konka coffee
KONKA

AMAKURU

UKWEZI

Mpayimana Philippe ushaka kuba Perezida yashyize abona ibisabwa na Komisiyo y’amatora

Mpayimana Philippe ushaka kuba Perezida yashyize abona ibisabwa na Komisiyo y’amatora
24-06-2017 saa 08:08' | By Chief Editor | Yasomwe n'abantu 7371 | Ibitekerezo 4

Mpayimana Philippe uri mu bashaka kwiyamamaza ku mwanya wa Perezida wa Repubulika y’u Rwanda, yari yagiye kuri Komisiyo y’amatora kuwa Kane tariki 22 Kamena 2017 ariko basanga hari byinshi atujuje ngo ibyangombwa bye byakirwe, gusa yarashyize arabibona ndetse Komisiyo yamaze kubyakira.

Mu byangombwa Mpayimana Philippe atujuje, harimo icyemezo cy’amavuko, icyemezo cy’uko afite ubwenegihugu bw’u Rwanda kandi akaba nta bundi bwenegihugu afite ndetse n’icyemezo cy’uko byibuze umwe mu babyeyi be yaba afite bw’u Rwanda bw’inkomoko nk’uko biri mu bisabwa umukandida ugiye kwiyamamariza kuba Perezida w’u Rwanda.

Kuri uyu wa Gatanu ariko, uyu mugabo w’imyaka 47 y’amavuko yagejeje ibyaburaga muri Komisiyo, ndetse kandidatire ye ihita yakirwa ngo izasuzumwe hamwe n’iz’abandi. Mpayimana yatangarije umunyamakuru wa Ukwezi.com ko yishimiye kuba ibisabwa byose yarabitanze.

Yagize ati: "Nshimishijwe no kumenyesha Abanyarwanda bose n’Inshuti z’u Rwanda, ko nagejeje uyu munsi tariki 23 Kamena 2017, ibyangombwa byose bisabwa ushaka kwiyamamariza umwanya w’Umukuru w’Igihugu. Hejuru y’ibyangombwa byakiriwe kuwa 22 Kamena, twagejeje kuri Komisiyo y’Igihugu ibikurikira : Icyemezo cy’ubwenegihugu Nyarwanda, icyemezo cy’amavuko, icyemezo cyo kuba ntarafunzwe, icyemezo cy’uko ibura umubyeyi umwe afite ubwenegihugu nyarwanda bw’inkomoko. Umubare w’abanyarwanda bashyigikiye iyi kandidature ukaba ari 627 baturuka mu turere twose tw’igihugu."

Mpayimana yaboneyeho gutangaza ko mu bamusinyiye bagera kuri 627, abenshi muri bo bari urubyiruko, mu gihe abakuze ari bo bacye. Muri abo 627, 63% ni urubyiruko ruri munsi y’imyaka 35, 29% bari hagati ya 35 na 50, naho abasheshe akanguhe bari hejuru y’imyaka 50 bamusinyiye ni 8%.


INKURU ZA :
Tanga Igitekerezo
Ibitekerezo 4
partick Kuya 25-06-2017

ahoooooo ntawebitabera nawe pima amahirwemuva ndi ahubwo yiba habonekaga nka bandi nkawe benci.

Rukundo Kuya 24-06-2017

Ese kuki basabwa icyemezo kerekana ko ari abanyarwanda kandi bafite indangamuntu cg passport y u Rwanda ?

Rukundo Kuya 24-06-2017

Ese kuki basabwa icyemezo kerekana ko ari abanyarwanda kandi bafite indangamuntu cg passport y u Rwanda ?

mariko Kuya 24-06-2017

Bareke abantu bigeragereze,uriya mushahara na buriya buzima ntawutabirota!!!!!! Abenshi ni ukutabona amayira n’ uburyo ntawutabijyamo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...