konka coffee
KONKA

AMAKURU

UKWEZI

Mpayimana Philippe ushaka kuba Perezida yatanze kandidatire basanga hari byinshi atujuje

Mpayimana Philippe ushaka kuba Perezida yatanze kandidatire basanga hari byinshi atujuje
22-06-2017 saa 10:11' | By Chief Editor | Yasomwe n'abantu 9332 | Ibitekerezo 3

Mpayimana Philippe uri mu bashaka kwiyamamaza ku mwanya wa Perezida wa Repubulika y’u Rwanda, mu masaha y’igitondo cyo kuri uyu wa Kane tariki 22 Kamena 2017, yajyanye kandidatire ye kuri Komisiyo y’amatora ariko basanga hari byinshi atujuje asabwa kubanza agashaka.

Mpayimana Philippe, yageze kuri Komisiyo y’amatora mu masaha ya saa yine zirengaho iminota micye. Yari aherekejwe n’abantu batatu bose baje mu modoka yo mu bwoko bwa Toyota Corolla benshi bakunda kwita Gikumi. Yagiye muri Komisiyo y’amatora, agaragaza bimwe mu byangombwa bye ariko Komisiyo imugaragariza ko hari byinshi atujuje bisabwa.

Iyi niyo modoka yazanye umukandida n’abamuherekeje

Mu byangombwa Mpayimana Philippe atujuje, harimo icyemezo cy’amavuko, icyemezo cy’uko afite ubwenegihugu bw’u Rwanda kandi akaba nta bundi bwenegihugu afite ndetse n’icyemezo cy’uko byibuze umwe mu babyeyi be yaba afite bw’u Rwanda nk’uko biri mu bisabwa umukandida ugiye kwiyamamariza kuba Perezida w’u Rwanda.

Mpayimana Philippe kuri Komisiyo y’igihugu y’amatora

Icyakoze Mpayimana Philippe yujuje ibindi byangombwa birimo imikono 600 y’abantu batandukanye hirya no hino mu turere, bamusinyiye bamwemerera ko kubwabo ashobora kuba umukandida ku mwanya w’umukuru w’igihugu.

Mpayimana Philippe yatangarije abanyamakuru ko ibyo asabwe atujuje agiye guhita abishaka kandi akabibona bitarenze kuri uyu wa Gatanu tariki 23 Kamena 2017 kugirango kandidatire ye ibashe kwakirwa ngo izasuzumwe hamwe n’izindi.

Mpayimana aganira n’abanyamakuru nyuma yo kuva muri Komisiyo


INKURU ZA :
Tanga Igitekerezo
Ibitekerezo 3
lg Kuya 24-06-2017

IKIBAZO SUBURYO AGERA, KULI COMMISSION IKIBAZO NUKUTAMENYA IBYO ASABWA KANDI BYOSE BISOBANUYE *

cameroun Kuya 22-06-2017

Yewe abo naberekana ko mu rwanda hari ubwisanzure ahubwo ibyo mpayimana abura bwose babimuhe ashire amanga kwiyamamaza ntibivuze gutsinda kagame ubwoba mufite nubwiki ugasanga bamwe baratukana kumbuga abo ndabagaya cyane tube abanyarwanda bumutima ntitukiyandarike kugasozi mubareke biyamamaze numutima mwiza peeee uzatsinda zazatsinde .

nidanger Kuya 22-06-2017

NONEHO NTIYAJENA MOTO YATEWINKUNGA YAKA GIKUMI? NTACYO NIYOYATSINDWA YAVANYEMO AKAMODOKA NTAZABURABYOSE AHUBWUYUMUGABO AZUBWENGE, NA BARAFINDA NTAZABUMWANA AZAVANEMO BYIBURA AKAMODOKA KA VITZ AVE KUIGARE

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...