konka coffee
KONKA

AMAKURU

UKWEZI

Menya ibintu 4 bikomeye byagaragaye Diane Rwigara atanga kandidatire ye

Menya ibintu 4 bikomeye byagaragaye Diane Rwigara atanga kandidatire ye
20-06-2017 saa 16:53' | By Chief Editor | Yasomwe n'abantu 32095 | Ibitekerezo 12

Nk’umukandida wigenga ku mwanya wa Perezida wa Repubulika y’u Rwanda, mu matora azaba muri Kanama uyu mwaka, Diane Shima Rwigara yagejeje muri Komisiyo y’Amatora, ibyangombwa asabwa ngo yemerwe nk’umukandida. Muri iyi nkuru, turakugezaho ibintu 4 bikomeye byagaragaye muri iki gikorwa.

1. Byamenyekanye ko Diane Rwigara wari umunyaburayikazi w’Umunyarwandakazi, yemeye guhara ubwenegihugu bw’u Bubiligi

Mu bisabwa umukandida ku mwanya wa Perezida wa Repubulika mu Rwanda, harimo kuba agomba kugira ubwenegihugu bw’u Rwanda ariko akaba adafite ubundi bwenegihugu na bumwe. Diane Rwigara asanzwe ari umunyarwandakazi ariko akaba n’umubiligikazi kuko yari afite n’ubwenegihugu bw’u Bubiligi, bivuga ko ubusanzwe ibi byari kumubera imbogamizi yo kwiyamamaza.

JPEG - 262.3 kb

Diane Rwigara mu kiganiro n’abanyamakuru amaze gutanga kandidatire ye

Iki gihugu cyo ku mugabane w’u Burayi ariko, ntabwo kikibara Diane Rwigara nk’umuturage wacyo, kuko Perezida wa Komisiyo y’amatora, Prof Kalisa Mbanda, yatangaje ko hari ibaruwa bakiriye igaragaza ko Diane Rwigara yemeye kureka ubwenegihugu bw’u Bubiligi, kandi ibyo bikaba byaranemejwe n’ibiro by’Abahagarariye u Bubiligi mu Rwanda.

2. Diane Rwigara yageze muri Komisiyo y’amatora bigaragara ko ashyigikiwe na nyina

JPEG - 316.7 kb

Kuva Diane Rwigara yatangaza ko aziyamamaza ndetse no mu bindi bikorwa bye bijyanye n’inzira yiyemeje yo guhatana ku mwanya w’umukuru w’igihugu, nta muntu wo mu muryango we wari warigeze agaragara ahaberaga ibyo bikorwa ngo bigaragare ko amushyigikiye, nyamara nyina, Adéline Rwigara, ari mu bamushyigikiye muri iyi nzira nk’uko byagaragaye muri Komisiyo y’amatora, aho yari amuherekeje kandi ubwo bari muri Komisiyo akaba yagaragaye kenshi amwongorera, bigaragaza ko bari kumwe cyane anamubera umujyanama mu nzira arimo.

3. Diane Rwigara afite urubyiruko rwabyiyemeje, ruvuga ko ruzamwamamaza kakahava

JPEG - 294.4 kb

Ubwo Diane Rwigara yageraga kuri Komisiyo y’igihugu y’amatora, uretse imodoka yari arimo hamwe n’abandi bari bamuherekeje, hari n’imodoka ya Coaster yari yuzuye abasore n’inkumi bigaragara ko bakiri bato, batangarije ikinyamakuru Ukwezi.com ko bamwe muri bo banamuherekeje hirya no hino mu gihugu bakamufasha gusinyisha ngo abone imikono 600 yasabwaga. Bashimangiye kandi ko nyuma yo kwemerwa kwa kandidatire ye, bazamwamamaza bivuye inyuma kandi ngo bizeye intsinzi.

JPEG - 309.4 kb

Umwe muri bo, ni umusore uri mu kigero cy’imyaka nka 25, watangaje ko icyatumye amushyigikira ari uko ari umukobwa kandi n’ubusanzwe akaba amukunda cyane.

4. Diane Rwigara yavuze ko amafoto amugaragaza yambaye ubusa ari igisebo ku banyarwandakazi

JPEG - 378.7 kb

Ubwo yabazwaga n’abanyamakuru ku bijyanye n’amafoto ye yagiye hanze amugaragaza yambaye ubusa, Diane Rwigara yavuze ko amafoto yagaragaye ari amahimbano yakozwe hakoreshejwe ikoranabuhanga, anagaya abagore n’abakobwa b’abanyarwandakazi batigeze bahaguruka ngo babirwanye kandi ari ihohoterwa yakorewe, aboneraho no gushimangira ko ayo mafoto atamusebeje wenyine ahubwo ngo yasebeje abanyarwandakazi muri rusange.

JPEG - 214.6 kb

REBA VIDEOS Z’UKO BYARI BYIFASHE HANO:


INKURU ZA :
Tanga Igitekerezo
Ibitekerezo 12
EUGENE Kuya 3-07-2017

Nibyorwose igihe Paul KAGAME amaze kubuyobozi ari intangarugero hangombye kuba hagaragara benshi cyane biyemeza kugera ikirenge mucye

Gakuba Kuya 30-06-2017

Nukuri umuntu utangiye abeshya ntitwamutora amafoto nyiri ukuyafata
arabyiyemererera none ngo uwayakoze ahubwo iyo nkozi y’ibibi yasebeje
abanyarwandakazi ahubwo bazagerageze bamujyane mukagoroba
kababyeyi bamuhane niyanga bamwamagane.

chaka chaka Kuya 23-06-2017

wow!!!!
courage sister,uburinganire. kandi bifite impinduka mwiterambere rirambye buracyenewe.

john Kuya 23-06-2017

Amafoto nimpimbano ate uwayagufotoye yarabisabiye imbabazi! ooohhh femme

Dete.breiton Kuya 22-06-2017

Nibyizaa ko hotsinda umunyarwanda kazi .kandi amaraso mashyashya abacyenewe murisosiyete koko kagame arashaje nagende aruhike azogaruke hanyuma abavugako batotejwe nabobibone mumaraso mashya y uwo mutegarugori

Dete.breiton Kuya 22-06-2017

Nibyizaa ko hotsinda umunyarwanda kazi .kandi amaraso mashyashya abacyenewe murisosiyete koko kagame arashaje nagende aruhike azogaruke hanyuma abavugako batotejwe nabobibone mumaraso mashya y uwo mutegarugori

Mary Kuya 22-06-2017

Go Diane!
Abakunzi b’igihugu ni wowe dutezeho amakiriro nta gushidikanya ko intwaro ya maman wawe ari yo Bibiliya izatsiindishiriza abanyarwanda amaraso y’inzirakarengane aratabaza.

Dizzy Kuya 21-06-2017

Courage name sake

Mucyo Kuya 21-06-2017

Yampaye inka, ntiwasanga atungurana nka President Macro, ibyo kwambara ubusa byo si igitangaza ni ibintu byoroshye gufata ifoto y’umutwe wawe bagashyiraho iy’inkozi zibibi.

Mahoro Kuya 21-06-2017

Basore n’inkumi mukomereze aho, Courage. Nta muntu kamara ubaho.

SIBORUREMA Kuya 20-06-2017

IBIKORWA BIRIVUJYIRA ABANYARWANDA TUMAZEGUKURA ICYOGUKORA TUCYIZI

Frank Karabaranga Kuya 20-06-2017

Yamayinka, agahiyahiyo ka Politique kagarutse, Erega tuzi ko Kagame yakoze ariko ibintu nkibi biba bicyenewe byerekana ko igihugu gifite Democratie, Commission ntinige canditature ye ahangane amaraso mashya n’ibikorwa bihangane....

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...