konka coffee
KONKA

AMAKURU

UKWEZI

Leta yabujije bamwe mu banyeshuri kuzakora ibizamini bya Leta ahubwo bagasubira inyuma

Leta yabujije bamwe mu banyeshuri kuzakora ibizamini bya Leta ahubwo bagasubira inyuma
2-05-2017 saa 14:39' | By Chief Editor | Yasomwe n'abantu 18674 | Ibitekerezo 33

Hari bamwe mu banyeshuri basoza amashuri yisumbuye n’abasoza icyiciro rusange babujijwe na Leta y’u Rwanda kuzakora ibizamini bya Leta by’uyu mwaka wa 2017, bitewe n’uko hari ibyo batubahirije nyuma yo gukora ibizamini bya Leta bisoza amashuri abanza cyangwa ay’icyiciro rusange (Tronc Commun). Abagongwa n’amabwiriza mashya Leta yashyizeho, nta n’ubwo bemerewe kwiyandikisha no kuzuza amafishi y’abazakora ibizamini bya Leta ahubwo basabwa gusubira inyuma bakabanza bakubahiriza ibisabwa.

Mu gihe mu bigo by’amashuri ya Leta n’ayigenga bikorera mu Rwanda hatangiye igikorwa cyo kuzuza amafishi y’abazakora ibizamini bya Leta bisoza amashuri abanza, ay’icyiciro rusange n’ay’abasoza amashuri yisumbuye, amabwiriza mashya abayobozi b’ibigo bahawe avuga ko umunyeshuri warangije amashuri abanza agakora ikizamini akagira amanota ya nyuma yo mu cyiciro cya U (Unclassfied) hanyuma akajya mu mashuri yisumbuye atarahawe ikigo, atemerewe gukora ikizamini cya Leta gisoza icyiciro rusange cy’amashuri yisumbuye.

Ibi ninako bimeze ku munyeshuri wagize amanota ya nyuma yo mu cyiciro cya U (Unclassfied) hanyuma akajya mu cyiciro cyo hejuru cy’amashuri yisumbuye atarahawe ikigo, na we atemerewe gukora ikizamini cya Leta gisoza amashuri yisumbuye. Abo banyeshuri basabwa kuzabanza bagakora icyo kizamini cya Leta cyo ku cyiciro batsinzwe hanyuma bakemererwa gukomeza.

Gasana Jérôme, Umuyobozi mukuru w’ikigo cy’igihugu cy’imyuga n’ubumenyingiro (WDA), yatangarije Ikinyamakuru Ukwezi.com ko hashize igihe Leta y’u Rwanda ifashe icyemezo cyo kurwanya amanyanga mu burezi, nk’aho abanyeshuri bamwe basimbukaga imyaka imwe n’imwe. Avuga ko n’umunyeshuri utagize amanota amwemerera kujya mu cyiciro cy’amashuri gikurikiyeho, adashobora kwemererwa gukora ikizamini cya Leta gisoza icyiciro yagiyemo atabyemerewe.

JPEG - 282.9 kb

Gasana Jérôme, Umuyobozi mukuru w’ikigo cy’igihugu cy’imyuga n’ubumenyingiro (WDA)

Ku bijyanye n’abanyeshuri bakurikiranwa na WDA bagombaga kuzakora ikizamini cya Leta gisoza amashuri yisumbuye ariko bakaba barabonye amanota yo mu cyiciro cya U mu kizamini gisoza icyiciro rusange, Gasana Jérôme avuga ko bazabanza bakajya gukora icyo kizamini bamara kugitsinda bakazabona kwemererwa gukomeza.

Icyakoze avuga ko umunyeshuri wese uzasubira gukora ikizamini gisoza icyiciro rusange cy’amashuri yisumbuye akagitsinda, bitazaba ari ngombwa kongera kwiga umwaka wa kane, uwa gatanu n’uwa gatandatu, kuko azaba asanzwe yarabyize kandi abifitiye indangamanota ari nazo azasabwa mu gihe azaba agiye gukora ikizamini gisoza amashuri yisumbuye.


INKURU ZA :
Tanga Igitekerezo
Ibitekerezo 33
muneza Kuya 9-05-2017

Dukwiye gushyira mugaciro uwafashe iki cyemezo ntabajyanama aagira. ubuse ko yari aziko aba bana biga yakoze iki? uku guhima abanyarwanda ntabwo kwari gukwiriye mugihe tugezemo. Ese iyo Tronc commun we uwayimusubizamo uno munsi yayitsinda bitamugoye!? Abamukuriye nibatabare abana burwanda.

Umungwaneza Marie Aimee Kuya 7-05-2017

mwiriwe kdi muraho ? njyewe mfite ikibazo ngirango mumbarize ubuko DWA yashyizeho ibintu byo kuzana bulletin zo kuva muwa mbere kugera muwa gatandatu ngo kugirango wemererwe kaminuza ndabaza nti niyihe mpamvu ibibateye cg iryo tegeko ryaje ryari ko twari tumenyereyeko umunyeshuri azana izo ku S4-S6 none nkabantu bagiye mu myuga baribamaze imyaka irenga itandatu ubwo sukutugora bashaka kutwima amahirwe yo ku iga kdi dufite ubushake ? njyewe kurwanjye ruhande ndumva icyo gitekerezo cyakongera kigatekerezwaho kuko mushobora kubangamira benshi mukababuza amahirwe yo gukomeza,impamvu mbajije nuko njyewe kurwanjye ruhande kuzibona byangora kuberako murabizi amateka yigihugu cyacu ariyo genocide yakorewe abatutsi muri Mata 1994 yadusigiye ibibazo bigoye kuko nkanjye nize bingoye trocomun nta bushobozi nyirangije nicara imyaka irindwi nsubira mu ishuri nabwo niga biruhanije none murumva izo bulletin za S1-S3 nazibona gute konanubu ubuzima bugoye ? nasabaga ngo mudufashe niba bavuga ngo uburezi kuri bose mureke nabadafite kirengera bige murakoze.

Hakizimana Kuya 7-05-2017

Nukuri icyemezo nk’iki gifashwe gitunguranye, kandi natwe nk’ababyeyi ndumva twagira inama dutanga, mwakagombye kuba mwaratanze itangazo riteguza icyo cyemezo umwaka ushize, maze les malheureux enfants bakabyitegura yewe ababyeyi nabo bakabyitegura. Abo n’abana bigihugu nabo, mwakagombye kubashakira igisubizo nabo kibarengera, kuko igihe cyose gihise igenzura ryarihe?

becky Kuya 4-05-2017

Cyakoza cash zacu zirahiye gusa imana niyoyokubicyemura kuko ntago irabizi ibibyose

bruce Kuya 4-05-2017

Yewe ni mwicecekere kbsa,uyu mwaka ibigo byose mineduc yabitegetse kwakira abafite U ibaha n’amabaruwa none ngo ngwiki?guhuzagurika ko muri educ kuzarangira ryari kweri?

bruce Kuya 4-05-2017

Yewe ni mwicecekere kbsa,uyu mwaka ibigo byose mineduc yabitegetse kwakira abafite U ibaha n’amabaruwa none ngo ngwiki?guhuzagurika ko muri educ kuzarangira ryari kweri?

Hakizimana Jean Bosco Kuya 4-05-2017

ibi nibyo rwose kuko murwanda turashaka uburezi bufite ireme. niyo mpamvu dushyigikiye competence based curriculum. ariko rero byari kuba byiza iyo biba byaratangajwe mbere yuko umwaka wamashuri utangira, cg c bikazatangira umwaka utaha kuko ubu biratnguranye cyane. murakoze

dative Kuya 4-05-2017

Ariko Mana ,tabara!uwafashe icyi cyemezo yagifashe nkuhereza igihano abamugiriye nabi. Simuzima peer!Babona bahembwa akayabo bakagira ngo turabishimiye,none dutakaje ayacu twaruhiye ngo abana basubire inyuma ,nuwagifashe naweee numuswa rwose

ela Kuya 4-05-2017

Maze rero ibibyemezo abitwa ko bashinzwe uburezi bafata birimo ubuswa bwinci kuki batabuza banyiribigo kwakira abana babonye U ngo bakurikirane nababirenzeho? Babona umubyeyi yaratanze utwe twose ngo umwana yige ageze muwa 6 ngo subiri inyuma yego nibyo kudashyigikira ko umuntu yimuka atatsinze ntanubyanze ariko bajye babikora bakirangiza. Icyo cyiciro batzinzwe maze bababuze gukomeza urebe ukuntu ahubwo bazajya bazamuka neza. Mana we dutabare p ngaho gufunga za kaminuza mu kavuyo yewe Ireme ryuburezi mujye murishaka neza mwitonde kuko ibyo mukora. Nta reme mbona byongeraho Imana ibafashe. President wacu ariko rwose azabagenzure rwose we turamwemera

Season Kuya 4-05-2017

Birababaje kdi biteye nagahinda pe abanyeshuri barindaga bajya gukomeza amasomo ubuyobozi buba he he kweri GS nikibazo gikomeye

Season Kuya 4-05-2017

Birababaje kdi biteye nagahinda pe abanyeshuri barindaga bajya gukomeza amasomo ubuyobozi buba he he kweri GS nikibazo gikomeye

ganza Kuya 4-05-2017

Ibi ni ukuri ariko hari ikibazo gikomeye tutakwirengagiza, ni gute umwana agera igihe cyo gususha hanyuma agahagarikwa ubwose ntimuhombeje umubyeyi n’umwana birababaje cyane.
njye numva mwakagombye kureka abana bagakora yenda hagahagarikwa abari muri S1 na S4 kuko nibo batagerwaho nizi ngaruka kuburyo bukomeye. byaba ari akarengane rwose

Philmin Kuya 4-05-2017

Ikicyemezo ndumva Atari kibi ahubwo aheri ikibazo ni igihe gitangiwe cg umwanzuro ufatiwe.
Mureke tugaragaze gutekereza kwigihe kirambye. Bitabaye ibyo turagargara nkaba twafatiye icyemezo ariko natwe twajya muri U mubuyobozi bwacu kuko ndabona ntacyo tubarushije.
Nihashyirweho amabwiriza afatika kubana bemerewe kwiga icyiro runaka. Ubu se ibigo by a private ntibigize ihungabana ariko!eye.
Ababana bageze aha turihehe koko? Harubwo REB, WDA, MINEDUC ntitwakoraga, tugahebwa, amanama, amamisiyo kuki mutabigashe series kandi ko byagaragaraga.
Aba baribakwiye gukora Wenda guhera kubari my wakane no my wambere bakabanza bakuzuza ibisabwa
Cg Mutegure ikizamini gusa neza by’ibyiri bariho bikorwe mu kiruhuko cy’igihembwe cya kabiri. Ubundi abazabitsinda bakomeze. Ikibazo NGO nta budget byateguriwe, none se umubyeyi we yateguye ko umwana azasubira inyuma ataganya Niyo budget?
President wacu abafashe kuko mwe ntimwabyibashisha ariko ababana baba bahohitewe cg babujijwe uburenganzira bwaho
Ariko MWe nibwo ntabyiciro byariho mubona icyogihe mwari mukwiue ikihe?

Philmin Kuya 4-05-2017

Ikicyemezo ndumva Atari kibi ahubwo aheri ikibazo ni igihe gitangiwe cg umwanzuro ufatiwe.
Mureke tugaragaze gutekereza kwigihe kirambye. Bitabaye ibyo turagargara nkaba twafatiye icyemezo ariko natwe twajya muri U mubuyobozi bwacu kuko ndabona ntacyo tubarushije.
Nihashyirweho amabwiriza afatika kubana bemerewe kwiga icyiro runaka. Ubu se ibigo by a private ntibigize ihungabana ariko!eye.
Ababana bageze aha turihehe koko? Harubwo REB, WDA, MINEDUC ntitwakoraga, tugahebwa, amanama, amamisiyo kuki mutabigashe series kandi ko byagaragaraga.
Aba baribakwiye gukora Wenda guhera kubari my wakane no my wambere bakabanza bakuzuza ibisabwa
Cg Mutegure ikizamini gusa neza by’ibyiri bariho bikorwe mu kiruhuko cy’igihembwe cya kabiri. Ubundi abazabitsinda bakomeze. Ikibazo NGO nta budget byateguriwe, none se umubyeyi we yateguye ko umwana azasubira inyuma ataganya Niyo budget?
President wacu abafashe kuko mwe ntimwabyibashisha ariko ababana baba bahohitewe cg babujijwe uburenganzira bwaho
Ariko MWe nibwo ntabyiciro byariho mubona icyogihe mwari mukwiue ikihe?

Deo Kuya 4-05-2017

arko ibi bintu bihora bihindagurika koko bizagarukira he he Mana batangiye birukana abarimu NGO ntibize education bityo za math physique nizindi bita agaciro karava kdi nabafata ibi byemezo nabo barigishijwe Nana bita aba autres Nina rero barigishwaga nabi akaba ariyo mpamvu yibi ntimumbaze ubu rero nabanyeshuri barirukanywe da

rukundo Kuya 4-05-2017

Iki cyemezo ni cyiza cyane ndagishimye naho abibaza impamvu batategujwe ahubwo bakabaye baragiye kubaza uko abana babo baziga bakimara kubonako babaye unclassfied. Aho guca ruhinga ngo babashyire mu cyiciro badafitiye ubushobozi. (Opinion personnel)

Murego Octave Kuya 4-05-2017

Yego rwose,uburezi bwacu nicyo kintu cyananiranye pe,bwaburiwe igisubizo,ni uguhora batera ibiremoooo nzaba ndeba Amaherezo.

betty Kuya 4-05-2017

Kuki mineduc ihoramo impinduka? Izindi ministere nta bayobozi zigira? Murebe neza iyo ministere ifite ikibazo.

betty Kuya 4-05-2017

Kuki mineduc ihoramo impinduka? Izindi ministere nta bayobozi zigira? Murebe neza iyo ministere ifite ikibazo.

sedrick Kuya 3-05-2017

kuki mutababwiye kare ngo bitegure. none si wenda abiga imyuga muzabareber nka kaseretifik mubah kuko umanya batakaje ni mwinshi

bimenyimana Kuya 3-05-2017

gusa bayobozi mukoze nabi,ntawabashima pe!kuko mukoze nabi kuko muba mwaratubwiye imbere nkababyeyi

keza Nene Kuya 3-05-2017

umva bebe nawe biramureba umwana wawe ahoyaba yiga hose buriya arava muri tronc commun asubire primary gukora ubundi azakore tronc commun next year

WILLY Kuya 3-05-2017

CBC itubwira ko tugomba gutanga competence ,skills,attitude and value Cross cuting issue,umwana yagera hanze akabasha kuzirwanaho,tureke kuvanga,amakuru atangwe na Mwarimu wirirwana n’ umwana umunsi k’ uwundi,naho imyanzuro umwarimu atagizemo uruhare afatanyije n’ umubyeyi ,akenshi igira ingaruka zitari nziza k’ umwana ,murakoze

Donatire Kuya 3-05-2017

vrmnt uko nugutesha igihe abana basi bakabaye barabitanzemo itangazo nkumwaka ushyize bakabyitegura nababyeyi bakabyitegura ko nziko mu Rwanda havugwa democrazy ubu iyi niyo koko ego bizafashaka abana kwiga ariko ntimugashyireho ibintu byose mutuguranye..muborohereze vrmnt

AISHA Kuya 3-05-2017

NONE SE ABANA BATIZE MU RWANDA NKA PRIMAIRE BAKAZA GUTANGIRA SECONDAIRE MU RWANDA UBWO BIZAGENDA GUTE KUKO WENDA AHO HANDI NTI BAGIRA IZO ZA U CG GUTANGA IBIGO IYO WATSINZE BO BAREBA AMA % ...ARIKO MUREKE KUJYA MUGORANA PE MURADUCANGA CYANEE

Umusazamzee Kuya 3-05-2017

Ariko izi ngirwa bahanga zadutse muri MINEDUC-REB-HEC zirakungura!Murangije kaminuza none mwadukiriye Secondary Schools?Ejo muratera no muri Primaire na Nursery schools!Mbwiswa mama we

Fabien Kuya 2-05-2017

Kuki batabujije mbere aba directeur bibigo byigenga kubandika muwa Kane cyane ko aribo bakira abanyeshuri batsinzwe!? Njye mbona muburezi bwacu hakiri a bid weakness!!!!!!

Fabien Kuya 2-05-2017

Kuki batabujije mbere aba directeur bibigo byigenga kubandika muwa Kane cyane ko aribo bakira abanyeshuri batsinzwe!? Njye mbona muburezi bwacu hakiri a bid weakness!!!!!!

Fabien Kuya 2-05-2017

Kuki batabujije mbere aba directeur bibigo byigenga kubandika muwa Kane cyane ko aribo bakira abanyeshuri batsinzwe!? Njye mbona muburezi bwacu hakiri a bid weakness!!!!!!

Fabien Kuya 2-05-2017

Kuki batabujije mbere aba directeur bibigo byigenga kubandika muwa Kane cyane ko aribo bakira abanyeshuri batsinzwe!? Njye mbona muburezi bwacu hakiri a bid weakness!!!!!!

Havugimana xavier Kuya 2-05-2017

Rwose icyo kemezo ni inyamibwa arko c abarangije kdi bakabona diploma bizagenda gute? Ese nkaba narangije kaminuza banafite akazi ka reta bizagenda gute?gusa nukubishyiramo ubushishozi kuko nkabari bagiye gukora exam uyumwaka baratunguwe kdi cyane. Murakoze bayobozi bacu mutureberera mw’iterambere ry’igihugu.

Jean de la paix Kuya 2-05-2017

Ibi nibyo birakabije akavuyo KO muri education kararambiranye mukanya bahagaritse kaminuza zimwe nazimwe mukandi kanya gukora ibizamini kuri bamwe ngo ntibyemewe ariko Mana koko tuzagezahe? ubwo aho batangiriye kugera ubwo bagera muwa 6 ntabwo babarebaga?

BEBE Kuya 2-05-2017

Ibi se byaba bireba n’abana bagize U muri Primaire bagakomereza muri Nine cg iki cyemezo kireba abahise bajya mu mashuli ya Lata acumbikira abana ?ubizi adusobanurire kuko mfite umwana wagize U mu kizamii gisoza Primaire ajya muri NIne kandi ubu yiga neza aranatsinda neza kuburyo mfite ikizere ko Tronc Commun azayitsinda kdi neza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...