konka coffee
KONKA

AMAKURU

UKWEZI

Minisitiri Busingye yagobotse umugore wananiwe kwishyura imitungo yangijwe muri Jenoside

Minisitiri Busingye yagobotse umugore wananiwe kwishyura imitungo yangijwe muri Jenoside
27-03-2017 saa 20:04' | By Akayezu Jean de Dieu | Yasomwe n'abantu 7421 | Ibitekerezo 2

Minisitiri w’Ubutabera akaba n’Intumwa nkuru ya Leta y’u Rwanda, Johnston Busingye, yemeye kwishyura amafaranga y’u Rwanda ibihumbi bitanu n’ijana na mirongo itandatu n’ane (5.164 Frw) yaburaga ku yagombaga kwishyurwa na Mukamusoni Esperance ngo harangire indishyi z’ibyo umuryango we wangije muri Jenoside yakorewe abatutsi.

Mukamusoni Esperance uhagarariye umuryango wa Karemera Michel wo mu mudugudu wa Bushenyi , Akagari ka Bushenyi Umurenge wa Kiramuruzi mu karere ka Gatsibo, yaburaga amafaranga macye ngo arangize kwishyura imitungo y’umuryango wa Mudafungwa Jean Baptiste wo mu Mudugudu w’Amataba nawo wo muri aka kagari ka Bushenyi mu murenge wa Kiramuruzi, yangijwe muri Jenoside yakorewe Abatutsi muri Mata 1994.

Umusaza Mudafungwa Jean Baptiste wangirijwe imitungo muri Jenoside yakorewe abatutsi

Nk’uko inkiko Gacaca zihagarariwe n’Abunzi muri uyu Murenge wa Kiramuruzi zabyanzuye, uyu mugore yagombaga kwishyura amafaranga 135.164Frw ariko kubw’ubushobozi bucye avuga ko afite, akaba yarabashije kwishyura uyu 130.000Frw hanyuma andi mafaranga yari asigaye angana na 5.164Frw Minisitiri Busingye amwemerera kuyamushyiriraho ayavanye ku mufuka we.

Mukamusoni witeye igishura cy’ubururu ni we wagobotswe na Busingye

Ibi byabaye mu gihe u Rwanda n’abanyarwanda bari mu cyumweru cyahariwe Ubufasha mu mategeko ari naho atangiza iki cyumweru ku rwego rw’Igihugu, mu Murenge wa Kiramuruzi, mu karere ka Gastibo, ku wa 25 Werurwe 2016, Min Busingye mu butumwa yahaye abatuye muri aka karere yongeye kubibutsa ko kugana inkiko n’ubutabera atari wo mwanzuro bagakwiye kujya babanza gufata cyane ko no mu miryango hakemurirwa ibibazo aho kwirirwa basiragira mu nkiko.

Minisitiri Busingye kandi akaba yaranagarutse kuri iki kibazo cya Mukamusoni na Mudafungwa cyakemutse mu gihe gito kandi nta yandi mananiza abashije kuzamo. Minisitiri Busingye yagize ati “Ubusanzwe abanyarwanda twagakwiye kujya turangwa n’umuco mwiza wo kwikemurira ibibazo kuko niba nk’iki kibazo aba bombi bari bafite kimaze imyaka isaga 20, ariko muby’ukuri mubonye ko gikemutse mu gihe cy’iminota itageze kuri itanu..."

Umunyamabanga wa Leta Evode Uwizeyimana, Minisitiri Busingye na Guverineri w’Intara y’Uburasirazuba, Judith Kazayire

Minisitiri Busingye yakomeje avuga ko ibyo ari byo bashaka kwigisha abantu muri iki cyumweru cyahariwe ubufasha mu mategeko, aho bazajya begera bamwe batishoboye ariko bafitanye ibibazo n’inkiko, abari mu magereza anyuranye bakabafasha nka Minisiteri y’ubutabera ifatanije n’abafatanyabikorwa barimo Abunzi ndetse n’imiryango itanga ubufasha mu by’amategeko yibumbiye muri ‘Legal Aid Forum”


INKURU ZA :
Tanga Igitekerezo
Ibitekerezo 2
-xxxx- Kuya 28-03-2017

ubuse niba arukugiraneza ayobewe aho inzara irigucibintu ntiyumvise uwishwe azirakwiba igitoki inkoko ababayobozi bahembwameshi Bâbur en ou shin ga ikigega cyagoboka abishwe ninzara bahereye kubahembwa hejuru y’a 1000’000 niyoyajyatanga 20’000 noneho urihejuru 2000’000 agatanga 50’000 ewa’ 3000’000 agatanga 100’000 bikababurikwezi bababakoze igikorwacyiza

Narumiwe Jacques Kuya 27-03-2017

Ibihumbi bitanu! Ni Itegeko ry’indishyi yadefanze se ngo abahohotewe babe bahawe ubutabera bwuzuye!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...