri mushya w’intara y’Uburasirazuba, Umunyamaganga wa Leta muri MINALOC, Madamu Mukabaramba Alverra(hagati) na Kazaire Judith wari Guverineri w’Uburasirazuba




INKURU ZA :
Tanga Igitekerezo
Ibitekerezo 4
Kalisa Kuya 16-09-2017

Bambi Judith warakoze kukazi keza ukoze muri eastern province, nomumamatora yagenze neza ndetse nibindi byinshi

Imana izakurinde

Kalisa Kuya 16-09-2017

Bambi Judith warakoze kukazi keza ukoze muri eastern province, nomumamatora yagenze neza ndetse nibindi byinshi

Imana izakurinde

Karim Kuya 15-09-2017

Judith yari umuyobozi mwiza ushyira mu gaciro nukuri tumwifurije ibyiza n’imigisha

Papa Raissa Kuya 15-09-2017

Ngewe nakunze uburyo uyu mudamu ashishoza, agira igitsure ku bayobozi bafatanyaga kuyobora. muby’ukuri Intara y’uburasirauba ihombye umuyobozi mwiza gusa na HE arashishoza cyane twizeye ko hari indi mirimo amuhishiye n’ubundi akomeze yubake igihugu kuko abifitiye umutima kandi arabishoboye. Murakoza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...