konka coffee
KONKA

AMAKURU

UKWEZI

Minisitiri w’Intebe yahagaritse umuyobozi ushinjwa kunyereza amafaranga ayitirira abanyamakuru

Minisitiri w’Intebe yahagaritse umuyobozi ushinjwa kunyereza amafaranga ayitirira abanyamakuru
16-06-2017 saa 09:13' | By Chief Editor | Yasomwe n'abantu 10504 | Ibitekerezo 6

Ntwari Nathan wari umuyoobozi ushinzwe guteza imbere ubushakashatsi n’iterambere ry’ireme ry’ibitangazwa mu binyamakuru (Director of Media Content, Research and Development) mu nama Nkuru y’Itangazamakuru mu Rwanda (Media High Council), yahagaritswe na Minisitiri w’Intebe kubera ibyaha ashinjwa byo gukoresha umwanya afite mu buyobozi, mu nyungu ze bwite. Hari amakuru avuga ko hari amafaranga agenewe guteza imbere abanyamakuru, yanyereje akoresheje abanyamakuru ba baringa.

Amakuru yizewe agera ku kinyamakuru Ukwezi.com, ashimangira ko Ntwari Nathan mu byo akurikiranyweho harimo no kuba yaragiye ajyana mu mahugurwa atandukanye abanyamakuru ba baringa, agamije kurigisa amafaranga yabaga agenewe abo banyamakuru yagombaga kubafasha mu mibereho no mu migendekere myiza y’ayo mahugurwa.

Kugeza ubu, Ntwari Nathan yahagaritswe ku kazi ke mu gihe cy’amezi atandatu mu gihe hagikorwa iperereza ku byaha akurikiranyweho, umwanzuro wo kuba yasubira mu kazi cyangwa yakwirukanwa burundu ukaba uzamenyekana bitewe n’uko ibyaha akurikiranyweho bizaba byamuhamye cyangwa se ubutabera bwasanze ari umwere.

Amakuru y’ihagarikwa rya Ntwari Nathan, yemejwe na Peacemaker Mbungiramihigo, umunyamabanga Nshingwabikorwa w’Inama Nkuru y’Itangazamakuru (Media High Council), mu kiganiro yagiranye n’ikinyamakuru Ukwezi.com. Yavuze ko uyu muyobozi yahagaritswe na Minisitiri w’Intebe, Anastase Murekezi.

Ntwari Nathan ubu arimo gukurikiranwa n’ubutabera ku byaha ashinjwa

Peacemaker ati: "Habayeho gufata ibyemezo bijyana n’ubuyobozi, ku bijyanye n’amakosa akurikiranyweho, ibyo byemezo rero biza kugera ku cyemezo Minisitiri w’Intebe yafashe cyo kumuhagarika by’agateganyo mu gihe cy’amezi atandatu mu gihe inzego z’ubutabera zikurikirana nyine amakosa aregwa... Amakosa akurikiranyweho mu magambo magufi, ni uko yakoresheje umwanya we afite w’ubuyobozi mu nyungu ze bwite, zitandukanye n’inyungu rusange z’akazi ashinzwe".

Peacemaker akomeza asobanura ko icyemezo Minisitiri w’Intebe yafatiye Ntwari Nathan kijyanye n’Ibiteganywa mu Iteka rya Perezida rigena uburyo bwo gutanga ibihano ku bakozi ba Leta bakoze amakosa mu kazi, cyane cyane mu ngingo yaryo ya 23.

Iyo ngingo igira iti: "Umukozi wa Leta ukekwaho ikosa riremereye rishobora gutuma ahanishwa igihano cyo mu rwego rwa kabiri, ashobora guhagarikwa by’agateganyo mu gihe kitarenze amezi atandatu (6), kugirango hakorwe iperereza ryimbitse ku ikosa rye. Muri icyo gihe umushahara w’umukozi wahagaritswe by’agateganyo kubera iperereza ukomeza kubarwa wose akanawubikirwa. Iyo nta kosa rimuhamye ahabwa imishahara ye uko yayibikiwe, iyo ikosa rimuhamye, atakaza uburenganzira ku mishahara yose yari yarabikiwe."


INKURU ZA :
Tanga Igitekerezo
Ibitekerezo 6
Martin Kuya 19-06-2017

Leta ni ihagurukire abayiba kuko ni benshi nkaba mfite ubwoba ko bazayirushya imbaraga ubujura bukaba ubuzima busanzwe. Dore aho mbishingira: mu karere ka Gakenke, umuyobozi ushinzwe abakozi( HRMA ) avugwaho diplome mpimbano yaguze muri RDC ariko Mayor ntacyo yamukoraho kdi nibyo ntiyize. Hakorwe iperereza nurwego rubifitiye ububasha.

mawazo Kuya 19-06-2017

Muri MHC ni agahomamunwa kabisa. Uyu Nathan yarabiciye ajyana mu mahugurwa abantu batazwi abitwa ko ari abanyamakuru ntibagire aho bajya yajyana abagore b’abagabo ugundi abagabo babo kdi atari abanyamakuru. Hari kdi n’abandi nkawe, nk’uwitwa Kanzayire Denyse, Rutayisire Emmanuel, na ba Peter, aba bose tuzi uko babogenza kuko bakoresha ikmenyane mu kujyana abanyamakuru mu mahugurwa. Peacemaker nahaguruke kuko muri iki kigo hari imungu zimutobera rwose.

Mahoro Kuya 19-06-2017

Mbese Media High Council ni ikigo cya Leta? ubwo se cyo na RBA bitandukanira he, ese abanyamakuru bigenga bagira uburenganzira bungana n’ubwa bagenzi babo bakorera Leta?
Iki kigo se cyaba giharanira inyungu z’umunyamakuru cyangwa kizana ibyemezo bivuye hejuru kikabishyikiriza abanyamakuru nka cya kindi kitwa ngo ni urugaga rw’abikorera, abayobozi bacyo bakaba abakozi ba Leta?

Allan Thacien Kuya 16-06-2017

Oya rwose,ubuyobozi bujye bubakurikirana.ikindi kandi MHC imenye ko ibitangazamakuru byose byo mu Rwanda bikeneye kugerwaho n’amahugurwa.ni gute abanyamakuru 3,4,5,6,7 bo ku gitangazamakuru batumirwa mu mahugurwa,kandi hari ibindi byakabaye byoherezayo abanyamakuru bakaza guhugura bagenzi babo basigaye?none se iyo empowerment izagera kuri bamwe ,abandi basigare?ibi bigomba guhinduka rwose.

Murakoze Cyane.

Ernest dukuze Kuya 16-06-2017

nawe uravuga! bazamubikira imishahare yose!

Gwiza Kuya 16-06-2017

Abandi iyo bakekwaho ibyaha nk’ibyo bakurikiranwa bafunzwe none uwo ngo yahagaritswe gusa?! Ni danger!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...