konka coffee
KONKA

AMAKURU

UKWEZI

Minisitiri Murekezi yasabye abarangije Kaminuza kureka imyumvire y’uko bazabona akazi ka Leta ahubwo bakihangira umurimo

Minisitiri Murekezi  yasabye abarangije Kaminuza kureka imyumvire y’uko bazabona akazi ka Leta ahubwo  bakihangira umurimo
25-08-2017 saa 12:09' | By Akayezu Jean de Dieu | Yasomwe n'abantu 2523 | Ibitekerezo 2

Minisitiri w’Intebe Anastase Murekezi yasabye abasaga 8000 barangije amasomo muri Kaminuza y’u Rwanda gukoresha ubumenyi bavanye mu mashuri basoje maze bakazana impinduka mu kwihangira imirimo aho kugenda bafite imyumvire ivuga ko bose bazabona akazi ka Leta.

Minisitiri w’intebe, Anastase Murekezi yabigarutseho kuri uyu wa Gatanu tariki 25 Kanama, ubwo yagezaga impanuro ku basoje amasomo yabo muri kaminuza y’u Rwanda mu muhango wabereye kuri Sitade Amahoro I Remera mu mujyi wa Kigali.

Minisitiri Murekezi wari uhagarariye Perezida Kagame muri uyu muhango, yifurije amahirwe abanyeshuli basoje amasomo bakaba binjiye mu buzima bushya kandi butandukanye cyane n’ubwo bari barimo ku mashuli, anaboneraho kubizeza ubufatanye na Leta.

Yagize ati "Imiryango yanyu, Igihugu ndetse n’isi tubatezeho byinshi, rero kugira ngo ube uwo ushaka kandi uhamye bisaba imbaraga nyinshi, gukora cyane. Ikindi kandi na Leta y’u Rwanda izakomeza gufatanya n’inzego zose bireba kugira ngo ireme ry’Uburezi rigerweho mu mashuli yose."

Murekezi yanavuze ko ubumenyi bakuye muri aya mashuri barangije bufite ireme kandi ko bujyanye n’ibikenewe ku isoko ry’umurimo bagiyemo.Minisitiri kandi yanashimangiye ko ubumenyi bafite buzabafasha kwihangira imirimo.

Yagize ati “Mwifashishije ubumenyi mufite, mugomba kuzana impinduka nziza mu mibereho y’abaturage, binyuze mu byo mwize cyangwa ibyo muzaba mukora. Kugira ngo mubashe kugera ku ntego mu buzima bwanyu buri imbere, murasabwa kureba kure, guhanga udushya no kwihangira imirimo aho kuba abajya gushakisha akazi.”

Mu rwego rwo gukarishya ireme ry’Uburezi mu Rwanda kuri ubu Kaminuza y’u Rwanda yarahujwe igirwa imwe akaba ifite amashami 9, ukongeraho amashuli y’ubumenyi ngiro akubiye mu kitwa IPRC abarizwamo amasomo atandukanye.

JPEG - 276.4 kb
JPEG - 237.6 kb

INKURU ZA :
Tanga Igitekerezo
Ibitekerezo 2
chivu Kuya 25-08-2017

ko wabonye igishoro se wavuye kuruwo mwanya ukajya gushinga iyo mirimo ugaha abandi urubuga ko ubucuruzi aribwo burimo frcs menshi erega tanga urugero iyo mumaze kugerayo mwibagirwa ko mwanditse ibaruwa isaba akazi

chivu Kuya 25-08-2017

ko wabonye igishoro se wavuye kuruwo mwanya ukajya gushinga iyo mirimo ugaha abandi urubuga ko ubucuruzi aribwo burimo frcs menshi erega tanga urugero iyo mumaze kugerayo mwibagirwa ko mwanditse ibaruwa isaba akazi

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...