konka coffee
KONKA

AMAKURU

UKWEZI

Minisiteri igiye gufunga n’amashuri yisumbuye n’ubwo Kaminuza zafunzwe ’bakavuza induru’

Minisiteri igiye gufunga n’amashuri yisumbuye n’ubwo Kaminuza zafunzwe ’bakavuza induru’
12-07-2017 saa 12:32' | By Chief Editor | Yasomwe n'abantu 8723 | Ibitekerezo 9

Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye, Isaac Munyakazi, mu minsi ishize yatangaje ko mu mpera z’uyu mwaka wa 2017, hari amashuri yisumbuye menshi azafungwa, anongeraho ko bizakorwa n’ubwo mbere bafunze za Kaminuza abantu bakavuza induru. Iyi mvugo y’uko abatarabyishimiye bavugije induru, yababaje cyane bamwe mu babyeyi bafite abana muri Kaminuza zafunzwe.

Mu mwiherero wahurije i Musanze abayobozi ba Minisiteri y’Uburezi n’ibigo biyishamikiyeho mu kwezi kwa Gicurasi uyu mwaka, niho Isaac Munyakazi yavugiye ibyo gufunga amashuri yisumbuye n’ubwo za Kaminuza zafunzwe ’abantu bakavuza induru’.

Isaac Munyakazi yagize ati: "Buriya inspection (Igenzura) idufasha kutwereka abakora neza, ninayo inspection ituganisha kuzafunga bimwe mu bigo by’amashuri, kandi ibyo turabikora muri uyu mwaka. Twahereye muri za Kaminuza, Kaminuza zimwe twarazifunze abantu bavuza induru ariko na za secondaires ziri hanze aha nyinshi, n’izindi ababyeyi birirwa badutungira intoki bati nyamuneka mujye kuturebera ibirimo kubera hariya, it is a high time (igihe kirageze) ngo tuze tubirebe ariko tuje no gufata decision (umwanzuro)."

JPEG - 259.8 kb

Isaac Munyakazi, Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye

Isaac Munyakazi yakomeje asobanura ko mu mpera z’uyu mwaka wa 2017, ibigo by’amashuri yisumbuye bimwe na bimwe bizafungwa, hanyuma ababyeyi bakabimenyeshwa bakajyana abana babo mu bindi bigo. Aha yabisobanuye agira ati: "Tuzabifunga umwaka urangira, ababyeyi babimenyeshwe, bajyane abana babo mu yandi mashuri, dufite amashuri menshi ariko rwose gufunga ishuri ridakora ibyo twifuza, uyu munsi ntabwo kikiri ikibazo kuri Minisiteri y’Uburezi."

UMVA HANO UKO YABIVUZE:

Hari bamwe mu babyeyi bafite abana biga muri Kaminuza zafunzwe baganiriye n’ikinyamakuru Ukwezi.com, bagaragaje ko batishimiye uburyo uyu muyobozi yakoresheje imvugo y’uko Kaminuza zafunzwe abantu bakavuza induru. Umwe muri bo ufite umwana kugeza ubu wicaye iwabo, yavuze ko ibyo yumva ari nko kubajomba igikwasi, kuko gutakamba ngo Kaminuza abana babo bigamo zifungurwe bitandukanye no kuvuza induru.

Mu kiganiro yagiranye n’ikinyamakuru Ukwezi.com, Isaac Munyakazi yavuze ko mu kwezi gutaha kwa Kanama ari bwo hazatangira igenzura, hagasuzumwa ibigo bitujuje ibisabwa, byaba ibikoresho, abarimu n’ibindi bituma ireme ry’uburezi ridindira.

Abajijwe iby’uko hari abatarishimiye imvugo yakoresheje, Isaac Munyakazi yagaragaje ko asa n’utibuka neza ko iby’uko bavugije induru yabivuze, ariko agaragaza ko yashakaga kuvuga ko kuba hari abatarabyishimiye bitabuza Minisiteri gufata icyemezo mu gihe ibona ko gifite inyungu rusange ku baturage. Avuga ko ibyo yavuze uwabifata ukundi, ari uko yaba ashatse kubifata kandi icyo yashatse kuvuga akaba ari nacyo yasubiramo.


INKURU ZA :
Tanga Igitekerezo
Ibitekerezo 9
uburezi Kuya 14-07-2017

Ese mwafatanyije nibyo bigo kuzamura ubushobozi bwabo , ko numva gufunga ibigo aribyo bishyirwa imbere cyane ! abana babyigamo se nibura haricyo mukora ngo bo kudindira nagutakaza igihe biruka kuyandi mashuli ! ndabagira inama yo kutishimira gusenya,gufunga,.... murebe ibyoroshye bifasha abanyarwanda imikazo idashinjiye kuri analysis y’ibizakurikira ngo mumenye ibyo mukijije nibyo mwangije mbona biba bidakwiye ! muzigishe umuco wo gufashanya mureke kubona ibyanyu bigenda neza iby’ abandi bitabareba. !

eliya Kuya 13-07-2017

aya yo arazira iki? ahaaaa

kamberi Kuya 13-07-2017

Ivangura riri mu burezi ntiryigeze ribaho! Ubu hari ivangura rikabije,iyo mbona abana baturanye,bakina,umwe imodoka ikaza ngo imujyanye kwiga,mugenzi we agafata.iy’ amaguru agiye ku kigo feke,kititaweho,mwarimu wacyo ...........uwa hahandi ahembwa neza na bo bayobozi.......baturekeye abana.bakipfira nabi

ahhhha Kuya 12-07-2017

uyu muyobozi yakagombye gusaba imbabazi, kuko yakoze ikosa ryo kudutukira ababyeyi.
kandi nibatangira igenzura bazahere muri twelve years basic education barebe ibiri kuhakorerwa, aho abarimu bananirwa kwigisha ahubwo bakirirwa batera amada abo bigisha.

Neli Kuya 12-07-2017

Kandi wasanga uvuga ibi yarize muri ya mashuri y’amategura ataragiraga na prafond none ngo ntiyujuje ibyangombwa, iterambere ni ryiza ariko mumenye ko u rwanda tukiri kwiyubaka ntabwo turaba USA
think about your decision plz

Umusaza Kuya 12-07-2017

Kuvuza induru!uyu muyobozi ra!iyi mvugo ntiri diplomatic namba. Ukwiye ingando

Ntaganzwa Kuya 12-07-2017

Yewe!!
Abanyarwanda dufite ibibazo Ubwose Iyo mvugo yumuyobozi ko numva isa nkiyi guhanganisha abaturage nubuyobozi!!?!
NGO ninshaka bazavuze induru?!?!

Ntaganzwa Kuya 12-07-2017

Yewe!!
Abanyarwanda dufite ibibazo Ubwose Iyo mvugo yumuyobozi ko numva isa nkiyi guhanganisha abaturage nubuyobozi!!?!
NGO ninshaka bazavuze induru?!?!

rubanda Kuya 12-07-2017

ariko mujye mureka gutuka abantu bavuza induru kuko babaye muzajya muicara mu biro mwifate ibintu abantu baba barakoze mureba mucecetse nihashira imyaka bantu babihomeramo muti turabisenya mwagiye mukora supervision za buri gihe muhemberwa iki

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...