konka coffee
KONKA

AMAKURU

UKWEZI

Kigali: Barafinda yagiye gusinyisha biteza umuvundo Polisi irahagoboka (Amafoto na Video)

Kigali: Barafinda yagiye gusinyisha biteza umuvundo Polisi irahagoboka (Amafoto na Video)
28-06-2017 saa 18:39' | By Vincent Nsengiyumva | Yasomwe n'abantu 32527 | Ibitekerezo 13

Ku gicamunsi cyo kuri uyu wa Gatatu tariki ya 28 Kamena 2017, Barafinda Sekikubo Fred ushaka kwiyamamariza umwanya wa Perezida w’igihugu, yasesekaye i Nyarugenge agiye gushaka abamusinyira biteza umuvundo n’akavuyo Polisi imuta muri yombi umwanya muto kugirango ihoshe uwo muvundo.

Barafinda wari witwaje ivarisi ntoya ndetse n’ibipapuro mu ntoki, akigera mu mujyi wa Kigali ahazwi nko muri Mateus, abantu benshi bavuye mu byo barimo baramushungera [dore ko benshi bari bafite amatsiko yo kumumenya] ku buryo bafunze imihanda maze ibinyabiziga bibura aho binyura.

Barafinda wakoreshaga amagambo yumvikana nko gutebya ndetse no gusetsa abari bamushungereye, yavugaga ko kuba ataratanga ibyangombwa bye muri Komisiyo y’amatora ngo bitamuteye ikibazo na gito kuko ngo agomba kubikora gahoro gahoro kandi ngo akaba azabatsinda bose bakayoberwa uko bigenze.

Yagize ati “ Njye ngenda buhoro ariko nkaba ndasa ku ntego. Urabona ko nkunzwe cyane kandi naje nk’umukandida utunguranye mu gihe bo bamaze imyaka myinshi mu rubuga rwa politike. Ahubwo buriya bitege ko nzabatsinda igitego cy’umutwe n’icyo hasi kandi mfite amahirwe yo gutsinda agera kuri 600%.”

Abantu bari benshi cyane baje kwirebera Barafinda ushaka kuba Perezida

Barafinda ugaragaza imvugo yuzuyemo icyzere kidasanzwe yavugaga ko kuba baratangaje urutonde rw’abemerewe kandidatire zabo ngo we ntacyo bimubwiye kuko ngo ibyatangajwe ari urutonde rw’agateganyo.

Yagize ati “Abo muvuga bose nta n’umwe wari wemezwa kuko ni iby’agateganyo. Kwemeza burundu ni ku itariki 7 twe turacyegeranya ibimenyetso by’intsinzi yacu y’Abanyarwanda tuzabitanga ku itariki 6 noneho amateka yiyandike atyo.”

Yanavuze ko icyatumye atinda kugeza ibyangombwa bye kuri Komisiyo, ari uko yari yabanje kuzenguruka mu turere dutandukanye ashaka abamusinyira akaba yarababonye kandi ngo abantu banamwakiraga neza. Aha avuga ko abo asigaje gusinyishaho ari abo mu mujyi wa Kigali.

Nyuma yo kuva muri Mateus, Barafinda yerekeje muri gare aho yagendaga ashishikariza abantu kumusinyira, nibwo polisi ikorera muri iyi gare yaje kuba imujyanye mu biro ikoreramo kugirango ihoshe umuvundo w’abantu bari bamushungereye maze baza kumurekura abantu bamaze kugenda.

Mu minsi ishize, Sekikubo Barafinda Fred yabwiye ikinyamakuru Ukwezi.com ko yigeze kujyanwa mu bitaro by’abarwayi bo mu mutwe by’i Ndera, ariko ngo byari akagambane kuburyo n’imiti bamuhaga yanze kuyinywa, akajya ashuka abaganga ko yayinyweye akayijugunya.

Yagize ati: "Nazize ubwenge ubwenge bwanjye, bari barangambaniye kuko abantu babona umutwe mfite w’akataraboneka bagashaka ko umutwe wanjye waba uwabo. Iyo miti rero barayimpaga nkayijugunya. Nari kuyinywa se? Nari ndwaye se? Ubuse ko ntanywa iyo miti ubona hari icyo nabaye? Niba nshobora kuyobora abarwanashaka banjye barenga miliyoni icyenda..."

REBA VIDEO HANO BARAFINDA ARI MU MUJYI:

Impapuro ziriho urutonde rw’abamaze kumusinyira Barafinda agikandagira muri gare yo mu mujyi abantu batangiye kumushungera Polisi ihita ihagoboka imujyana ku biro byayo


INKURU ZA :
Tanga Igitekerezo
Ibitekerezo 13
Ubufindo Kuya 2-07-2017

Uyu nugabo arasetsa ariko ku umuntu uzi kwanaliza mu mvange y’ibitekerezo bye harimo ibyo Leta igomba kwitaho byinshi bikazashyirwa mu ngiro. Ibintu byose abisubiza nk’imashini bakiritseho. Njye aho yansanga hose namusinyira. Ikibazo nawe bizagera le 06 avuge ngo abamushyigikiye bose amajwi bayahe Pahulo. Ni Trump ubura back up. Hahahahahahah

ngwino Kuya 2-07-2017

naze tumusinyire ntakibazo arebeko bamwemera

bmb rugam Kuya 30-06-2017

ahaaaaa! numva kumufunga ataribyo

ndumunyarwanda Kuya 30-06-2017

aliko nkabona ya raporo mpuzamahanga yaradushize kumyanya yambere yibihugu bifitabaturage bishimye, uRwanda ruduha uburyo bwose bwokuishimisha nokuinezeza rukarenzurugero pe, muzarugayibindi nahwibyo kudushimisha byo ntawutabifiye uburenganzira, ubishatsewese akora agakoryo ke rwose ntamususu niyoyabari umusazi uvuyindera, maze buliwese akishima tugasunikimisi, erega ubushakashatsi bwagaragajeko guseka bitwongerera imyaka, ahoho rwose uRwanda nurwambere

Rugugura Kuya 30-06-2017

Barafinda araganira bya hatari.
Gusa ni UMUHANGA iyo avuga anagamo akantu,agaseka ariko yakubwiriyemo.mperutse kumusanga kanombe bamugose da!

Barafinda Kuya 29-06-2017

ewana niba hari Kanyombya mushya nabonye ni Barafinda, aransetse nkatembagara, nsigaye nica akazi ndikumva Barafinda kuri YouTube, bazambabarire bamureke yiyamamaze nubwo ataba yujuje ibisabwa ni byendagusetsa nezaneza iba yigendera mumuhanda, wagirango ni ka mr bean!

Amazina Kuya 29-06-2017

Ni gute abantu bakunda byacitse, bakirirwa biruka inyuma y’umurwayi wo mu muitwe?

Nziza Kuya 29-06-2017

Barafinda yahohotewe na police rwose. Aho kumufunga bagombaga kumurinda kuko igikorwa arimo kizwi. Nonese nakomeza gufungwa ngo yateje impagarara iyo mikono azayibona yasanze buri muntu iwe mu rugo??? Ubundi mumureke nanjye nzamusintira ariko sinzamutora.

rudomoro Kuya 29-06-2017

Ahubwo aho umuyobozi yagiye cg nundi mu star wese ko rubanda rushika wamugani, police kwabandi itabajyana ubwo mwambwira Barafinda baramujyaniye iki, murumva ntakabazo tekinike karimo mwebwe!!! Ubwose ko azajya ajya yiyamamaza rubanda ruzajya ruhurura, police izajya ihora imufunga? Mumbwire uko mubyumva aha kweli, YAJYANIWE IKI???????????????

kabisa Kuya 29-06-2017

iyo barafinda mubona nari kumusinyira rwose arashimisha PE!

Ntakirutimana ERIC Kuya 29-06-2017

Nyamara Brafinda wabona atsinze amatora akayobora Urwa Gasabo na Trump nuko bavugaga ngo n’umurwayi wo mu mutwe ariko byarangiye atsinze cliton bari bahanganye(nabasaba kwitonda tutazisanga umusaza wacu bamuciyeho kandi ibyo yadukoreye ntagererankwa murabizi twese abanyarwanda)
ibintu bihera munzenya bikageraho bikanya muburyo.

Gasore Kuya 29-06-2017

Ariko barafinda n’igitangazarwose. Ni umunyarwenya iyo mubona ejo mbanaramusinyiye akirwariza. Ndifuzako yabona ibyangombwa bisabwa nkazumva uko aziyamamaza.

biraje Kuya 29-06-2017

Ahubwo yatangiye kubayobora,simbona aho umuyobozi yagiye rubanda rushika!!!!!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...