konka coffee
KONKA

AMAKURU

UKWEZI

Kigeli naza Kagame agakomeza kuba Perezida u Rwanda ruzabona ishyano - Ezra Mpyisi

Kigeli naza Kagame agakomeza kuba Perezida u Rwanda ruzabona ishyano - Ezra Mpyisi
26-07-2016 saa 12:42' | By Chief Editor | Yasomwe n'abantu 25093 | Ibitekerezo 26

Pasiteri Ezra Mpyisi wabanye cyane n’abami ndetse akaba aziranye bihagije n’umwami Kigeli V Ndahindurwa, ashimangira ko mu gihe uyu mwami yaramuka atahutse mu Rwanda ntajye ku ngoma ahubwo agataha nka rubanda Perezida Kagame agakomeza kuyobora igihugu, byaba ari amahano ashobora gutumwa igihigu cy’u Rwanda kibona ishyano.

Kigeli V Ndahindurwa, niwe mwami wa nyuma u Rwanda rwagize mu mateka yarwo, ni we ingoma ya cyami yarangiriyeho ndetse ninawe mwami w’u Rwanda kugeza ubu ukiri ku isi, aho aba muri Leta Zunze Ubumwe za Amerika. Yahunze ari umwami kandi nta wundi mwami wamusimbuye ko hahise himikwa ubutegetsi bushingiye kuri Repubulika. Ubu Kigeli afite imyaka y’amavuko 80, ariko aracyari ingaragu kandi yiyemeje kugwa mu mahanga ngo adateza u Rwanda ibyago nk’uko byemezwa na Pasiteri Ezra Mpyisi.

Pasiteri Ezra Mpyisi w’imyaka 94 y’amavuko, ni umwe mu bavugabutumwa bakomeye kandi bafite amateka mu itorero ry’Abadivantisiti b’umunsi wa Karindwi, ariko ikirenze ibyo anafite ubunararibonye mu by’amateka y’u Rwanda n’iby’ingoma ya cyami by’umwihariko, kuko yari n’umujyanama w’umwami Mutara III Rudahigwa wasimbuwe n’uyu Kigeli V Ndahindurwa.

Mu kiganiro yagiranye n’ikinyamakuru Ukwezi.com, Pasiteri Ezra Mpyisi yashimangiye ko Umwami Kigeli V Ndahindurwa yemeye akagira imyaka 80 ari ingaragu kandi akemera kuguma mu mahanga afite iwabo, yirinda gukora ikintu cyazatuma u Rwanda rubona ishyano rikomeye.

Ku bijyanye no kwanga gushaka, Pasiteri Ezra Mpyisi avuga ko Kigeli V Ndahindurwa yanze gushaka umugore ari mu mahanga kandi kizira mu muco nyarwanda, kandi ko mu gihe yari gushaka umugore ari mu mahanga, nta kabuza u Rwanda rwari guhura n’ibyago bikomeye cyane. Ibi avuga ko banabiganiriyeho ahagana mu 1970 ubwo Kigeli yabaga muri Uganda, akamugira inama yo kuguma ari ingaragu aho guhemukira u Rwanda.

Ku bijyanye no kuba uyu mwami yataha, Pasiteri Ezra Mpyisi avuga ko kizira cyane kuba umwami yataha mu gihugu ameze nka rubanda kandi yarahunze ari umwami akaba atarigeze anasimburwa, bityo avuga ko yataha ari uko Perezida Paul Kagame azamubera Minisitiri w’Intebe akayobora nk’umunyapolitiki naho Kigeli akibera umwami uganje. Aha atanga urugero mu bihugu nk’u Bwongereza n’u Buholandi aho umwami atajya anavugwa na rimwe mu bya politiki, ariko nanone agasanga ibi mu Rwanda bitakunda kuko himitswe Repubulika.

JPEG - 37.2 kb

Mpyisi kandi avuga ko ibyo gutaha yabiganiriye na Kigeli V Ndahindurwa ubwo yamusangaga muri Amerika mu minsi ishize, akamugira inama ebyiri, imwe akayimugira nk’umunyarwanda wubaha umuco na kirazira, indi akayimugira nka Pasiteri. Mpyisi ati: "Namugiriye inama ebyiri ngo yihitiremo. Nka Pasiteri namubwiye ko yakwitahira mu Rwanda kuko nta cyaha kirimo ku Mana, ariko nk’umunyarwanda uzi kandi wubaha iby’umuco mubwira ko yareka akazagwa mu mahanga kuko atashye yaba ahemukiye igihugu nk’umuntu uzi ko kizira gutaha nka rubanda yarahunze ari umwami, hanyuma ndamubwira ngo ahitemo."

JPEG - 85.4 kb

Ezra Mpyisi yagiye agira inama umwami Kigeli V Ndahindurwa

Pasiteri Ezra Mpyisi avuga ko Kigeli akomeye cyane ku muco kandi adashaka ko u Rwanda rubona ishyano bitewe nawe, bityo nk’uko yemeye kwibabaza ntashake umugore akaba agize imyaka 80 ari ingaragu, akaba n’ubundi yariyemeje kuzaguma mu mahanga akagwayo aho gutatira igihango.

Ese umwami Kigeli ni muntu ki?

Tariki 29 Kamena 1936, nibwo umwami Yuhi V Musinga yabyaye umwana w’umuhungu, amwita Ndahindurwa Jean Baptiste. Jean Baptiste Ndahindurwa yavukiye i Kamembe mu burengerazuba bw’u Rwanda, gusa mu 1944, Se umubyara Yuhi V Musinga yapfiriye mu buhungiro nyuma yo guhirikwa n’ababiligi agasimburwa ku ngoma na Mutara III Rudahigwa. Icyo gihe Musinga apfa, Ndahindurwa yari umwana muto w’imyaka 8 gusa y’amavuko.

JPEG - 42.6 kb

Nyuma y’urupfu rutunguranye rw’umwami Mutara III Rudahigwa, Jean Baptiste yahise yimikwa aba umwami w’u Rwanda, ahita afata izina rya Kigeli V Ndahindurwa. Icyo gihe yari akiri umusore muto w’imyaka 23 y’amavuko kandi yari atarashaka. Yabaye umwami kuva tariki 25 Nyakanga 1959, kugeza tariki 28 Mutarama 1961, ubwo yahirikanwaga n’ingoma ya cyami, muri kudeta bamukoreye bahengereye yagiye i Kinshasa aho yagombaga kubonana n’Umunyamabanga mukuru w’Umuryango w’Abibumbye, maze Mbonyumutwa Dominique afatanyije n’agatsiko ke ndetse banashyigikiwe n’abakoloni b’ababiligi, bamuvana ku ngoma bahita banasezerera burundu ingoma ya cyami maze himikwa ubutegetsi bushingiye kuri Repubulika.

Kigeli V Ndahindurwa yahise ahungira mu cyahoze ari Tanganyika (Tanzania y’ubu), aho yabaga mu mujyi wa Dar Es Salaam. Nyuma yanabaye i Kampala n’i Nairobi, nyuma aza guhungira muri Leta Zunze Ubumwe za Amerika aho yanahawe ibyangombwa nk’impunzi ya Politiki mu 1992, kuva ubwo akaba yibera hafi y’umujyi wa Washington DC. Ku myaka ye 80, byumvikana neza ko ntabamukomokaho kuko yanze gushakira mu muhanga kuko cyaziraga mu muco nyarwanda.


INKURU ZA :
Tanga Igitekerezo
Ibitekerezo 26
Elise de Dieu Kuya 30-09-2016

Il faut trouner la langeu 7 fois avant de parles
kuko uyu musaza yabaciriye amarenga, wa mugani aramutse aje mwumva nta kintu kidasanzwe cyaba nyamara iryamukuru riratinda, kandi ntirizinduka,

rugondo Kuya 29-09-2016

Muzehe mpyisi afite ubweng mwabantu mwe ibyo yavuze nukuri kuko umwami yavuye mugihungu aru mwami ntagomba
gutaha nkumuntu usazwe
njewe ndunva bamugaruye agahabwe
ubwami ntacyo byaba bitwaye
Kuko na uganda nkungoma ya abote

yirukanye abami museveni agiye kungoma
agarura abami abaha icyubahiro cyabo
Kandi name aguma ari president
Nakagame ibashatse byagenda nkibya yuganda
ashiraho abamiabomination

Natacha Kuya 23-09-2016

Iyo mbonye Muzehe Mpyisi buri gihe ndavuga ngo gusaza neza ni byiza. Muzehe, ujye uvuga ibyo wishakiye, dore wabaye imfura mu buzima bwawe bwose.

mahoro Kuya 31-07-2016

AHAAA,BYOSE BIHIMWA NO GUSENGA .

Jean Kerry Kuya 30-07-2016

Ibi byose barabivugishwa ni uko babonye aho rugeze "u RWANDA" Mbese cya gihe bari bari hehe? ibifu byabo bihaze amatunda y’igihugu none bibagiwe akashize! !! "Ni akumiro" Vive le RWANDA, VIVE Paul KAGAME. Ese ubundi abamwita impunzi murabikura hehe? KAGAME yaciye ubuhunzi nta munyarwanda w’impunzi tugira. Rero Kigeli nako Jean Baptiste uyu natahe aze RSSB impuhe imperekeza z’izabukuru yisazire neza naho aho ari si m’ubuhungiro ahubwo buri munywarwanda wese afite uburengazira bwo kujya,kuba no gutura aho ashatse ndetse no kugira ubwenegihugu"nationality" burenze bumwe rero nashaka azagwe n’iyo mu mahanga ntacyo bitwara u RWATUBYAYE kuko si we mwenewacu"umunyarwanda" wa mbere cg uwa nyuma uzaba aguyeyo kandi bagwayo tugatabara nta shyano ribaye. Kandi ntibibeshye ko aho bari naho nta Rwanda
ruharikuko aho uzajya hose uzahasanga u Rwanda. Rero we n’abajyanama be niberure bavuge kandi bemere ko Rwanda ari nziza hantuma bemere batahe cg basabe ubundi bwenegihugu bareke gusabiriza ngo ni impunzi kandi nra mpuzi y’umunyarwanda niberire ahubwo batubwire niba bari muashyamba noneho nabo tubasabe gutaha ku ituze wa mugani wa ya ndirimbo y’umuhanzi naho ubundi nibaza ku ngufu "tuzabonaba". Bifuzaga ko rusibangana ku ikarita y’isi baratsindwa none bababajwe nuko ruri ku isonga ku isi. Jya mbere Paul Kagame, Tera imbere Rwanda yacu uduhetse twese abanyarwanda m’abadushyigikiye. Naho imitini itatoha, inzabibu ntizere imbuto n’amashyo agashira mu biraro, usibye ko Rurema atanabyemera ko abanyarwanda tubibura, nta kizabuza Rwanda yacu

kubaRwandanziza.Tuzayubaka tuyisigasire nibashaka baziyahure.

RWANDA rero niyeruru

Nkundurwanda Kuya 28-07-2016

Nibareke kwitwaza ishyano cyangwa mpyisi ese aguye mumahanga. Byonyine
Byabashimisha ese mwamuretse akaba umwami asigaje se iminsi ingahe atashye ngira yamara umwaka umwe 2017 mumureke aze arongore hanyuma yipfire

Marshall Kuya 28-07-2016

ubundi c ishyano rirenze iryabaye 1994 nirihe ? irirenze iryabaye 1959 nirihe aho abavandimwe incuti bazize uko bavutse ubwo nirihe ? niba ahisemo kugwa ishyanga biramureba niyemere atahe nka rubanda tumuhe icyubahiro cye nkumwami ibindi abireke

ladislas Kuya 28-07-2016

hhhhh! gutaha nkarubanda gusa! atarataha nkwimfugwa! yataha atataha yabyara atabyara ibyo biramureba ntashyano yagwisha! kuko ubu twamenye yesu wadupfiriye naho yaturoga ntacyo twaba! kandi abatutsi twabonye amashyano menshi ntadukange twishwe arebahe niyagaramye arya inyama america kagame yaratubohoye ubu niwe mwami wacu hanyuma mpyisi we ajye muri maison de retraite asange abandi basaza

inigo Kuya 28-07-2016

Abantu batagira ubwenge baragwira ubwose kigeli niwe ujeguhindura ibyumusaza nyakubahwa kagame agejeje kurwanda? Ubuse ibyaba birenze jenocide nibihe? Amasasu turayafite intwaro zakirimbuzi zirahari tuzica uturwanya.

Pierre Ndolimana Kuya 27-07-2016

Ahubwo umenya Umwami yarashakiye umugore mu mahanga ariko akabikora mw’ibanga ntihagire urabukwa.

None se namwe mumbwire:
- Amahano aruta ayagwiriye u Rwanda kuva mu kwakira 1990 ubwo abana b’u Rwanda bafataga imbunda bakemeza gushoza urugamba no kumena amaraso y’abandi banyarwanda,
- Amahano yatumye muri 1993 hari hari abantu barenga ibihumbi 300 kuri Nyacyonga mu nkengero z’umugi wa Kigali, bari barakuwe mu byabo n’iyo ntambara, amahano yatumye abantu basaga miliyoni bicwa bazira ko bavutse bitwa abatutsi cyangwa ko bashyigikiye ingabo zitirirwaga ubwo bwoko,
- Amahano yatumye abantu basaga miliyoni basiga ibyabo byose bagahungira mu cyahoze cyitwa Zaire na Tanzaniya,

Andi mahano azaza aruta ayo, uretse ayo twumva azaba mbere yo kugaruka kwa Yesu, ayo mahano yandi ni ayahe.

Ahubwo ishyano ryaraguye ribura gihanura. Aho umukuru w’igihugu ahamagaza ibyegera bye akabyemeza ko ari ibicucu bigakoma amashyi. Urwanda nta undi mwami rukeneye kuko ruramufite utanavugurzwa, nubwo batamwita Nyagasani bakamwita nyakubahwa.

UMWAMI U RWANDA RUKENEYE NI UMWAMI UTWARA ABAMI, UMWAMI W’AMAHORO, MAZE ABO BA MPYISI, GITWAZA, RWANDAMURA N’ABANDI BAGATOZA ABANYARWANDA KUMUKURIKIRA.

Naho ibyo Pastor Mpyisi avuga byo ni byabindi tumenyereye: Gucyeza uwimye.

Ndumiwe Kuya 27-07-2016

Ndatunguwe pe? Gusaza ni ugusahurwa rwose! Ngaho azatahe nka Rubanda ndebe icyo mba! Nawe afite umujyanama ntagasekwe! Kiriziya yakuye kirazira kdi ga ubuyobozi bwahagaritse Genocide bwabasha no guhangana n’ayo mahano!

Ruhago Kuya 27-07-2016

UMUSAZA WESE ARARONDOGORA. ABAKIRI BATO RERO MWEKUBASEBYA AHUBWO MUBUBAHE MUBUSAZA BWABO. BACA UMUGANI NGO MURUMUNA WUMUSAZA NUMUSORE. EJO NIMWE MUZABA MUVUGA AMAGAMBO NKAYA. PYISI. KIGELI. MUGABE. M7 WICARA MUMUHANDA AGATEREFONA. NABANDI

copy Kuya 27-07-2016

hahahaaa, aba basaza rwose n’abanyagipindi.

Kakinzayi Kuya 27-07-2016

Kigeli V natahuke vuba inkiko zimucire urubanza mubyo yakoze byo kwicisha abanyapolitike iwe Inyanza: "Gouvernemen belge, "PEUPLE-VOIT", nous vous traduisons Kigeli V Ndahindurwa, mwami qui a lancé des expéditions militaires qui ont provoqué la mort de plusieurs banyarwanda, brûlé les huttes de plusieurs individus au Rwanda, provoqué les pillages de plusieurs objets au Rwanda, favorisé les troubles au Rwanda (...) "peut- être la paix ne reviendra-t-elle jamais au Rwanda, tant que ce procès de Kigeli V, la royauté de leur tambour sanguinaire, leur code ésotérique dynastique , la paix ne reviendra donc pas tant que le procès concernant tout cela reste pendant"( La Lettre de Peuple-Voit Rétrospective Marcel Pochet Documents d’archives pour servir àl’histoire" p.122 Editions Sources du Nil

Natal Kuya 27-07-2016

Isi tugezemo ntawe ukwiriye kugukanga ngo uzabona ibyago. Ishyano rihe se? Ibintu nk’ibyo n’inyaku... byavuyeho kera!!

ilde5 Kuya 27-07-2016

uyu philosophe,pasteur, professeur,, ezira mpyisi niwe munyabwenge urwanda rusigaranye. abantu muvugango arashaje mubikurahe? professeur asaza ate KO ahubwo ubwenge bwiyongera_ yarize az’umuco,azin’ibyamahanga. ntavugishwa ninda nkabamwe kuko yarihaye.ntiyagwir’inda kuko imyak’afite iry’atatemye yara ritutiye

kiki Kuya 27-07-2016

ntimukansetse, none se muzeyi mpyisi yanditse ibye mwimusubiza nabi ahubwo twakwibaza tuti nabaza muzeyio mpyisi ko ntamwami wahungaga no we ko yahunze? ishyano rirenze iryo nirihe? mugire inama ashake rero asige umuryango doreko ashaje kuko ntiyabura umubyarira naho ibyo gutaha natahe rwose i rwanda namahoro aze nkumwami ahabwe ibigomba abami naho abazuye urwanda abareke bakomeze baruyobore ubuse uganda hariyo abami bake ntibabanye neza se na museven natuze kuba harabayeho guhunga nanemere abyare anatahuke cyangwa se amahitamo naye ubwo azagwe imahanga atanashatse ntakundi . naho ibyo kubona ishyano ryakabaye ryarabonye abatumye ahunga

ikukuri kato Kuya 27-07-2016

Biratangaje cyane kubona umuntu witwa ko akorera UWITEKA cyangwa wamukoreye akomeza kurangaza abanyarwanda.

Babeshyaga ko abami bavukana imbuto nyuma biza kuvumburwa ko ari amafindi ya ba rutemayeze.

None uwo witwa Psteur atangiye avuga ko umwami atashye haba amahano.
Sinzi icyo Kagame ategereje ngo ahane uwo muhanuzi w’ibinyoma.
nako ngo nuko ari mubajyanama ba Karinga

hatari Kuya 27-07-2016

Uyu musaza avuga ibintu muri philosophie ntimwapfa kubyumva mutari aba philosophe cg se mutari inararibonye muri politics, wibwira ko aramutse atashye byakoroha, ubwo se mutekereza ko nta bantu bamushyigikiye bahari, ishyano rya jenocide ryarabaye, kandi aramutse atashye ari umwami hashobora kuba ibirenze ibyo kubera plotoque. Mujye mubanza gusesengura mbere yo kuvuga

IMANISHIMWE ERIZABETH Kuya 27-07-2016

ARIKOYE IRYO NITERABWOBA ESE ABONA ABANYA RWANDA TUTAZI AHOTUGANA KUBURYO YATUJYANA ADUSHOREYE NKINKA NATAHE NAWUMUBUJIJE ARIKO MUREKE KUDUSHYIRAHO ITERABWOBA KAGAME WACU NAWUTEZE KUMUSIMBURA KUKO NAWUNDI UMEZE NKAWE UBAHO IBYOKUVUGARERONGO ATASHYENGO NAKOMEZE NGO AYOBORE IBYO NAWABIMWEMERERA KUKO ABANYA RWANDA TWARAJIJUTSE NAWUGOMBA KUDUHITIRAMO ICYITUBEREYE TWEBWE UBWACU NITWEBWE TUZI IBYO DUSHAKA KUGERAHO NYAKUBAHWA KAGAME WACU AZAHORA KWISONGA AHUBWO TUMURAGIJE RUREMA NGO AMWONJYERERE IMBARAGA MAZE URWANDA RWACU RURUSHEHO KUBA RWIZA.

mabonz Kuya 27-07-2016

aha mpyisi ashaje arimpyisi uziko dufite za mpyisi ijana zakoreka igihugu ?

HABYARIMANA MOUSSA Kuya 27-07-2016

RUKARA ETI ESE PADIR KO WAJE KUVUGA IJAMBO RY IMANA IVYA KA NYA RWANDA NA RWANDA UBYITAYEMWO GUTE ,,,,,,,, uyu muzehe na bible ong politique yake nawona kama amevaa miwani sasa eti urwanda ruzabona ishano ?????? KUMBE IZO NDARUBINDI YA MBAYE MUMASO AHISE ABA IMBONERA KURE NKIZI BURUNDI ,,???? ABONYI ISHANO ????? NANJE NA ABANDI BANYA RWANDA NIMBA AKUNDA ABANTU EJO NATWEREKE ISHANO NATWE TURIBONE NIMBA IMANA YIWE ARIYO YACU ,,,,??KO ARIWE WENYENE ITANGAJE SHANO ARISOMYE MULI BIBLE NABIBWIRE VATCAN PATRON YIWE ??? NGAYI NA BOYI TE KOKO OYO AZA NA MAYELI YA BIBLE ASALA NA BIBLE AKO LUKA MOSALA YA MAYELI YA PAMBA LELO EZA 1959 TE

Agnes Murebwayire Kuya 26-07-2016

Abatigerera ibwami babeshywa byinshi koko! Ngo Kigeli Ndahindurwa atashye atari umwami u Rwanda rwagusha ishyano nk’aho hari irindi Ishyano rirenze gutsemba.

Ikindi mbona Kigeli yaragowe niba abamugira inama ari bene ibi bamubwira bitwaje icyuka cyiswe " umuco nyarwanda na kirazira".

Ni ukubyitondera!

Nathan Kuya 26-07-2016

Ubundi se ibyago birenze Jenocide ni ibihe?

Ruhago Kuya 26-07-2016

UYU MUPASTOR ARASHAJE. NGO. GUTAHA NTACYAHA KUMANA KANDI URWANDA RWABONISHYANO ARAMUTSE ATASHYE ???? .

umuntu Kuya 26-07-2016

karabaye noneho uliya muntu se mwamuretse agataha amahoro agataha i rwanda aliya mahano yose akayasibanganya abanyarwanda bakarya bakaryama nta nkomanga kumitima yabo mbese ko yihanagniye ibintu byose mwagerageje kumufasha muburyo yifuza gutahamo ko namwe yabafashije kugera kuli byinshi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...