konka coffee
KONKA

AMAKURU

UKWEZI

Minisitiri w’Intebe Ngirente yahagaritse abayobozi 4 muri RAB barimo na Dr Gahakwa

Minisitiri w’Intebe Ngirente yahagaritse  abayobozi 4 muri RAB barimo na Dr Gahakwa
22-11-2017 saa 12:20' | By Vincent Nsengiyumva | Yasomwe n'abantu 8844 | Ibitekerezo 1

Minisitiri w’Intebe, Ngirente Dr Edourad, yahagaritse by’agateganyo abayobozi 4 bo mu Ikigo cy’igihugu gishinzwe ubuhinzi n’Ubworozi (RAB), barimo na Dr Gahakwa Daphrose wari Umuyobozi wungirije muri iki kigo.

Ange Soubirous Tambineza ,ushinzwe itumanaho muri Minisiteri y’Ubuhinzi n’Ubworozi, yatangarije Ukwezi .com ko Dr Gahakwa n’abandi bayobozi 3 bo muri iki kigo bahagaritswe by’agateganyo na Minisitiri w’intebe.

Yagize ati " Nibyo koko ayo makuru yo guhagarikwa kw’abayobozi bo muri RAB niyo , bahagaritswe na Minisitiri w’intebe. Icyateye kubahagarika ntabwo twakimenye buriya aya makuru mwayabaza mu biro bya Minisitiri w’Intebe kuko aribo babikoze ku bubasha bahabwa n’amategeko."

Uretse Dr Daphrose Gahakwa wahagaritswe muri iki kigo, abandi bayobozi ni Bimenya Theogene wari Umuyobozi ushinzwe imari n’ ubutegetsi DAF, Umuyobozi wari ushinzwe ishami ryo kuvomerera imyaka ndtse na Nyirasangwa Violette wari umuyobozi ushinzwe ihuzabikorwa .

Hari amakuru avuga ko mubyo Dr Daphrose Gahakwa yaba yazize harimo n’uko mu minsi ishize yasuzuguye Komisiyo y’Inteko Ishinga Amategeko ishinzwe gukurikirana ikoreshwa ry’umutungo wa rubanda, ubwo yari yamutumiye kugira ngo atange ibisobanuro ku mikoreshereze y’umutungo muri iki kigomaze ntiyitaba.

Icyo gihe Umuyobozi Mukuru wa RAB, Dr Mark Cyubahiro Bagabe yatangaje ko kutitaba kwa Gahakwa ari ugusuzugura bikomeye ubuyobozi bwa RAB n’izindi nzego kuko yari yahawe inshingano zo kuzitaba, ariko Dr Gahakwa akaba yaraje kubitera utwatsi avuga ko atasuzuguye PAC ngo kuko umunsi wo kwitaba yari arwaye kandi ngo yanabimenyesheje bamwe mu bakoze bakorana.


Dr Gahakwa Daphrose wari Umuyobozi wungirije w’Ikigo cy’igihugu gishinzwe ubuhinzi n’Ubworozi (RAB)


INKURU ZA :
Tanga Igitekerezo
Ibitekerezo 1
gruec Kuya 23-11-2017

Nta kidasanzwe cyabaye kuko yahagaritwe nkuko undi wese yahagarikwa so what?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...