konka coffee
KONKA

AMAKURU

UKWEZI

Mpayimana Philippe yahuye n’ingorane mu gusinyisha ngo yemererwe kwiyamamaza

Mpayimana Philippe yahuye n’ingorane mu gusinyisha ngo yemererwe kwiyamamaza
27-05-2017 saa 08:24' | By Chief Editor | Yasomwe n'abantu 14825 | Ibitekerezo 13

Mpayimana Philippe uri mu bakandida bashaka kwiyamamaza ku mwanya wa Perezida wa Repubulika ndetse akaba arimo no gusinyisha ngo abone imikono 600 isabwa ngo yemererwe kwiyamamaza, yatangaje ko arimo guhura n’ingorane zimukomereye muri iki gikorwa cyo gusinyisha, izo zikaba zirimo kuba hari abaturage bashaka ko abaha amafaranga n’inzoga kugirango bamusinyire, ndetse na bamwe mu bayobozi b’inzego z’ibanze bakaba badasobanukiwe gahunda arimo kuburyo bamubangamira.

Nk’uko yabitangaje kuri uyu wa Gatanu tariki 26 Gicurasi 2017, ngo mu byumweru bibiri bishize asinyisha yahuye n’ingorane yumva agomba kumenyesha abanyarwanda na Komisiyo y’Igihugu y’amatora. Mpayimana Philippe ati: "Ibyumweru bibiri birashize twegeranya imikono y’abashyigikiye iyi candidature. Navuga ko bigenda neza muri rusange. Hakaba cyakoze hari ibimbangamiye byinshi ntategereza ko iyi gahunda irangira kugirango mbitangaze. Kuba abayobozi b’inzego z’ibanze basa n’abatumva neza iyi gahunda ugasanga baratuzungagiza, kuba abayobozi bakuru mu rwego rw’akarere batitabira ikoranabuhanga ngo babe gadusubiza badategereje inyandiko mpapuro, kuba hari ababyeyi bakomeje kubangamira ubwisanzure bw’urubyiruko, kuba umuco karande uha intebe ruswa abaturage bakaba basaba amafaranga cyangwa inzoga mbere yo gusinya kandi bitemewe..."

JPEG - 82.6 kb

Uyu mugabo w’imyaka 47 y’amavuko, avuga ko uko byagenda kose atazigera aha abaturage amafaranga cyangwa inzoga kugirango bamusinyire, kuko bagomba kumva icyo agamije ntibamwake ruswa. Yagize ati: "Ndamenyesha abanyarwanda na Komisiyo y’igihugu y’amatora ko nta muntu n’umwe mu bansinyira n’abazansinyira ubikora ari uko ahawe akantu. Ntabwo demokarasi mparanira ari iyubatse ku nzoga cyangwa ku mafaranga, ni iy’abashaka ko dufatanya gukorera igihugu...Ndasaba rero ko inzego za leta zihugura abaturage n’abayobozi zakongera kubibutsa ko kutubangamira ari ukubangamira amatora muri rusange. Cyane cyane ndasabira abampagarariye ko bacungirwa umutekano byihariye aho gukurwa umutima n’abatumva iyi gahunda."

Mpayimana yasobanuye bamwe mu bamuhagarariye bahutajwe muri iyi gahunda yo gusinyisha, icyakoze agaragaza ko ubu bigenda kuko amaze kubona kimwe cya kabiri cy’imikono akeneye kugirango yemererwe kwiyamamaza, dore ko ari kimwe mu bisabwa umukandida wigenga.

Aha yagize ati: "Bamwe mu bahutajwe navuga uwari umpagarariye muri Huye winjiriwe na gitifu w’akagari akamwambura impapuro za Komisiyo y’Igihugu y’amatora, uwa Gisagara wirukanwe aho twasabye gukorera, uwa Kamonyi wambuwe impapuro akanameneshwa, uwa Nyamagabe utakitaba telefoni, n’abandi. Igishimishije ariko na none ni uko nyuma y’ibi byumweru bibiri tumaze gukusanya imikono irenze magana atatu. Ku buryo twizeye kubona 600 isabwa."

JPEG - 55.4 kb

Diane Shima Rwigara, Mwenedata Gilbert na Mpayimana Philippe, nibo bakandida kugeza ubu bamaze kugeza kuri Komisiyo y’amatora umushinga wo kwiyamamaza kwabo, nk’abakandida bigenga ubu bakaba barimo gusinyisha ngo babone imikono y’abantu 600 mu gihugu hose barimo 12 byibuze muri buri karere, nka kimwe mu bisabwa umukandida wigenga.


INKURU ZA :
Tanga Igitekerezo
Ibitekerezo 13
gaga Kuya 31-05-2017

nimureke abanyarwanda bazihitiramo

umunyakenya Kuya 30-05-2017

ntimukarenganye abanyarwanda bamaze guhabuka ubwo baba bumva ko bamusinyiye bafungwa kuko asa nutavuga rumwe nubutegetsi. ubundi muge mumenya ko umuntu wese wujuje ibisabwa kwiyamamariza kuyobora urwanda atari igitangaza kdi ni uburenganzira bwe.

umunyakenya Kuya 30-05-2017

ntimukarenganye abanyarwanda bamaze guhabuka ubwo baba bumva ko bamusinyiye bafungwa kuko asa nutavuga rumwe nubutegetsi. ubundi muge mumenya ko umuntu wese wujuje ibisabwa kwiyamamariza kuyobora urwanda atari igitangaza kdi ni uburenganzira bwe.

nzabandora Kuya 29-05-2017

Yemwe mwabantu mwe ,
mwe kumwogera ho
uburimiro

Imana izahe umugisha uzatuyobora ateze imbere igihugu cyacu

Emmy Kuya 28-05-2017

ndi intagamburuzwa ngomba gushyigikira ibyiza byagezweho uwabigezeho azatugeza nokubindi byinshi

Emmy Kuya 28-05-2017

ndi intagamburuzwa ngomba gushyigikira ibyiza byagezweho uwabigezeho azatugeza nokubindi byinshi

Barthelemy Kuya 27-05-2017

namwe ndabashimiye. IMIHIGO IRAKOMEYE KANDI IRAKOMEJE. TURI INTAGAMBURUZWA KU CYO TWIYEMEREYE UBWACU TWACYISABIYE NTA GAHATO: AHUBWO MURI DEMOKARASI

BARTHELEMY NSANZIMANA Kuya 27-05-2017

Nta wabuza abatambuka gutambuka, kuko urugo ni urugendwa ariko Nta wahinduura urugo rwubatse ku musingi ukomeye. Nibaze, bazafata amasomo. gusa bige, bafate babone ibyo bazabarira abandi. DUKOMEJE GUSIGASIRA IBYIZA TWAGEZEHO.

BARTHELEMY NSANZIMANA Kuya 27-05-2017

Nta wabuza abatambuka gutambuka, kuko urugo ni urugendwa ariko Nta wahinduura urugo rwubatse ku musingi ukomeye. Nibaze, bazafata amasomo. gusa bige, bafate babone ibyo bazabarira abandi. DUKOMEJE GUSIGASIRA IBYIZA TWAGEZEHO.

Lucky🠀 Kuya 27-05-2017

Njye mbabajwe na ziriya miliyari esheshatu zisaga zigiye gupfa ubusa. Gusa sinzi unosheyeho ngo ni abaturage barimo kuyishakamo kandi ngo nitegeko mugihe inzara urimo ica ibintu na president ahari yarahawe imyaka 7. Mbega ubupfayongo!!!!

hakizimana Kuya 27-05-2017

Ariko tujye twumvikana neza peee kandi tubyumve kimwe uhingutse kumuntu bwa mbere ngo nsinyira?urinde?uvuye he?urashaka iki?noooo hagombaga kuba harabayeho uburyo bwo kumvisha abaturage ibyabakandida bigenga. Mbere kuko nanjye ntakuzi sinasinya peee murarenganya abaturage kuko bakora ibyo berestwe kandi babwiwe muri kwiyamamaza kugiti cyanyu ninyungu zanyu et murikurenganya abaturage naho ndetse niba mumaze kubona kimwe cyakabiri murintwari il faux kumva ko umuturage numuturage ntazi wowe mpayimana nabandi gutyo hari nabatagira telerevision mujye mubumva neza

Mahoro Kuya 27-05-2017

Abakandida b’abapfayongo!! Ninde wababwiye ko mu Rwanda hazaba amatora? Prezida Kagame yahawe kuyobora inzibacyuho y’imyaka 7mutumva? Nimukomeze mutagaguze utwanyu nababwira iki.Hari nabazabura tike y’indege maze batege moto basubira i Burayi.

xxx Kuya 27-05-2017

impamvu babaka ruswa nuko mugenda mwerekana amafaranga muterekana kubaka igihugu,Ariko muranayafite nimuyatange,uwagutora ubwo yaba ashaka iki koko?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...