konka coffee
KONKA

AMAKURU

UKWEZI

Ko mumfite nanjye nkabagira, icyatunanira cyaba ari iki? Nta na busa – Kagame

Ko mumfite nanjye nkabagira, icyatunanira cyaba ari iki? Nta na busa – Kagame
16-07-2017 saa 17:43' | By Vincent Nsengiyumva | Yasomwe n'abantu 2904 | Ibitekerezo 9

Umukandida wa FPR Inkotanyi, Paul Kagame yijeje imbaga y’abaturage ba Kamonyi bari baje kumushyigikira ko bamufite kandi ko bagomba gukomezaanya urugendo anashimangira ko ubwo bakiri kumwe bazafatanya ku buryo nta na kimwe kizabananira.

Ibi yabigarutseho kuri iki cyumweru tariki ya 16 Nyakanga ubwo yitabiraga ibikorwa byo kwiyamamaza mu murenge wa Rukoma mu Karere ka Kamonyi mu Ntara y’Amajyepfo nyuma yo kuva mu karere ka Nyamagabe na Huye kuri uyu munsi .

Kagame yabwiye abaturage ba Kamonyi ko amatora ya tariki 4 Kanama harimo byinshi ariko bishingiye ku mateka mabi u Rwanda rwanyuzemo, ananongeraho ko amateka mabi yaje kuvamo imbaraga zagejeje igihugu aho kiri ubu.

Yagize ati “ Ndagira ngo itariki 4 Kanama aya matora harimo byinshi ariko bishingira ku mateka yacu.Amateka y’u Rwanda hari aho yagejeje igihugu cyacu ariko amateka mabi twagize haje kuvamo imbaraga, ubushake imyumvire ku buryo amahanga ashakisha kubyumva.”

Kagame kandi yikije cyane ku banyamahanga bagize uruhare mu gusigira u Rwanda amateka mabi rufite ubu, ashimangira ko nubwo babikoze bitatumye u Rwanda ruzima ngo rwibagirane.

Yagize ati “Uko muri hano, uko abandi bari aho twahoze, ukuntu abanyarwanda biyumva, uko bashaka kubaka igihugu ntabwo bisanzwe. Niyo mpamvu bamwe mu bagize uruhare mu mateka mabi y’u Rwanda [abanyamahanga] batabyumva. Baducukuriye umwobo baradutaba, turwivanamo.”

Yakomeje agira ati “Bashyizeho itaka barakandagira barangije baradupepera barigendera ariko abanyarwanda babaye imbuto barashibuka.”


INKURU ZA :
Tanga Igitekerezo
Ibitekerezo 9
Karimu Kuya 20-07-2017

Niwowe nawundi twifuza uradufite turagufite nzagutora abanzi baganye hagataho urubyiruko tugukeneyeho ubufasha

Kadudu Kuya 20-07-2017

Niwe twifuza niwe nawundi turagufite nawe uradufite nzagutora abanzi baganye iyaba byakundaga nkagutora icuro igihumbi!!!!

Mahame Kuya 18-07-2017

Kizito ni umuti w’amenyo rwose ari se? hari uyobewe se umushara wa mwalimu, umuforomo, na babandi batagoheka ngo amahoro aganze, uzi ko ari nabo bantu batarya ruswa?!!! bo bita ku buzima bwa muntu kuruta ibinti, uziko umuganga adashobora gutaha atarabona uwmusimbura kandi amasaha y’akazi yarangiye? uziko mwarimu ariwe ukingura ishuri saa moya abana baje kwiga kwiga akaba ari nawe urikinga abanyeshuri batashye, buriya bazira ubwishi bwabo, ntwarubara.

JMV Kuya 18-07-2017

Ariko rero byo President wacu nagire Icyo akora ku mishahara Y’ Abarezi Kuko amafaranga bahebmbwa nakazi bakora ntibihura kdi ntugendana nubukungu bwi Gihugu

dada Kuya 17-07-2017

Komupfite nkabagira nkabagira icyatunanira niki?ntanakimwe rwose nanejejwe niryo jambo.icyampa nange nkakubona muzeyi wacu

c Kuya 17-07-2017

Jyewe nk’umuntu utagize aho mbogamiye iyo nitegereje FPR, nkareba Puissance na Organisation ifite bintera ubwoba bigatuma mbona n’ikirenze u Rwanda yakiyobora! Nubwo kugeza ubu ntarayijyamo ngo ndahire, mu matora niyo ntora…
Impamvu ituma nyitora ni STABILITY mbona mu Rwanda (abenshi bibagirwa kuyivuga bakavuga kuri Security gusa)
Reka twibaze; byatumarira iki kugira demokarasi nk’iyo muri kiriya gihugu ntavuze abasirikare birirwa barasa hejuru basaba uduhimbaza-musyi??????????

Kizito Kuya 17-07-2017

UBWO TURI KUMWE NAGABANYE IMISHAHARA YA BA NYAKUBAHWA YONGERE IYA RUBANDA RUGUFI.
URUGERO: PRESIDENT 12 500 000 KANDI MWALIMU 35 000 NI UKUVUGA INSHURO 400!!! AHAYE MWALIMU 50 000 WE NTARENZE INSHURO 100 AKIHA 5 000 000 UBWO TWESE NTITWABAHO ?

Kizito Kuya 17-07-2017

UBWO TURI KUMWE NAGABANYE IMISHAHARA YA BA NYAKUBAHWA YONGERE IYA RUBANDA RUGUFI.
URUGERO: PRESIDENT 12 500 000 KANDI MWALIMU 35 000 NI UKUVUGA INSHURO 400!!! AHAYE MWALIMU 50 000 WE NTARENZE INSHURO 100 AKIHA 5 000 000 UBWO TWESE NTITWABAHO ?

Gasana Kuya 16-07-2017

Niwe nta wundi@Paul KAGAME

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA