konka coffee
KONKA

AMAKURU

UKWEZI

Ubujurire bwa Kizito Mihigo bwatesheje agaciro imbabazi yasabaga Perezida Kagame

Ubujurire bwa Kizito Mihigo bwatesheje agaciro imbabazi yasabaga Perezida Kagame
13-07-2016 saa 08:46' | By Chief Editor | Yasomwe n'abantu 14893 | Ibitekerezo 12

Nyuma yo gukatirwa imyaka 10 y’igifungo azira ibyaha bitatu birimo kurema umutwe w’iterabwoba, kugambirira kugirira nabi ubutegetsi buriho n’icyaha cyo gucura umugambi w’ubwicanyi, Kizito Mihigo yahise ajuririra iki gihano mu rukiko rw’ikirenga. N’ubwo yakomeje kwemera ibyaha no gusaba ko Perezida Kagame yamubabarira, kuva yakatirwa kugeza ubu ntabwo amategeko aremera ko izi mbabazi yazihabwa.

Tariki 27 Gashyantare 2015, nibwo Kizito Mihigo yakatiwe igifungo cy’imyaka 10, igihano byanavuzwe ko ari gito kuko yemeye ibyaha akanabisabira imbabazi. Ubwo Kizito Mihigo yagezwaga bwa mbere imbere y’urukiko, yahise yemera ibyaha byose aregwa ndetse aboneraho no gusaba imbabazi umukuru w’igihugu.

JPEG - 55.1 kb

Icyo gihe yagize ati: “Nsabye imbabazi. Nzi ko igihugu cyacu kiyoborwa n’abantu bafite umutima ntabwo kiyoborwa n’ibikoko, bababariye kugeza no kubishe abandi muri Jenoside. Nongera gusaba imbabazi mpereye ku buyobozi bw’igihugu, Perezida wa Repubulika musaba imbabazi mubwira ko nta kibi mwifuriza. Mbizeza ko nkiri wa wundi n’ubwo icyaha cyaje kikankubita hasi, nimbona imbabazi, nzereka Abanyarwanda imigambi yanjye no kurushaho gushimangira ibyiza nakoze mbere.”

Tariki 29 Ukuboza 2014, Kizito Mihigo na Ntamuhanga Cassien bari basabiwe n’ubushinjacyaha gufungwa burundu naho Dukuzumuremyi Jean Paul asabirwa imyaka 50 y’igifungo, mu gihe Agnes Niyibizi we yasabiwe imyaka 25 y’igifungo.

Ubwo yasabirwaga gufungwa burundu, Kizito Mihigo yongeye kugaragaza ko agisaba imbabazi Perezida wa Repubulika n’umufasha we ku magambo mabi yabavuzeho, asaba imbabazi abacitse ku icumu rya Jenoside bose, ndetse anisegura ku buyobozi bw’igihugu n’Abanyarwanda muri rusange, aho yasabaga ko yahabwa amahirwe agasubira mu muryango nyarwanda gukosora amakosa yakoze.

JPEG - 53 kb

Ubu imbabazi Kizito asaba Perezida ntizatangwa, keretse igihe azaba yamaze guhabwa igihano kandi akacyemera

Kwemera icyaha kwa Kizito Mihigo, biri mu bigize impamvu zikomeye z’inyoroshyacyaha, mu ngingo ya 71 n’iya 77 y’itegeko ngenga, bivuga ko yagabanyirijwe ibihano ugereranyije n’ibyo yari guhabwa iyo ahakana ibyaha kandi ubushinjacyaha butanga ibimenyetso simusiga bimuhamya ibyo byaha. Imbabazi zemewe n’urukiko yarazihawe, ni izo kumugabanyiriza ibihano ku bwo kutaruhanya n’abacamanza.

Imbabazi za burundu Kizito Mihigo yasabaga Perezida ngo arekurwe atahe, zo ntabwo urukiko ruzifiteho ububasha, ariko na nyirubwite Perezida Paul Kagame kuva Kizito yatangira kuburana kugeza ubu, ntabwo amategeko aramwemerera kuba yazitanga, kuko iteka rya Perezida ritanga imbabazi rireba abahawe ibihano ndetse banabitangiye, ritareba abarimo gukurikiranwa n’ubutabera cyangwa ababihawe bakajurira.

Iteka rya Perezida rimwemerera gutanga imbabazi, ryazakora mu gihe Kizito Mihigo azaba yamaze gukatirwa n’urukiko, ariko bikanaba ngombwa ko abanza akemera ibihano yahawe ntajuririre icyemezo cy’urukiko, kuko imyanzuro y’urubanza byemezwa ko yabaye itegeko mu gihe nta gahunda yo kujurira ihari, uregwa yamara gukatirwa akaba aribwo ashobora guhabwa imbabazi na Perezida wa Repubulika nk’uko ububasha ahabwa n’amategeko bubimwemerera.

JPEG - 42 kb

N’ubwo abifitiye ububasha ahabwa n’amategeko, Perezida Kagame ntiyababarira umuntu utarahabwa igihano ntakuka n’urukiko

Aha ariko byumvikabe neza, icyemezo cya Perezida wa Repubulika cyo gutanga imbabazi ku wamaze guhamwa n’icyaha ndetse wanatangiye gukora ibihano yakatiwe n’urukiko, nta ruhare na ruto urukiko rubigiramo ndetse binaba ari uko urukiko rwamaze gukora akazi karwo n’urubanza rwararangije gucibwa uregwa yarahamwe n’ibyaha akanatangira ibihano, bisobanura neza ko icyemezo cyo kuba Perezida wa Repubulika yababarira Kizito Mihigo ari icyemezo cye bwite yafata akoresheje umutimanama we ndetse n’ububasha ahabwa n’amategeko, ariko ubu bwo bikaba bitemewe.


INKURU ZA :
Tanga Igitekerezo
Ibitekerezo 12
Elise de Dieu Kuya 16-07-2016

ndahamya ko Wowe uvuga ngo bamwongerere igihano utaragera kubunyarwanda bwuzuye ,yewe nta n’indangagaciro y’urukundo n’imbabazi ikurangwaho, gusa nawe ari wowe byabayeho wakenera imbabazi ,icyo mpamya ni uko Kizito afunguwe yaba abonye umwanya wo gutanga umusanzu we mu kubaka aho yasenye, bibaye byiza H.E yamuha imbabazi kubushake bwe agatangira agasobeka aho yasohoroye umuganda.

koko Kuya 14-07-2016

ariko imbabazi niziki mumuha ahubwo yongererwe igihano nakongeraho 5 years

koko Kuya 14-07-2016

ariko imbabazi niziki mumuha ahubwo yongererwe igihano nakongeraho 5 years

Quesnay Kuya 14-07-2016

Nonese uyu uvuga ko President yatanga imbabazi adakurikije itegeko we noneho abikuye he? Kizito yakatiwe imyaka 10 arajurira.bivuze ko urukiko rutaramuha umwanzuro wa burundu ariwo uherwaho hatangwa imbabazi.

Ahubwo yitegure ko nyuma yo kujurira ashobora kongerwa igihano.

Niba yakosheje agahanwa yemere ibihano abisabireho imbabazi bitari ibyo ahubwo bamureke abe ategereje asoze ibihano bye.

ubabarira ute utemera ibihano yahawe.

SAMUEL Kuya 13-07-2016

ARIKO IRIYA DOSIYE IGITANGIRA KO TWUMVISEMO UMUGABO WITWA NIYOMUGABO GERARD,NTAWAMENY,IRENGERO RYE?

rukundo Kuya 13-07-2016

Imbabazi natazimuha azazihabwa nimana

rukundo Kuya 13-07-2016

Imbabazi natazimuha azazihabwa nimana

Ruto Kuya 13-07-2016

KABANO NI WOWE UDATEKEREZA N UBWO NTAKUZI BIRAGARAGARA KO UTAJIJUTSE.

justice Kuya 13-07-2016

Kabano, uwakoze icyaha araburanishwa agatangira igihango niyo yaba umunsi umwe, ariko igihe arimo kujurira ubutabera buba butararangiza akazi. Nyuma yo kujurira agahabwa ibihano bishya nibwo HE PK azamubabarira kdi turabyizeye ko azahabwa imbabazi.

BONNY Kuya 13-07-2016

Bwana Kabano,

Nubwo amategeko yemerera umukuru w’igihugu gutanga imbabazi, ntabwo azitanga ku muntu utarakatirwa. Kizito aracyaburana nubwo yazisabye kuko yarajuriye.

Ntekereza ko ibyanditswe hejuru nta kosa ririmo.

Rwanda Kuya 13-07-2016

President wacu dukunda cyane ca inkoni izamba girira impuhwe Kizito aragutakambira mwumve natisubiraho azafungwe burundu ndakwinginze nawe yamenye ko yakoshereje urwamubyaye.Uri umubyeyi mwiza dukunda rengera Kizito

Kabano Kuya 13-07-2016

Utansetsa nyir’ugutanga imbabazi azitanga igihe abishakiye, wa mwanditsi we!! Umukuru w’Igihugu yashatse kubabarira Kizito ntiyategereza amategeko, kuko ari nawe uyashyiraho, mujye mwandika mwabanje gutekereza.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
  • Hakizimana Deo ariko beza twakwifurije ivyiza. None Imana iragusubije ugiye kuja muri élection ya miss supranational izabera muri Pologne ikazahuza abakobwa bazaba bavuye mubihugu 80 vyo kwisi, isumba Kure iya Rwabigwi wakurenganije izuba riva. Madame docteur uwamahoro Jeanne wakoze vyose kugira utorwe ni umuntu akunda ukuri kandi yerekanye ko adakunda akarenganyo, ndetse ko nawe ari mubabajwe nakarenganyo wagiriwe. komeza wigirire ikizere, kuko uzaserukira u Rwanda bikwiye kandi urabikwiriye, ntutinye, abakurwanije Bose nibabone ko agati kateretswe n’Imana kadahungabanywa numuyaga, harya ngo waratukanye? Bihorere kuko batararenganywa, umunsi barenganijwe bo bazavuga ibisumba ivvo wavuze inshuru igihumbi! Ntago watukanye ntibakagufate uko atari, ahubwo wakoresheje imvugo ikarishe ubitewe nishavu watewe nuwakurenganije, Hama rero jewe icantangaje gushika nubu, abantu benshi aho kureba uwakurenganije ngo bamubaze impamvu yakurenganije, bibasiye wewe! nakumiro! Ntibigutangaze abisi Nuko bameze, bakunda kurenganya gusumba kurenganura, Ariko rero Imana yerekanye ko iri kuruhande rwawe Kera nkiri mwishure hari umwalimu yatubwiraga ngo IVYIZA BIRI IMBERE ! Rindira gato na wewe ivyiza biri imbere! Usubire urabe muma commentaires yakozwe kuri iyi dossier yawe. Umengo Turi babiri gusa twiyemeje kugushigikira tutarya umunwa! Reba ivyo jewe hamwe nuwitwa " ROSE " twakwanditseko muma taliki ya 11/02/2017 na 12/02/2017 wahindutse umwana wacu ! Twishimiye cane ko Jéhovah akurenganuye, Ngaho komera (Jéhovah = Allah mwidini yawe !)

    ">Habiba, Turi bake ariko beza twakwifurije ivyiza. None Imana iragusubije ugiye kuja muri (...)
  • Hakizimana Deo ariko beza twakwifurije ivyiza. None Imana iragusubije ugiye kuja muri élection ya miss supranational izabera muri Pologne ikazahuza abakobwa bazaba bavuye mubihugu 80 vyo kwisi, isumba Kure iya Rwabigwi wakurenganije izuba riva. Madame docteur uwamahoro Jeanne wakoze vyose kugira utorwe ni umuntu akunda ukuri kandi yerekanye ko adakunda akarenganyo, ndetse ko nawe ari mubabajwe nakarenganyo wagiriwe. komeza wigirire ikizere, kuko uzaserukira u Rwanda bikwiye kandi urabikwiriye, ntutinye, abakurwanije Bose nibabone ko agati kateretswe n’Imana kadahungabanywa numuyaga, harya ngo waratukanye? Bihorere kuko batararenganywa, umunsi barenganijwe bo bazavuga ibisumba ivvo wavuze inshuru igihumbi! Ntago watukanye ntibakagufate uko atari, ahubwo wakoresheje imvugo ikarishe ubitewe nishavu watewe nuwakurenganije, Hama rero jewe icantangaje gushika nubu, abantu benshi aho kureba uwakurenganije ngo bamubaze impamvu yakurenganije, bibasiye wewe! nakumiro! Ntibigutangaze abisi Nuko bameze, bakunda kurenganya gusumba kurenganura, Ariko rero Imana yerekanye ko iri kuruhande rwawe Kera nkiri mwishure hari umwalimu yatubwiraga ngo IVYIZA BIRI IMBERE ! Rindira gato na wewe ivyiza biri imbere! Usubire urabe muma commentaires yakozwe kuri iyi dossier yawe. Umengo Turi babiri gusa twiyemeje kugushigikira tutarya umunwa! Reba ivyo jewe hamwe nuwitwa " ROSE " twakwanditseko muma taliki ya 11/02/2017 na 12/02/2017 wahindutse umwana wacu ! Twishimiye cane ko Jéhovah akurenganuye, Ngaho komera (Jéhovah = Allah mwidini yawe !)

    ">Habiba, Turi bake ariko beza twakwifurije ivyiza. None Imana iragusubije ugiye kuja muri (...)
  • IZINDI NKURU WASOMA