konka coffee
KONKA

AMAKURU

UKWEZI

Kagame yiyamamarije i Kigali muri Gasabo habera ibirori by’agatangaza- Amafoto

Kagame yiyamamarije i Kigali muri Gasabo habera ibirori by’agatangaza- Amafoto
2-08-2017 saa 14:11' | By Vincent Nsengiyumva | Yasomwe n'abantu 4376 | Ibitekerezo 2

Ibikorwa byo kwiyamamaza ku bakandida bahatanira umwanya w’umukuru w’igihugu byarangiye uyu munsi, aho buri mukandida arangije kuzenguruka impande zose z’igihugu abwira Abanyarwanda imigabo n’imigambi abafitiye. Muri Kigali mu Karere ka Gasabo ku musozi wo mu murenge wa Bumbogo habereye ibirori by’agatangaza by’abarwanashyaka ba FPR ibihumbi n’ibihumbi bari babucyereye gushyigikira umukandida wabo Paul Kagame, wahasoreje urugendo rwe rwo kwiyamamaza.

Mu rukerera rwo kuri uyu wa Gatatu tariki ya 2 Kanama nibwo abaturage bo mu turere dutandukanye two mu mujyi wa Kigali bazindutse berekeza muri Bumbogo mu karere ka Gasabo mu gikorwa cyo gushyigikira umukandida wa FPR Inkotanyi, Paul Kagame.

Ibyishimo byari byose ku bantu ibihumbi byinshi bari bateraniye ku musozi wa Bumbogo, aho bose bari bagaragazaga amarangamutima adasanzwe mu ndirimbo zaririmbwaga. Abakecuru, abasaza, urubyiruko bose bacinyaga akadiho mu ndirimbo baririmba indirimbo ziganjemo amagambo ashimangira ko bazatora Paul Kagame umukandida wa FPR Inkotanyi 100% .

Kimwe no muturere twose tugize igihugu cy’u Rwanda Paul Kagame yanyuzemo yiyamamaza, ubwitabire bwari hejuru, ariko muri Gasabo ho bagaragaje ikinyuranyo kidasanzwe aho abantu bari benshi cyane.

UKO IGIKORWA CYAGENZE UMUNOTA KU WUNDI

Saa 15:00 nibwo umukandida wa FPR Inkotanyi yageze ku kibuga muri Bumbogo ya Gasabo aho yakiranwe urugwiro n’ibihumbi by’abaturage bari bamutegereje. Impundu, kubyina bikoza ibicu bamwe bashaka kumureba bamwitegeye, amaragamutima adasanzwe, nibyo byagaragara ku mbaga iteraniye kuri iki kibuga muri Bumbogo ubwo yari akihagera.

Umukandida wa FPR Inkotanyi yahize azenguruka hagati mu mbaga y’abantu bari bazindukiye kumushyigikira abasuhuza nabo bakomeza kumwereka ko bari bafite inyota yo kumubona no kuganira nawe.

’Ni wowe, ni wowe , ni wowe’ niyo magambo imbaga y’abateraniye kuri iki kibuga bakirije, Paul Kagame, umukandida wabo, bisobanuye ko aba banyamujyi bamuri inyuma nta gushidikanya nkuko babimugaragarizaga.

Saa 15: 12 Murekatete Julienne, umusangiza w’amagambo yakiriye umukandida wa FPR Inkotanyi , Paul Kagame, anamuha ikaze muri aka karere ka Gasabo.

Saa 15:21Perezida wa PSD Vincent Biruta ahawe umwanya atangira ashima imiyoborere ya Perezida Kagame anashimangira ko ariyo mpamvu abanyarwanda bamukunda.

Yanashimangiye ko umukandida wa FPR Inkotanyi azatsinda kandi cyane.Ati "Mmbibire ibanga rero Banyagasabo Umukandida wacu azatsinda kandi cyane. Ku wa gatanu insinzi tuyifite mu biganza"

Saa 15: 26 Perezida wa PL Mukabalisa Donatille ahawe umwanya nawe yunga murya Biruta aho yagarutse ku butwari bw’Inkotanyi zari ziyobowe na Kagame kuva zatangira urugamba kugera aho igihugu kigeze uyu munsi.

Yanagarutse ku bufatanye bwa FPR n’indi mitwe ya politike aho yavuze ko nabo batazabatererana nka PL kubera ko nabo batabatereranye bakemera ubufatanye bwabo.

Saa 15:31Perezida wa PDI Sheikh Mussa Fazil Harerimana ahawe ijambo maze nawe ashimangira ko gahunda FPR imazemo iminsi atari ukwiyamamaza ahubwo ko ari ukwishimira insinzi.

Yagize ati " Nyakubahwa mukandida wacu ntawe utazagutora.Uwariwe wese aziko tuzagutora..."

Saa 15:35 Perezida wa PDC, Mukabaramba Agnes yahawe umwanya maze nawe ashimangira ko FPR ikunzwe cyane kubera imiyoborere yayo myiza maze anatanga urugero rw’ubwitabire bw’abanyarwanda bwagaragaye mu turere twose tw’igihugu baje gushyigikira umukandida Kagame.

Yagize ati "Nyakubahwa perezida byaragaragaye hirya no hino ko Abanyarwanda bagukunda [...] Perezida Paul Kagame aratuganisha heza, Ibyo avuze arabikora. Nyakubahwa perezida dufitiye ikizere aho mutuganisha niyo mpamvi PDC yagushyigikiye."

Saa 15: 43 Perezida wa PPC Dr Mukabaramba Alivera ahawe umwanya maze nawe yunga murya bagenzi be bamubanjirije nawe ashimira umukandida wa FPR ku bufatanye yemeye kugirana n’indi mitwe ya politike.

Ati "Ubufatanye bwanyu ni Ubudasa bwa politike nziza yo kutavangura, politike iteza imbere u Rwanda n’Abanyarwanda."

Yasabye abaturage ba Gasabo kutazagira imfabusa mu matora maze iterambere rikomeze kwihuta muri aka karere.

Saa 15: 49 Perezida w’ishyaka PSP, Kanyange Foibe yahawe umwanya maze nawe ashimangira ko impamvu bashyigikiye FPR Inkotanyi ari uko igira politike nziza yo kutavangura aho buri wese yahawe ijambo.

Saa 15 :55 Perezida w’ishyaka IDPR Nizeyimana Pio nawe yahawe umwanya ashimangira ko abarwanashyaka bose ba IDPL bashyigikiye umukandida wa FPR anamwizeza ko bazamushyigikira ibihe byose.

Saa 16:15 Umukandida wa FPR Inkotanyi Paul Kagame afashe umwanya wo kuganiriza imbaga y’abaje kumushyigikira i Gasabo. Bose bahagurukiye rimwe ibyishimo ni byose.

Abantu ibihumbi n’ibihumbi bitabiriye ibirori byo kwiyamamaza bkwa Kagame i Gasabo Ibyishimo byasaze abari baje gushyigikira Kagame Ibitangazamakuru bitandukanye byitabiriye iki gikorwa Akigera i Bumbogo imbaga y’abari bamutegereje basazwe n’ibyishimo karahava Yabanje kunyura hagati mu bantu agenda abasuhuza Kagame yagaragarijwe ko akunzwe bidasubirwaho Kagame n’umuryango we nabo bafatanyije n’imbaga y’abari baje kumushyigikira gucinya akadiho Madamu Jeanette Kagame nawe yari yizihiwe bidasanzwe Buri wese yashakaga kumwegera no kumwifotorezaho Imodoka zari nyinshi cyane


INKURU ZA :
Tanga Igitekerezo
Ibitekerezo 2
vuzimpundu Kuya 3-08-2017

Erega n’imana yamutwihereye

agaba juriuyas Kuya 2-08-2017

EROMINA

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...