konka coffee
KONKA

AMAKURU

UKWEZI

Leta yahagaritse amashami y’ubuvuzi muri Kaminuza ya Gitwe, benshi bararira ayo kwarika

Leta yahagaritse amashami y’ubuvuzi muri Kaminuza ya Gitwe, benshi bararira ayo kwarika
16-03-2017 saa 11:47' | By Chief Editor | Yasomwe n'abantu 18289 | Ibitekerezo 29

Leta y’u Rwanda ibinyujije muri Minisiteri y’Uburezi, yahagaritse amashami atatu muri Kaminuza ya Gitwe iri mu karere ka Ruhango mu Ntara y’Amajyepfo, nyuma yo gukora igenzura n’isuzumamikorere y’iyi Kaminuza bagasanga hari bimwe mu byo batujuje. Amashami yahagaritswe yose ajyanye n’ubuvuzi n’ubuforomo ari nabyo byari biyigize ahanini dore ko abanyeshuri basigaye mu kigo babarirwa muri 200 barengaho gato.

Nk’uko bigaragara mu ibaruwa Minisitiri w’Uburezi, Dr Papias Musafiri Malimba yandikiye iyi Kaminuza tariki 13 Werurwe 2017 ndetse ikinyamakuru Ukwezi.com tukaba twabashije kuyibonera kopi, Kaminuza ya Gitwe yahagarikiwe amashami atatu ajyanye n’ubuvuzi, yose yatangaga impamyabumenyi y’icyiciro cya kabiri cya Kaminuza (A0).

Minisiteri y’Uburezi ivuga ko amashami yahagaritswe burundu ari iry’ubuvuzi no kubaga (Bachelor of Medecine & Surgery) n’ishami ry’Ubumenyi mu by’ikoranabuhanga ryo gupima indwara (Bachelor of Science in Medical Laboratory Technology), hamwe n’ishami ry’amasomo ajyanye n’ubuforomo (Bachelor of Nursing programs) rigomba guhagarikwa by’agateganyo rikabanza gushyira mu bikorwa ibyo ryasabwe kunoza byakwanga naryo rigafungwa burundu.

Ubuyobozi bwa Kaminuza ya Gitwe mu nama n’abanyeshuri mbere y’uko bataha

Umuyobozi wa Kaminuza ya Gitwe, Rugengande Jered, yatangarije ikinyamakuru Ukwezi.com ko batunguwe cyane n’icyemezo cyafashwe na Minisiteri y’Uburezi kuko basanga bujuje ibisabwa byose kandi n’isuzumwa ryakozwe rikaba rimaze igihe kuburyo hari ibindi byinshi byahindutse muri iyi Kaminuza nyuma y’iryo suzumwa. Avuga kandi ko asanga Minisiteri y’Uburezi yarashingiye ku byemezo by’amasuzuma ya cyera, ntiharebwe ibyagiye binozwa.

Yagize ati: "Icyemezo cyaradutunguye kuko mu by’ukuri raporo mbona Minisiteri yashingiyeho, ni raporo za cyera kuko twagiye dukorerwa amasuzuma kenshi, uko baje tukongeraho tukongeraho... Usanga rero ririya suzuma Minisitiri yashingiyeho, mu by’ukuri yaragiye ihera ku byemezo by’amasuzuma yabaye mbere. Icya kabiri hagati y’igihe baziye n’igihe bagendeye, hashize amezi atandatu, muri ayo mezi ashize ubu hakozwe byinshi rero. Urugero basanze dufite imirambo yo kwigiraho ibiri, turayongera none ubu tumaze kugera kuri 12, kandi ntekereza ko n’i Butare batayifite."

Uyu muyobozi avuga ko hari n’ibindi iyi Minisiteri ishobora kuba yarabwiwe n’abantu by’ibinyoma nko kuvuga ko batemera Inama Nkuru y’Uburezi (Higher Education Council) kandi badashobora kwanga urwego rwashyizweho na Leta. Avuga ko abanyeshuri babo biga neza bakanabona ibyangombwa na za laboratwari zujuje ibyangombwa zituma no mu bikorwa byo kwimenyereza umwuga (Stages) bashimwa ubuhanga n’ubumenyi bahabwa.

Abanyeshuri bakoreshejwe inama bamenyeshwa ko bagomba gutaha

Kugeza ubu, umuyobozi wa Kaminuza ya Gitwe avuga ko abanyeshuri bagera ku 1300 ari bo barebwa n’iki cyemezo, bisobanura ko hagiye gusigara abanyeshuri babarirwa muri 250 barimo abiga ibijyanye n’ubumenyi mu bya mudasobwa (Computer Science) ndetse n’abandi biga uburezi biga mu gihe cy’impera z’icyumweru (Week-End) ndetse n’abiga mu kiruhuko.

Rugengande Jered avuga ko barimo gukorana inama n’abanyeshuri ngo babohereze mu rugo babe batashye, hanyuma batangire gusaba Minisiteri y’Uburezi ko habaho gushishoza ku cyemezo cyabafatiwe bakaba bakohereza akanama gashinzwe kureba neza uko byifashe, byaba ngombwa na Minisitiri w’Uburezi ubwe akajya kwirebera akabona ko bujuje ibyangombwa bisabwa.

Hagati aho ariko bamwe mu banyeshuri bigaga mu mashami yahagaritswe baganiriye n’ikinyamakuru Ukwezi.com, baragaragaza ko bababajwe cyane n’icyemezo bafatiwe kandi basanga uburezi bahabwa bufite ireme ndetse hari laboratwari zujuje ibisabwa n’ibikoresho nkenerwa bijyanye n’igihe, bakagira n’ibitaro bya Gitwe bakoreramo umwuga wabo mu buryo bwo kwimenyereza.

Abanyeshuri basezerewe barataha ariko bavuga ko bababajwe cyane n’icyemezo cyafashwe


INKURU ZA :
Tanga Igitekerezo
Ibitekerezo 29
tena Kuya 29-03-2017

manayanjye iyomuvuze ibyibigo byabaganga bitujuje ibyangombwa ngira troma,mureke kubavujyira kugifunga byari ngombwa,ubu nikoreye ubumuga natewe numuganga wanteye urushinjye nabi kubera gukora ibyo atazi,sinteketeza ko uyu yize ibyo yumva,mfite agahinda mumutima kubera iyu muganga,ubuzima ntibukinishwa bavandi.

victor Kuya 19-03-2017

basore mwihangane nta bitagira iminduka, gusa ubuyobozi bwikigo bukore iyo bwabaga ikibazo gicyemuke vuba.Koko niba nta zindi mpamvu zibyihishyye inyuma nta kabuza ukuri kugomba kumenyekana mugafatirwa imyanzuro yubufashya bumwe cq ubundi arko amasomo agakomeza.Gusa muri byose twizera ko ubuyobozi bwacu muri rusange ari nta makemwa bwitaye cyane kwitera mbere rya bana b’Igihugu. Amahirwe masa.

nisizimana jeanmarie Kuya 18-03-2017

AKO NAKARENGANE KUBANYESHULI,IKIGO KIGOMBA KUVUGURURWA HAGASHYIRWAHO IBIGOMBWA BYOSE, HANYUMA ABANYESHULI BAKAZAGARUKA KWIGA ,ARIKO BAKAJYA BABAKORESHA ICYIZAMINI CYATURUTSE MURI KAMINUZA Y’URWANDA COLLE YUBUVUZI N ’UBUZIMA ?

Claude Schola Kuya 17-03-2017

abo banyeshuli bararenganye, ikigo nicyo kigomba gukosora ibyo kitujuje

Ayinkamiye Catherine Kuya 17-03-2017

Yesu weeee.
ibibyemezo ko bikarishye?
leta nice inkoni zamba cg abo banyeshuri basubizwe utwabo kko birenze ubwenge bwa muntu .!

Ni igihombo gikabije pe Ku mpande zombi.

ESE uriya muyobozi ntabwo yigeze ahabwa remarques?????

kaneza Kuya 17-03-2017

UYU MUNTU WIYISE wema wabona ari umwe mubayobora iki kigo wahindaguye imyirondoro ye murebe ku mbuga zose zanditse kurino nkuru murasanga kino gitekerezo cye yagiye akinyanyagiza hose none mwabwira icyo yaba ashinzwe ngo yagiye kugenzura hhahahah aragenzura se ashinzwe iki ? uziko uri na bwenge wowe urakora copy paste ku mbuga zose none ko bayihagaritse wagiye kuvuga muri ministeri ibyo uri kunyanyagiza ku mbuga zose uri umuswa wabona uri umwe mubahakora hariya najye narahize ariko ministeri iravuga ukuri na bitabo wahibonera ahubwo bazagenzure ni myubakire yahpo kuko na buziranenge ifite na nu burambe umusaza gerard arakugendera agasaba abubatsi be gufata inzu akayigereka hejuru yindi nzu ishaje amashuri yo muri secondary ya esapaga yagiye ayagerekaho andi hejuru kandi ari mu gishanga ahubwo bizahirimira abantu kuko nabwo bizaramba igihe kinini

kanakuze Kuya 17-03-2017

MUBAREKE BIGE NYINE BAZAZE ARI INANGA NYINE NAWE MEDECINE BIGA ARI 200 MU ISHURI RIMWE AHO UMWARIMU ATEMEREWE GUTANGA ECHEC NGO ABANYESHURI NIBO BA BOSS BADUHEMBA !!!!!!!!!!!!!!!!!!!!IREME RY’UBUREZI TUZABA DUFITE DOCTEUR WANDIKA ASPIRINE GUSAA !!!!!!!!!!!!!!!!!!!!AZA KU KAZI YAMBAYE IKABUTURA NA SANDALE

wema Kuya 17-03-2017

Jye narahigereye nyuma yo kumva ibivugwa,dore uko nabisanze:
Ibisabwa byose birahari,ntabwo wakora igenzura amasaha 3 ngo uvuge ngo ubonye byose ndetse ngo ufate n’umwanzuro nk’uriya.
1.Laboratwari zirahari zihagije kandi zitandukanye ukurikije ibyo zigisha
2.Skills labs zirahari zihagije zitandukanye ukurikije ibyo zigisha
3.Isomero ( Library)ririmo ibitabo bihagije kandi bigezweho ndetse birenze ibikenewe
muri iryo somero harimo computers zifite connection yihuta,zitizwa buri munyeshuri wese uyikeneye
kandi n’abafite Laptops zabo babona connection mu kigo hose no mu nkengero z’ikigo ndetse hari na Computer Labs
4.Hari Conference Room ku buryo n’abarimu baba mu mahanga bigisha bigisha bitagoranye.
5.Hari abarimu bahagije babifitiye ubushobozi kandi bitanga bakorana umurava bize mu bihugu binyuranye byo kuri iyi si.
6.Abahiga bahabwa n’ubumenyi bw’ukuntu Imana ari urukundo
7.Abana bahiga ni intore zitari intoraguramayugi ndetse bafite n’Abatoza.

Nkurikije uko nabibonye Kaminuza ya Gitwe nta kibazo ifite ahubwo ni "Bandebereho Role Model".

Gusa mfite impungenge ko Ministre yaba ataragejejweho amabaruwa bavuga yo gukora igenzura rireba ko ibyo irya mbere ryari ryasabye byakozwe.

Leonard Kuya 17-03-2017

ubu c turabwirwa n’iki icyatumye bagifunga koko ngo abe ariho duhera tubaza? "ukurusha ububasha akugonda ijosi"

Chaz Kuya 17-03-2017

Ariko tuve mu matiku dushire mugaciro, ntabwo Leta y’u Rwanda yapfa gufunga Kaminuza yigamo abana barenga 1000 idafite impamvu. Ikindi niba haribyo Leta yabasabya kuzuza yagaruka kugenzura igasanga bituzuye kandi bavuga ko Kaminuza Imaze imyaka 4 itangiye aho Leta nayo yaba ifite ikibazo ubundi Kaminuza igomba gutangira gukora aruko ibyangombwa byose byuzuye. Ikindi byaba bibababje niba iyo Kaminuza yigisha Ubuganga ipfa gufata abana bose ibonye nta condition y’amanota ndetse nibyo bize igendeyeho, urugero byaba aragahomamunywa kuba wafata umuntu utarize muri Secondaire CHIMIE-BIOLOGIE warangiza ukamwemerera kwiga MEDECINEE, NANONE BYABA BITANGAJE NDETSE BINABABAJE GUFATA UMWANA UFITE MUNSI Y’AMANOTA BYIBURA nka 55/70 BYABA BIBAJE CYANE, UBUNDI MURI KAMINUZA Y’U RWANDA MEDECINE YIGAMO CG YEMERERA ABANA BAFITE HEJURU YA 67/70 KWIGA MEDECINE IBAZE RERO NIBA GITWE YAKIRA NABAFITE ZA 30 URUMVA SE KOKO UMUNTU UFITE AMANOTA 68 WIGA MEDECINE I BUTARE NUNDI UFITE 30 WIGA MEDECINE I GITWE UBWO ABO BAGANGA BAZAHURIRA HE KOKO? KANDI WAWUNDI UFITE 68 NANIWE UFITE ABARIMU BAHAGIJE KANDI BARI QUALIFIED MUGIHE WAWUNDI UFITE 30 NTABARIMU BAHAGIJE AFITE NDETSE NTIBARI NA QUALIFIED N’ IKIBAZO GIKOMEYE.
UMWANZURO ABANA BIGAGA MURIYO KAMINUZA YA GITWE NTABWO INGARUKA ZUKO KAMINUZA ITUJUJE IBYANGOMWA ZABABAZWA IKINDI NTABWO ABABYEYI BABIHOMBERAMO AKO KAGENI KUKO MUBYUKURI IYO KAMINUZA YATANGIYE HARUBURENGANZIRA BWA LETA IFITE NIBA LETA IFUNZWE ABANA BAHIGAGA BAGOMBWA GUKEMURIRWA IKIBAZO NA LETA SOIT IBAJYANE AHANDI CG ISHAKE INDI PRIVE IFITE MEDECINE BAJYE KWIGAMO CG IBAJYANE MURI KAMINUZA Y’U RWANDA NUBUNDI U RWANDA RUKENEYE ABAFANGA BENSHI.

Mahoro Kuya 17-03-2017

Ndashaka gusubiza Nsabimana; Ngo medicine yiga abahanga gusa, ninde wakubwiye Ko habaho abahanga n’abaswa? Ko twese dufite ubwenge bungana, itandukaniro ar uko tubukoresha. Ese ugiye muri UG ukabaza urugero nka prof Gashegu wigisha anatomy muwa 1 no mu wa 2 yakubwira Ko abo bana ari abaswa nk’uko ubivuga? Ese n’urwara ukajya muri emergency umuganga uzahasanga uzamubaza aho yize mbere yo kukuvura cyangwa icyo wowe uzaba ukeneye Ni umuganga gusa ukuvura. Ese ubwo uzzi abantu bitanze kugirango kiriya kigo gitere imbere, uzi imbaraga bariya bana bakoresha Ngo batsinde uko zingaba? Ese ubundi Ni iki kikubwira Ko abiga medicine muri UR bosee baba barujuje national exam yo mu wa 6? Ntago uziko kugirango umuntu yitwe docteur abanza gukora ikizamini cya leta, noneho ubu bazajya bakora icyo muri EAC... so mugabanye amashyari niba umuntu afite ubuhanga n’ubushobozi, afite inyota yo Kumenya kuki wamuca intege. Bana bigaga muri UG mwihangane ibyiza biri imbere ntimucike intege kandi mukomere.!

mucyo Kuya 16-03-2017

Wowe wiyuse santa maria urumwe muri babandi bavuzengo igitwe amadhuri ahari bayasenye bahashyire irimbi nahubundi gerard ntamwanawe wiga hano nsbsna bigihugu

fatuma Kuya 16-03-2017

nonese imyaka iki kigo kimaze ntibyari bizwi ko gikora.papias akaba aragishenye rero.uhemukiye ababyeyi ntakindi ukoze.hafi yabaforomo dufite mugihugu 60%.bize igitwe.ngaho genda uce diplome zabo kuko ubaye ministre.ntangoma zidashir

Birancanze Kuya 16-03-2017

IKI KIBAZO KIRIMO AMAYOBERA MENSHI.UYU WIYISE HUMUKA ASHOBORA KUBA YIBAZA IMPAMVU KI BYAGEZE AHA!ESE YE UZIKO IYO UMUNTU YAHAWE ICYANGOMBWA BURUNDU CYO GUKORA UKAMUFUNGIRA HANYUMA WOWE UMUFUNGIYE UBA WISHE AMATEGEKO?KUKO WAMUSINYIYE KO YUJUJE BYOSE.IKINDI NJYE CYANCANZE NI UGUSOMA MU MUSEKE KO ABAKOZE IGENZURA BAHAMAZE AMASAHA 3.UBINDI IGENZURA NKA RIRIYA RIKORWA IMINSI 5 BYIBURA.UMUNTU YATEKEREZA KO ABAJE GUSUZUMA BARI BARI KWIYERURUTSA RWOSE.BYONGEYE KO TURIMO KUMVA KO MU KIZAMINI CYA LETA GISOZA ABIGITWE BAZA IMBERE YA ZA KAMINUZA ZA LETA . UBWO IBYIREME RY’UBUREZI SI IGIPINDI CYABANTU BOHEJURU? NAHO IBYO HUMUKA AVUGA BYAMATORA WENDA WANSANGA ABIZI REKA TUREBE UKO F P R NA NYAKUBAHWA BAKINA UYU MUKINO .KUKO NTIBAFUNGA ISHURI GUTYA GUSA NI KOKO KO HARI IGIHE INYUNGU ZA POLITIKI NIZABANTU KU GITI CYABO ZIGONGANA NIKO BITEYE.NIBAREKA ABANYESHURI GUTYA GUSA LETA IZABA IRENGANYIJE ABATURAGE YAGOMBYE KUBA IRENGERA RWOSE IBI BYIMVIKANE NEZA.REKA RERO IMANA TWE KUYIVANGA MURI UYU MUKINO W’ABANTU BUNYAMA.KUKO NABANA BIMANA IBYAGO BIBAGERAHO. BURYA AKENSHI UKURI NTABWO ARI IBYASHYIZWE KU MUGARAGARO, UKURI KUBA GUHISHWE KURI NKIZAHABU,IBIRI KUMUGARAGARO ABA ARI IGITAKA GUSA.DUTINYE IMANA

kabongo Kuya 16-03-2017

yesu Ashimwe!!!
ark koko dushyize mugaciro koko ubu leta yarebagahe into byose biba koko?kugirango Ababa barinde bagera mumwaka 4baziko ibintu bitameze neza nukuvugako abobana Atari aburwanda babigendeyemo

ndumva abanyeshu bakwandikira ministeri bagasaba guhabwa uburenganzira kuko ug na ministeri ntago barenganya abanyeshuli bangana gutyo.

ESE batababariye abanyeshuli abayeyi babo ko mubarije koko?

ESE ubwo nka ministeri na ug da
gusa murenganure ababyeyi nabana babo

yo gusa mwihangane named babyeyi murerera igitwe

Nsabimana Kuya 16-03-2017

Rwose umuganga agomba kuba ari umuhanga kdi akigishwa afite ibikoresho bihagije.Medecine yica umubanga bana.kuba ufite amafr.yo kwishyura ntibihagije ngo witwe Docteur,leta yacu iba yarebye kure.

Rwandanziza Kuya 16-03-2017

mu muvuzi nta technique zigomba kubamo, byari bikwiye ko habamo impinduka muri iriya kaminuza, nigute umuntu wize secondaire amasomo atarimo biology na chemistry kandi afite amanota 9,10,13,....bamwakira muri ariya mashami, njye ntabwo nabyumvaga pe, nibavugurure buzuze iibisabwa kdi bafate abarangije secondaire mu mashami yemerewe kwiga ibijyanye nibyo bahagaritse kdi batsinze neza. mukomeze kwihangana banyeshuli bahagaritswe twizereko bizakemuka neza

evariste Kuya 16-03-2017

Nimubemwihanganye mwitahire ntakundi byagenda ,ibyiyokaminuza isabwa nibyubahiriza bazongerababatumeho, leta ntiyatumamwicara gutyo!

evariste Kuya 16-03-2017

Nimubemwihanganye mwitahire ntakundi byagenda ,ibyiyokaminuza isabwa nibyubahiriza bazongerababatumeho, leta ntiyatumamwicara gutyo!

da Kuya 16-03-2017

Ariko se nkawe wiyise humura ibyo bigambo byose ninde ubigutumye!! Kugir ango wige ibijyanye na Labo ,igiforomo, hari condition zigenderwaho I Gitwe ntabwo ibyo bajy ababiha agaciro icyo bareba ni amafranga,ikindi bonger aabanyeshuri batongera ibikoresho muri Skills Lab no muri Labo baheruka ibyo baguze bagitangira!!!!

Kamana Kuya 16-03-2017

Birababaje cyane cyane ariko kuba hari umunyarwanda utekereza gutya. Ibibazo by a UG bifite uko byagaragajwe kugirango habungabungwe ireme ry,uburezi kandi na vice chancellor yavuzeko byakosotse mineduc ntirajya kureba ko babikemuye. Turizera ko bazajyayo bakabisuzuma ariko nyamuna twirinde gushyushya imitwe aho abana biga igitwe nabana b’u Rwanda . aya manjwe yamafaranga uvuga batatanze sinzi niba warigize planner wa commission yamatoro!!! Niba uri nawe Uri umuswa. Umbabarire , abanyarwanda turimo kwiga kwiyubaha no kubahisha abandi, abakiri bato muhumure dufite urwanda rudukunda birenze uko tubitekereza.

Kamana Kuya 16-03-2017

Birababaje cyane cyane ariko kuba hari umunyarwanda utekereza gutya. Ibibazo by a UG bifite uko byagaragajwe kugirango habungabungwe ireme ry,uburezi kandi na vice chancellor yavuzeko byakosotse mineduc ntirajya kureba ko babikemuye. Turizera ko bazajyayo bakabisuzuma ariko nyamuna twirinde gushyushya imitwe aho abana biga igitwe nabana b’u Rwanda . aya manjwe yamafaranga uvuga batatanze sinzi niba warigize planner wa commission yamatoro!!! Niba uri nawe Uri umuswa. Umbabarire , abanyarwanda turimo kwiga kwiyubaha no kubahisha abandi, abakiri bato muhumure dufite urwanda rudukunda birenze uko tubitekereza.

IRABIZI Kuya 16-03-2017

Nshuti muvandimwe wiyise HUMUKA, ndagirango ngutangarize ko ibyo wibwira ari imyumvire y’umubiriNIBA BASENGA KOKO NTA BURYARYA BURIMO, bakaba barengana bafite iyangombwa byose byuzuye koko nk’uko babivuga. irahabacisha mu mucyo kdi abana barakomeza bige mu izina rya yesu. naho niba badasenga by’ukuri kdi bakaba BATANATANGA AMAKORO I BWAMI. Ibyabo byabarangiriyeho kuko abatanga amakoro arahari.

people Kuya 16-03-2017

Ariko minister wagira ngo abajanama ntabaruwa urahagarika ishuli niwereke abana bigagamo aho baribwerekeze kandi barishyuye amafranga ngo bige ubu se wagize ngo ingaruka ziri kwishuli gusa cg nabana mwabatesheje agaciro gusa bafashe muhoreze ahandi bige kuko ejo nibo bazagusimbura kuri uwo mwanya ikindi fasha ababyeyi school fees kuyibona muri iki gihe biravuna

urasoma inyuguti zitanditse Kuya 16-03-2017

ibyo humuka uvuga rwose ntabwo aribyo kuko ndabona uhumra abandi kd wowe uhumye
ntabwo fpr ifunga ibikorwa igamije kwishakira isoko niba abantu haribyo batujuje ntibivugako bkomeza kubeshya abanyarwanda ngo baratanga uburezi budafite ireme

SANTA MARIA Kuya 16-03-2017

Erega usibye abo banyeshuri babihombeyemo, ntabwo rwose bitunguranye.
Wowe Gerard wakunze gukoresha amanyanga bugacya kabiri ariko ntabwo bwahora bucya.
Ministre wacu ni inyangamugayo ndabizi ntiyafata icyemezo gihubutse.Narebe uburyo abo bana b’u Rwanda bajya no mu bindi bigo ariko amanyanga ya bariya bahirika yarakabije:
Mbahe amazina y’abari kuhiga batabonye na 30 kandi biga mu ishami ry’ubuvuzi? Ababishinzwe bazakore iperereza ariko n’ubundi barararikoze!!!

Eric Kuya 16-03-2017

Ubuse iri shami ryagiye gutangira leta itabizi Ubuse aba bana basubije amafaranga nigihe bataye birabazwa nde leta rwose aha ibangamiye abaturage

Eric Kuya 16-03-2017

Ubuse iri shami ryagiye gutangira leta itabizi Ubuse aba bana basubije amafaranga nigihe bataye birabazwa nde leta rwose aha ibangamiye abaturage

HUMUKA Kuya 16-03-2017

ARIKO ariko, abanyarwanda muzahumuka ryari ? muzakubitwa uzingana iki ngo mukanguke, muve mu bitotsi.? ngo mwujuje ibyangombwa ! Birazwi KO mubyujuje , muri nabahanga rwose, yewe tuzi yuko muzana n’abarimu bavuye amerika.ariko se ubwo mwiyibagije KO U L K ya cyama For na Chef wayo igiye nayo ngufungura Ayo mashami yafunzwe ?? ese ubwo ntimuzi KO amatora yegereje ! Muzehe wigitwe yibutse gutanga miriyoni 500.zo gushyigikira amatora ?? Muri aho gusa ngo murasenga Imana ngo muri abarokore !! Yayayaya !!Ese ntimwibuka abavuze KO Imana bayirasiye I Gatuna ??? Ndabona mumeze nkihene iririra impyisi.nimusigeho kwiriza.kwiyumanganya No gukoresha igihanga naho ubundi........

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA