konka coffee
KONKA

AMAKURU

UKWEZI

Minisitiri w’Intebe yasubije mu kazi ushinjwa kunyereza amafaranga ayitirira abanyamakuru

Minisitiri w’Intebe yasubije mu kazi ushinjwa kunyereza amafaranga ayitirira abanyamakuru
6-12-2017 saa 09:23' | By Chief Editor | Yasomwe n'abantu 8762 | Ibitekerezo 4

Ntwari Nathan wari usanzwe ari umuyobozi ushinzwe guteza imbere ubushakashatsi n’iterambere ry’ireme ry’ibitangazwa mu binyamakuru (Director of Media Content, Research and Development) mu nama Nkuru y’Itangazamakuru mu Rwanda (Media High Council), yandikiwe ibaruwa na Minisitiri w’Intebe, Dr Ngirente Edouard, amusubiza mu kazi ke by’agateganyo, nyuma y’uko mu minsi ishize yari yahagaritswe na Anastase Murekezi wari Minisitiri w’Intebe icyo gihe, kubera ibyaha ashinjwa byo gukoresha umwanya afite mu buyobozi, mu nyungu ze bwite, aho bivugwa ko hari amafaranga agenewe guteza imbere abanyamakuru, yanyereje akoresheje abanyamakuru ba baringa.

Muri Kamena uyu mwaka, nibwo Ntwari Nathan yahagaritswe ku kazi ke mu gihe cy’amezi atandatu mu gihe hagikorwa iperereza ku byaha akurikiranyweho, kugirango habanze hakorwe iperereza kuri ibyo byaha. Icyo gihe, amakuru y’ihagarikwa rye yemejwe na Peacemaker Mbungiramihigo, umunyamabanga Nshingwabikorwa w’Inama Nkuru y’Itangazamakuru (Media High Council), mu kiganiro yagiranye n’ikinyamakuru Ukwezi.com.

Ntwari Nathan ubu arimo gukurikiranwa n’ubutabera ku byaha ashinjwa

Peacemaker icyo gihe yabisobanuye agira ati: "Habayeho gufata ibyemezo bijyana n’ubuyobozi, ku bijyanye n’amakosa akurikiranyweho, ibyo byemezo rero biza kugera ku cyemezo Minisitiri w’Intebe yafashe cyo kumuhagarika by’agateganyo mu gihe cy’amezi atandatu mu gihe inzego z’ubutabera zikurikirana nyine amakosa aregwa... Amakosa akurikiranyweho mu magambo magufi, ni uko yakoresheje umwanya we afite w’ubuyobozi mu nyungu ze bwite, zitandukanye n’inyungu rusange z’akazi ashinzwe".

Icyo cyemezo Minisitiri w’Intebe yari yafatiye Ntwari Nathan kijyanye n’Ibiteganywa mu Iteka rya Perezida rigena uburyo bwo gutanga ibihano ku bakozi ba Leta bakoze amakosa mu kazi, cyane cyane mu ngingo yaryo ya 23.

Iyo ngingo igira iti: "Umukozi wa Leta ukekwaho ikosa riremereye rishobora gutuma ahanishwa igihano cyo mu rwego rwa kabiri, ashobora guhagarikwa by’agateganyo mu gihe kitarenze amezi atandatu (6), kugirango hakorwe iperereza ryimbitse ku ikosa rye. Muri icyo gihe umushahara w’umukozi wahagaritswe by’agateganyo kubera iperereza ukomeza kubarwa wose akanawubikirwa. Iyo nta kosa rimuhamye ahabwa imishahara ye uko yayibikiwe, iyo ikosa rimuhamye, atakaza uburenganzira ku mishahara yose yari yarabikiwe."

Nyuma y’amezi atandatu Ntwari Nathan ahagaritswe, ubu yandikiwe ibaruwa na Minisitiri w’Intebe mushya, Dr Ngirente Edouard, amumenyesha ko yaba asubiye mu kazi by’agateganyo mu gihe iperereza ku byaha akurikiranyweho rigikomeje. Ibizava mu iperereza no mu myanzuro y’inzego z’ubutabera, nibwo bizagena niba azakomeza kuguma mu kazi cyangwa niba azahagarikwa burundu.

Amakuru yizewe agera ku kinyamakuru Ukwezi.com, ashimangira ko Ntwari Nathan mu byo akurikiranyweho harimo no kuba yaragiye ajyana mu mahugurwa atandukanye abanyamakuru ba baringa, agamije kurigisa amafaranga yabaga agenewe abo banyamakuru yagombaga kubafasha mu mibereho no mu migendekere myiza y’ayo mahugurwa.


INKURU ZA :
Tanga Igitekerezo
Ibitekerezo 4
gqg Kuya 11-12-2017

None se mwebwe iryo perereza rimara amezi 6 ritaratanga umwanzuro ubwo ishyamba ni ryeru? Nagasubireho, nibimuhama nyine azirukanwe. Ko mutatubwiye se nyine icyo iyo ngingo ivuga iyo amezi 6 ashize ntacyo iperereza rirageraho? Ubwo nyine ubugenza cyaha bwabuze ibimenyetso bifatika. Wibaza se ko MINISITIRI W’INTEBE yapfuye kwandika iyo baruwa atabajije ?

Swala Kuya 7-12-2017

Ibyo sinabihakana nanjye narahakoze kandi haba ingengo yimali nyinci gutekinika za attendance birashoboka cyane

dada Kuya 6-12-2017

Yego rata min.umuyobozi mwiza arenganura abarengana ashyize mugaciro

mico cyrille Kuya 6-12-2017

oya rwose. uyu mugabo birazwi uko yabigenzaga. abanyamakuru turabizi. ibyo yakoraga azana abagore n’abakobwa batazwi, ibi bintu turabirambiwe mu itangazamakuru kabisa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...