konka coffee
KONKA

AMAKURU

UKWEZI

Kagame yakomereje i Rusizi yiyamamaza, Nyakabuye na Gihundwe ibyishimo byari byose-Amafoto

 Kagame yakomereje i Rusizi  yiyamamaza, Nyakabuye na Gihundwe ibyishimo byari byose-Amafoto
28-07-2017 saa 11:13' | By Vincent Nsengiyumva | Yasomwe n'abantu 1756 | Ibitekerezo 2

Ibihumbi by’abaturage bo mu Karere ka Rusizi bazindukiye mu mirenge ya Nyakabuye na Gihundwe aho biteguye kwakira umukandida wa FPR Inkotanyi, Kagame Paul. Muri Nyakabuye niho uyu mukandida ari bubanzemo, abaturage bo muri aka gace gahana imbibi n’u Burundi ndertse na Congo bazindukiye ku kibuga cy’ahitwa ku mashyuza ari benshi cyane aho bategeranyije ubwuzu n’amatsiko menshi umukandida wabo baje gushyigikira.

Uyu ni umunsi wa 3 Umukandida wa FPR Inkotanyi azenguruka Intara y’uburengerazuba aka karere gaherereyemo, nyuma yo kuva muri Nyabihu, Rubavu, Rutsiro na Karongi akazasoza urugendo rwe muri iyi ntara ku munsi w’ejo kuwa Gatandatu tariki ya 29 Nyakanga muri Nyamasheke.

Kimwe n’utundi turere twose uyu mukandida amaze kuzengurukamo yiyamamaza, no mu karere ka Rusizi ubwitabire bw’abaje kumushyigikira buri hejuru aho bazindukanye morale idasanzwe mu ndirimbo zitandukanye zivuga ibigwi by’umukandida wa FPR Inkotanyi.

Bamwe mu baturage baganiriye n’Ukwezi.com bari ku kibuga cya Mashyuza mu Bugarama bavuze ko batangiye kuhagera mu masaha ya Saa kumi z’urukereza.

KURIKIRA UKO IGIKORWA KIGENDA UMUNOTA KU WUNDI

Abahanzi batandukanye barimo Jay Polly, Tom Close, Dream Boyz, King James n’abandi batandukanye bageze ku rubyiniriro aho bari gususurutsa imbaga y’abaturage bateraniye ku kibuga cya Mashyuza.

Saa 13: 25 Umukandida wa FPR Inkotanyi ageze ku kibuga cya Mashyuza aho yari ategerejwe n’ibihumbi by’abaturage yakiranwa urugwiro rudasanzwe aho buri wese yahise asimbukira hejuru n’amashyi n’impundu bamwereka ko bari bafite inyota yo kumubona no kuganira nawe.

Saa 13:35 Umutegarugore Uwimana Safina utuye mu Bugarama witeje imbere yahawe umwanya maze avuga ibigwi umuryango wa FPR uyoboye na Kagame, ashimangira ko we n’abandi bagore bo mu Bugarama bateye imbere babifashijwemo n’uyu muryango.

Saa 13:45 Umuyobozi w’ishyaka PSP Kanyange Foibe yahawe umwanya maze nawe avuga ko hari impavu nyinshi zatumye bifatikanya na FPR Inkotanyi.

Yagize ati "Kimwe mu byatumye twifatanya na FPR Inkotanyi ni ubwisanzure muri Politike. Twese dufite uruvugiro kubera FPR.Ikindi kandi FPR ntabwo yihariye ubuyobozi kuko yasaranganyije n’andi mitwe ya Politike. Ubu nka Minisitiri w’intebe ntabwo abarizwa mu muryango wa FPR, uyobora inteko ishinga amategeko ntari muri FPR n’abandi bakomeye. Izi ni zimwe mu mpamvu twamubengutse turamushyigikira"

Ibyishimo ni byose ku babyeyi bategereje kubona umukandida wa FPR Inkotanyi

Amafoto : Karangwa Gaspard


INKURU ZA :
Tanga Igitekerezo
Ibitekerezo 2
Estache USA Kuya 28-07-2017

Gukunda igihugu ni kukirinda icyagiteza umutekano muke udahaye agaciro ibyo benshi baha agaciro bivuye mu marangamutima ashingiye ku moko, uturere n’ ibindi. Tora uzagirira igihugu umumaro.

Estache USA Kuya 28-07-2017

Gukunda igihugu ni kukirinda icyagiteza umutekano muke udahaye agaciro ibyo benshi baha agaciro bivuye mu marangamutima ashingiye ku moko, uturere n’ ibindi. Tora uzagirira igihugu umumaro.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...