konka coffee
KONKA

AMAKURU

UKWEZI

Kuki Inama y’Abaforomo n’ababyaza yarenze ku mwanzuro wafashwe na Perezida Kagame?

Kuki Inama y’Abaforomo n’ababyaza yarenze ku mwanzuro wafashwe na Perezida Kagame?
17-08-2017 saa 12:34' | By Chief Editor | Yasomwe n'abantu 9421 | Ibitekerezo 27

Inama y’Igihugu y’Abaforomokazi, abaforomo n’ababyaza yahoze yitwa Urugaga rw’Abaforomokazi, Abaforomo n’ababyaza, yongeye kujya yishyuza abanyeshuri barangije kwiga bifuza kwinjira mu mwuga, nyamara ibi Perezida Paul Kagame yari aherutse gufata umwanzuro w’uko bikwiye gukosoka, abo banyeshuri bakoroherezwa. Impamvu Ubuyobozi bw’Iyi nama bwarenze kuri uwo mwanzuro ngo ishingiye ku bushobozi ariko haracyashakwa umuti uhamye kuri bose.

Ni kenshi abanyeshuri barangije iby’Ubuforomo no kubyaza bagiye bagaragaza ko babangamirwa n’uburyo bakwa amafaranga abemerera kwinjira mu rugaga rwabo, ndetse bakanasabwa amafaranga kugirango babashe gukora ikizamini kibemerera kujya ku isoko ry’umurimo, nyamara bakayasabwa batabasha kuyabona kuko baba bataratangira akazi ngo babashe kuyakorera.

Tariki 11 Nzeri 2016, iki kibazo cyagejejwe kuri Perezida Kagame ubwo yahuraga n’abanyeshuri bo mu mashuri makuru na Kaminuza zitandukanye mu Rwanda, agaragaza ko aba banyeshuri bakwiye koroherezwa byaba ngombwa hagashakwa uburyo ayo mafaranga bajya bayatanga bamaze kubona akazi bityo bakabanza kababona uko bayakorera.

REBA VIDEO UKO PEREZIDA KAGAME YABYANZUYE HANO:

Perezida Kagame yabanje kugaragaza ko ibi atabyumva aho yagize ati: "Njyewe ntabwo ndumva impamvu yabyo... Ni ukuvuga ngo hari urugaga bagomba kujyamo, iyo utarugiyemo ntabwo uhabwa akazi... Njye nagirango akazi ukabona kubera ko wize amashuri..."

Perezida Kagame kandi yasabye Minisitiri w’Ubuzima, Dr Diane Gashumba, ko yamusobanurira neza iby’icyo kibazo maze amusubiza agira ati: "Urugaga rw’abaforomo kimwe n’izindi ngaga, hari amategeko bishyiriyeho ni nk’amafaranga yo kwiyandikisha kugirango [umunyeshuri urangije kwiga] yinjire mu rugaga yemerwe, wenda ntekereza ko bakongera bakabireba bakagabanya ayo mafaranga cyangwa akaba yanavaho ariko ni amategeko yabo bishyiriyeho"

Nyuma yo kumva ibi, Perezida Kagame yahise asaba ko aba banyeshuri barangiza ibijyanye n’ubuforomo ndetse n’ububyaza, bajya boroherezwa, bakaba babanza bakareka umuntu agakora akagira aho avana amafaranga. Perezida Kagame yashimangiye ko umunyeshuri urangije kwiga adakwiye gushyirirwaho iyo nzitizi mu gihe ashaka kujya ku isoko ry’umurimo nk’abandi. Aha ati: "Bigomba koroshywa ntibibe nko guhana umuntu umusaba amafaranga kandi atarabanza no gukora!"

Nyuma y’ibi ariko, abanyeshuri barangije iby’ubuforomo n’ububyaza bongeye gusabwa aya mafaranga, nk’uko bigaragara mu itangazo ryashyizwe hanze tariki 10 z’uku kwezi kwa Kanama, risaba abagomba gukora ikizamini kibemerera kujya ku isoko ry’umurimo, ko bagomba kubanza bakishyura amafaranga y’u Rwanda ibihumbi mirongo ine (40.000 Frw).

Ikinyamakuru Ukwezi.com cyashatse kumenya impamvu Inama y’Igihugu y’Abaforomokazi, Abaforomo n’ababyaza yarenze ku mwanzuro wari watanzwe na Perezida Kagame, maze tugirana ikiganiro na Julie Kimonyo, umwanditsi mukuru wayo. Yadutangarije ko ibyo Perezida Kagame yavuze nabo babyumvise ariko bakaba nta handi bakura amafaranga yifashishwa mu bizamini baha abagiye kwinjira mu rugaga.

Yagize ati: "Natwe ibyo twarabyumvise pe. Ariko noneho twebwe ubwacu n’ikigo cyacu, kugirango abantu bakore ikizamini si uko dushaka ko baduha amafaranga, ayo mafaranga bakwa ni avamo ibintu dukoresha muri icyo kizamini, ntakundi dufite twayabona ngo dukoreshe icyo kizamini, n’ubu ikizamini batinze kugikora bakabaye baragikoze ariko twari tugishakisha ahava amafaranga."

Kimonyo Julie yakomeje avuga ko n’ubwo hari abashobora kubura uko bakora ikizamini kubera kubura ubushobozi, icyo kizamini kidakorwa rimwe kuburyo utagikoze yazagikora ubutaha kuko nk’ubu bateganya ko hari ikizakorwa muri Gashyantare 2018, gusa ngo barimo gushaka umuti uhamye kuri buri wese ubangamiwe n’iki kibazo.


INKURU ZA :
Tanga Igitekerezo
Ibitekerezo 27
alias Kuya 20-08-2017

ururugaga niba ruba murwanda rwagakwiriye kumva ko our president yabicyemuye niba batumva nikibazo, babe bashaka abandi bayobora urugaga. ese ubundi bagiye babitangira kwishuri umunyeshuri agataha abirangije, numva babihuza na final practical exams medicals domain students bose bakora. igihugu kigira abayobozi bangahe se!! uwo niyegure hakiri kare

Muhire Kuya 20-08-2017

Ikibazo nuko nta competition irimo. Nihajyeho urugaga rwa bishyura n’urundi rwabatishyura noneho umuntu ajye murwo ashaka. None se urwo rugaga nirwo rushakira abantu akazi?

kosi Kuya 20-08-2017

Ibi birenze n’agasuzuguro uru rugaga tacyo rumaze nurwo kunyunyuza imitsi y’abana b’abanyarwanda HE twizeye ko adutabara akadukiza bariya banyenda nini

tedy Kuya 19-08-2017

abasiviri Niko mwabaye.ubundi iyo afande avuze ntawuvuguruza.uwo nawe ngo narabyumvise arko sinabyemera.ntago Uzi uwo wasuzuguye.urambabaje wamugore we.

sangwa Kuya 18-08-2017

jyewe Ubu narumiwe kujya hariya ushobora kuvayo uzinustwe pe barasuzugura bikabije hari abadamu wagirango baba mwisi yabo gusa icyari gisigaye nugusuzugura ibyavuzwe numukuru wigihugu ngo narabyumvise ariko bagomba kuyatanga ubundise ruriya rugaga rumaze icyi koko ubonye niba wayatanganga ugakora ikizami bakagushakira nakazi mfite ububasha nicyo kintu nakuraho kuko ntacyo kimaze pe

hacker Kuya 18-08-2017

akonagasuzuguro pe ahubwo bazafungure ishuriryabo nigute utanga ikizamini utarigishije nubundi nuko agiye kuvaho arasha imerekeza indazabo zizabakoraho umunsi babuze ibyarubanda

MM Kuya 18-08-2017

IBIHUMBI 40,000 AVAMO YIFASHISHWA MUBIKENERWA MUGUKORA IBIZAMINI !!!!!!?? ARIKO UBWO KUMUNSI WIKIZAMI BISHYURIRWA AMAFARANGA Y’URUGENDO,IBYO KURYA NO KUNYWA NDABONA ARI MENSHI CYANE PEE

Emmmm Kuya 18-08-2017

ibi ni agasuzuguro gakabije! uyu kimonyo se ni umunyarwandakazi cg ni umunyamahanga? umuntu utinyuka agasuzugura Perezida nukuvuga gusuzugura abanyarwanda twese! uru rugaga se nurwa kimonyo? ikindi kd mineduc niyo ishinzwe ibizamini

nana Kuya 18-08-2017

Ariko perezida yatubabariye agakuraho ruriya rugaga koko.ubundi rumaziki koko
.ESE arumuforomo numubyaza na medecin ninde ufata ikimeze gikomeye kumurwayi?kuki medecin urangije kwiga cg uvuye kwiga hanze urugaga rwabamedecin batabaloresha ibizami?HE uhora urenganura abarenganye nadutabare rwose.murakoze.

nana Kuya 18-08-2017

Ariko perezida yatubabariye agakuraho ruriya rugaga koko.ubundi rumaziki koko
.ESE arumuforomo numubyaza na medecin ninde ufata ikimeze gikomeye kumurwayi?kuki medecin urangije kwiga cg uvuye kwiga hanze urugaga rwabamedecin batabaloresha ibizami?HE uhora urenganura abarenganye nadutabare rwose.murakoze.

liliane Kuya 18-08-2017

Njye umumaro w’izo ngaga waranyobeye ,njye mbona ibyiza zavaho. 7

Kaka Kuya 18-08-2017

Ingaga ni izo kwicururiza gusa, no gukamura abakozi no amafaranga gusa. Nta n’ikindi zimaze pe

Rukundo Kuya 17-08-2017

Ibi byo birarenze pe
kurenga ku mabwiriza y’umukuru w’igihugu?
Imikorere y’aba bantu rwose irimo akavuyo
kwanga gushyira ku rutonde abantu kandi bujuje ibisabwa ngo urutonde rwaruzuye,. kuba waturutse i Rusizi wahagera ngo uziyandikisha ejo abuwo munsi buzuye.........
MINISANTE nicyemure ikibazo cyabo kuko bazengereza abaforomo

kayira Kuya 17-08-2017

Murambabaje

Mugabo Jackson Kuya 17-08-2017

Ni ikibazo gikomeye iyo mubuze amafaranga bivuze ko mwanga kubahiriza amabwiriza y’umukuru w’igihugu?

Igiteye agahinda kurushaho iyaba mwanayasabaga nibura mukemerere abakeneye gukora icyo kizami bose bujuje ibya ngombwa atari ukubabwira ngo muzakora ubutaha kandi ibyangombwa byose babyujuje

mubona atari iyo kubwira umuntu ngo ubutaha yujuje ibisabwa atari mwe mubisigaranye muri iki gihugu koko?

ese ubwo ntimubona ko muba mumukereza?

ababishinzwe babyumve

Kamanyo Kuya 17-08-2017

ako ni agasuzuguro kabisa, muhaze amafranga y’abaforomo none ntimushobora gukurikiza amategeko? Uwo ni umurengwe.murahanze ntimushaka ko abandi babona akazi.

kamana Kuya 17-08-2017

none se niba atari agasuzuguro mwe murumva ari iki none se frw yo gukora ikizami angana n’ibihumbi 40,000 icyo kizami ariko bagikorera convention barangiza bagafatayo na lunch, ariko narumiwe koko ahubwo c ibyo bizami byo ni ibiki k’umunyeshuri ahamirizwa ubushobozi na n’impamyabushobozi cg impamyabumenyi ubundi agakora ikizami cyo kwinjira mu kazi agiye gukora ubundi urwo rugaga murumva atari urwo gushaka indonke gusa

Qoados Kuya 17-08-2017

Ibintu byo kuyoboza abantu imyanzuro y’inama zinyuranije n’amategeko MUBIHAGARIKE!

Umwanzuro wa buri nama ugomba kuba munsi y’almategeko.

James Kuya 17-08-2017

Ariko rwose biratangaje. Ukuntu abantu wagirango bari mubwatsi bwabo. Ngo ibyo president yavuze nanjye narabyumvise ngo ariko ntaho twakura amafaranga, means ntacyo yavuze. Ikindi uru rugaga rukoramo abantu utamenya uwabahaye akazi icyo yagendeyeyo. Ni abantu badashyira mugaciro, baharanira inyungu zabo kurusha byose , basuzugura wagirango ntibanize. Mwumvise uko uyu kimonyo yabwiye umunyamakuru wa tv1 biragayitse. Naho ubundi uku nuguhanganisha mineduc na minisante. Bisibanuye ko mineduc ntacyo imaze niba bigisha barangizwa bagasuzumwa na council ya fake nkiyi ikoramo abantu nkaba. Ubuse abiga medicine ntibafite urugaga, pharmacy se , journalism se aba lowyers se, ariko aba bagashaka kurya imitsi yabana babakene badafite akazi. Puuuuu!!!! Minisante na mineduc ndabagaye.

ndahayo Kuya 17-08-2017

HE yavuze ababaye ubwo umunyamakuru yamubazaga ati"ni iki kikubabaza mu buzima yamusubije ati"mbabazwa no kuba twumvikanye n’abantu ibintu bwacya ugasanga sibyo bakoze kandi bataje ngo twongere turebere hamwe icyatumye bidakunda NJYE NARI NAGIZE NGO NI ABAMINISTRI YAVUGAGA GUSA KUKO WENDA BABA ARI ABANYACYUBAHIRO KUMBI NA RUBANDA BASIGAYE BAVUGURUZA IBYO YAVUZE RWOSE BIKWIRIYE GUHAGARARA BYABA ARI UGUSUZUGURA AMAJWI YACU TWE AHAGARARIYE kandi biri hose na RAHPC Urugaga rw’abandi bakora kwa muganga nabo baracyayatanga izi ngaga rwose zivangira Leta

Nsabiyumva Epimack Kuya 17-08-2017

Oya nukuri birababaje ibintu byitwa ingaga byabaye ibyo ubucuruzi mbese akamaro kurwo rugaga ni akahe? None se amafaranga baca niba nta bushobozi bafite babishyize mumaboko ya minieduc ko ubundi ariyo ikoresheje

Nsabiyumva Epimack Kuya 17-08-2017

Oya nukuri birababaje ibintu byitwa ingaga byabaye ibyo ubucuruzi mbese akamaro kurwo rugaga ni akahe? None se amafaranga baca niba nta bushobozi bafite babishyize mumaboko ya minieduc ko ubundi ariyo ikoresha

Bapti Kuya 17-08-2017

Eeeeehh urwo rugaga rurashaka gusuzugura umukuru w’igihugu? Kabisa bakurikize amabwiriza ya His Excellence.
Ariko uwo kimonyo arantangaje ngo ibyo President yavuze narabyumvishe ariko...
Nukuvugako wanze kubyubahiriza. Muge mwubaha kuko urugaga ntiruri hejuru y’amategeko

Bapti Kuya 17-08-2017

Eeeeehh urwo rugaga rurashaka gusuzugura umukuru w’igihugu? Kabisa bakurikize amabwiriza ya His Excellence.
Ariko uwo kimonyo arantangaje ngo ibyo President yavuze narabyumvishe ariko...
Nukuvugako wanze kubyubahiriza. Muge mwubaha kuko urugaga ntiruri hejuru y’amategeko

Bapti Kuya 17-08-2017

Eeeeehh urwo rugaga rurashaka gusuzugura umukuru w’igihugu? Kabisa bakurikize amabwiriza ya His Excellence.
Ariko uwo kimonyo arantangaje ngo ibyo President yavuze narabyumvishe ariko...
Nukuvugako wanze kubyubahiriza. Muge mwubaha kuko urugaga ntiruri hejuru y’amategeko

nkunda Kuya 17-08-2017

Ariko ibi ngo nurugaga bimazriye iki abanyarwanda uretse kibarya utwabo. Nonese umuntu ntaba yarakoze ibizami kwishuri kuki babakoresha ibindi bizamini. puuuu. Kwanza noneho mutangiye mogusuzugura Prezida nizere ko ari bubyumve akabafiatira ibyemezo

Kamana Kuya 17-08-2017

Eheeee! Mbega agasuzuguro kabi! Kimonyo ngo nibyo koko perezida ibyo yavuze mwarabyimvise! Ahahahah mbega agasuzuguro, burya bwose perezida mumuca amazi bene ako kageni.. njyewe nziko ijambo avuze riba ari itegeko. Yababaaaaaa, mwarabyumvise da! Iyo mubyumva mwari kubihagarika, ahubwo ntimwabyumvise. Niba mutumvise umukuru wigihugu mwakumva umunyeshuri koko? Mbega weee! Harya ngo leta yahaye ijambo abagore!? Yababaaaaaa, mukageza naho muca amazi uwabahaye agaciro koko....

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...