konka coffee
KONKA

AMAKURU

UKWEZI

Kagame i Rulindo yashimangiye ko umugore azakomeza guhabwa ijambo - Amafoto

 Kagame i Rulindo yashimangiye ko umugore azakomeza guhabwa ijambo - Amafoto
20-07-2017 saa 10:49' | By Vincent Nsengiyumva | Yasomwe n'abantu 3222 | Ibitekerezo

Kimwe n’utundi turere umukandida w’Umuryango wa FPR Inkotanyi yamaze kunyuramo yiyamamaza, no mu Karere ka Rulindo ari bwiyamamarizemo uyu munsi abantu bazindukiye ahari bubere iki gikorwa ari benshi cyane na morali idasanzwe mu ndirimbo zitandukanye zigenda zigaruka ku bigwi n’ubutwari bwa Kagame bwe n’umuryango yaserukiye wa FPR. Mu mihanda y’aka karere higanjemo amabara n’ibirango bya FPR.

Mu gitondo cyo kuri uyu wa Kane tariki ya 20 Nyakanga,umukandida wa FPR yabonanye n’abarwanashyaka be bo muri aka karere ka Rulindo maze abagezeho imigabo n’imigambi ye bashobora kuzashingiraho bamushyigikira mu matora y’umukuru w’i gihugu tariki 4 Kamena 2017.

Iki gikorwa cyabereye ku kibuga cya Gasiza mu murenge wa Bushoki, aho abaturage baturutse mu mirenge yose yo muri aka karere ndetse no mu tundi duce dutandukanye duhana imbibi n’aka karere bakaba baje gushyigikira umukandida wabo.

Abahanzi batandukanye bamaze kugera ahari kubera iki gikorwa, ubu bakaba batangiye gususurutsa imbaga y’abantu bateraniye ku kibuga cya Gasiza muri Bushoki, bakaba bari kuririmba indirimbo zitandukanye ziganjemo izishyigikira Paul Kagame umukandida wa FPR.

Saa 1:20 Umukandida wa FPR Inkotanyi Paul Kagame yasesekaye ku kibuga cya Gasiza, yakiranwa ubwuzu budasanzwe n’abari bamutegereje.

Paul Kagame umukandida wa FPR, abanje gusuhuza imbaga yari imutegereje ubu akaba ari kubazengurukamo abasuhuza nabo bamugaragariza urugwiro bari bamufitiye.

Mu ijambo yagejeje ku mbaga y’abantu bari bamutegereje, Umukandida wa FPR yavuze ko buri munyarwanda wese agomba kugira uruhare mu gushyigikira iterambere ry’umutegarugore.

Yagize ati “ Ubu ntibwo bikiri ‘He for She’ ahubwo yahindutse’ We for She’. Turi hamwe duteza imbere umugore, umutegarugore ariko n’umugabo adasigaye inyuma. Tugomba kugendera hamwe twese ntawe usigaye inyuma.”


Kagame yabanje kuzenguruka mu mbaga y’abaje ku mushyigikira abasuhuza

Saa 11:33 Umuturage witwa Mugiraneza Venuste w’imyaka 46 yatanze ubuhamya bw’aho umuryango wa FPR wamukoreye.

Yavuze ko yari mu buhungiro mu mashyamba ya Congo ari mu bacengezi maze ingabo za FPR zimuvanayo zimugarura mu Rwanda anahabwa akazi muri Leta.

Yavuze ko yatangiye kwikorera muri 2003 atangiza ibihumbi 70, ariko kubera Leta nziza iriho yagiye imufasha ubu afite uruganda rukomeye rutunganya Kawa ubu akaba afite imitungo ibarirwa muri miliyoni 100 z’amafaranga y’u Rwanda.

Saa 11:46 Perezida w’ishyaka PSD, Vincent Biruta, yahawe umwanya maze nawe ashimangira ko ibi bikorwa atari ukwiyamamaza ngo ahubwo ni ibirori kuko umukandida wa FPR yamaze gutorwa kera ubwo abaturage bisabiraga referandum.

Yagize ati " Umuryango wa FPR uvuze Ubumwe, Amajyambere Demokartasi,Imibereho myiza y’abaturage kandi natwe PSD ni uko. Ni nayo mpamvu twayigiye inyuma tukayishyigikira.[...] Umukandida wacu Paul Kagame atubwira ubuzima kuri bose, atubwira uburezi kuri bose, atubwira amajyambere kuri bose, ibikorwa remezo kuri bose niyo mpamvu tugomba kumushyigikira."


Ku misozi itegeye ahari kubera iki gikorwa handitse amagambo agira ati ’FPR Oyee’


Ibyishimo ni byose ku bari ku kibuga cya Bishoki bategereje kwakira umukandida wabo


Abayobozi batandukanye bamaze kugera aho igikorwa kiri kubera


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...