konka coffee
KONKA

AMAKURU

UKWEZI

Leta y’u Rwanda yagize icyo ivuga ku rupfu rw’umwami Kigeli n’iby’ishyingurwa rye

Leta y’u Rwanda yagize icyo ivuga ku rupfu rw’umwami Kigeli n’iby’ishyingurwa rye
18-10-2016 saa 03:40' | By Chief Editor | Yasomwe n'abantu 21280 | Ibitekerezo 8

Mu rukerera rwo kuri uyu wa Kabiri tariki 18 Ukwakira 2016, Guverinoma y’u Rwanda yashyize hanze itangazo risobanura uko yakiriye urupfu rw’umwami Kigeli V Ndahindurwa, ndetse n’uko yiteguye ibijyanye no kumushyingura.

Iri tangazo ritangira rigira riti: "Guverinoma y’u Rwanda yababajwe no kumva inkuru y’urupfu rwa Kigeli V Ndahindurwa wahoze ari umwami w’u Rwanda. Kigeli yirukanywe mu gihugu n’ubutegetsi bw’abakoloni b’Ababiligi tariki 2 Ukwakira 1961 ahungira mu cyahoze ari Tanganyika, nyuma aza kuba muri Uganda na Kenya hanyuma mu 1992 ahungira muri Leta Zunze Ubumwe za Amerika aho yatabarukiye tariki 16 Ukwakira 2016."

Iri tangazo rikomeza rigira riti: "Guverinoma y’u Rwanda ntiramenyeshwa n’umuryango we ibijyanye n’imihango yo kumusezera no kumushyingura, ariko nihamenyekana uko bifuza byakorwa, Guverinoma yiteguye gutanga ubufasha bwose bwa ngombwa."

Ibi bitangajwe na Guverinoma y’u Rwanda, nyuma y’amasaha macye ishyaka rya Democratic Green Party of Rwanda risabye ko ubuyobozi bw’igihugu bwakora ibishoboka byose umwami Kigeli agashyingurwa mu gihugu cye kandi agashyingurwa na Leta mu cyubahiro akwiye.


INKURU ZA :
Tanga Igitekerezo
Ibitekerezo 8
djaf Kuya 19-10-2016

banze ko ataha ari umwamiw,urwanda none bemeye kwakira umurambo.

sylvain Kuya 18-10-2016

Goverment should announce an especial event!

sylvain Kuya 18-10-2016

Goverment should announce an especial event!

Adede Kuya 18-10-2016

ni byiza cyane.

Robin Kuya 18-10-2016

umwami nashyingurwe I Rwanda iruhande rwamuvandimwe we abakuze babazi ibyibwami nabo bamuherekeze bazishima Kandi nu mwami aho ari azishima Imana imuhe iruhuko ridashira.

Janvier Kuya 18-10-2016

Bien dit

Sam Kuya 18-10-2016

Mukomerezaho pe ku nkuru mutugezaho.nimwaguke mukwire hose.

mahoro Kuya 18-10-2016

Leta y u Rwanda iha agaciro umunyarwanda aho yaba ari hose ku isi. na njye ndayikunda cyane n iki gikorwa na cyo kirabyemeza rwose. Kagame oyeee

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...