konka coffee
KONKA

AMAKURU

UKWEZI

Minisitiri Edouard yikomye aba Enjeniyeri batarangwa n’ubunyamwuga mu byo bakora

Minisitiri Edouard yikomye aba Enjeniyeri batarangwa n’ubunyamwuga mu byo bakora
26-09-2017 saa 12:22' | By Akayezu Jean de Dieu | Yasomwe n'abantu 1954 | Ibitekerezo 1

Minisitiri w’intebe w’u Rwanda, Dr Ngirente Edouard yavuze ko ba Enjeniyeri batubahiriza amahame y’ubunyamwuga bakwiye guhagurukirwa mu maguru mashya kugira ngo hakumirwe gutakarizwa icyizere n’abagana serivisi zabo.

Minisitiri Edouard yagarutse kuri ubu butumwa kuri uyu wa 26 Nzeri 2017, ubwo yatangizaga inama Nyafurika y’aba Enjeniyeri iteraniye i Kigali ikaba ibaye ku nshuro yayo ya kabiri.

Mu butumwa yagejeje ku bitabiriye iyi nama, yashimangiye ko nta gihugu cyateye imbere kidafite aba Enjeniyeri ari nayo mpamvu usanga mu bihugu binyuranye bya Afurika harashyizweho amashuri yihariye agamije guhugura aba Enjeniyeri mu kububaka mu bushobozi na serivisi batanga.

Yagize ati “Nta gihugu na kimwe cyageze ku iterambere kidafite ba Enjeniyeri bashoboye, twizera ko umutungo wa mbere Afurika ifite ari ubumenyi bw’abaturage bayo, umukozi watojwe neza kandi wize neza agira uruhare rukomeye mu mpinduka zijyanye n’ubukungu. Ishoramari mu burezi bufite ireme rirakenewe kugirango duteze imbere ba Enjeniyeri bacu kandi babashe kubona ibisubizo by’inzitizi bahura nazo(…..). Urugero twashyizeho amashuri yigisha siyansi na ba enjeniyeri kandi iyi nama igamije kwibutsa mwe ba Enjeniyeri akamaro kanyu mu guhanga udushya muri serivisi z’ubu enjeniyeri”

Minisitiri Edouard kandi yavuze ko abakora muri izi serivisi batarangwa n’ubunyamwuga bakwiye guhagurukirwa. Ati “Turahamagarira mwe mukora muri izi serivisi z’ubu enjeniyeri kurangwa n’ubunyamwuga no kubaka icyizere n’agaciro mukomeza kugendera ku mahame akwiye umu enjeniyeri nyawe kugira ngo mubashe gutanga ibisubizo Afurika ibatezeho. Kubw’ibyo rero bamwe batabasha kurangwa n’ibyo bakwiye guhagurukirwa bagafatirwa ingamba”

Iyi nama ifite insanganyamatsiko igira iti ‘Turusheho gucunga neza imyanda muri Afurika’ ikaba ihuriyemo na ba Enjenyiyeri, abarimu muri za kaminuza, abashakashatsi, impuguke mu by’ubukungu, abashinzwe igenamigambi, inzego za Leta n’izigenga n’abandi bafatanyabikorwa baturuka mu Rwanda, mu karere no muri Afurika yose muri rusange. Amafoto:Primature


INKURU ZA :
Tanga Igitekerezo
Ibitekerezo 1
Emma Kuya 26-09-2017

Ibyo Minister avuga nikuri

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...