konka coffee
KONKA

AMAKURU

UKWEZI

Mpayimana ushaka kuba Perezida yisobanuye ku bivugwa ko yaba yaratorotse igihugu

Mpayimana ushaka kuba Perezida yisobanuye ku bivugwa ko yaba yaratorotse igihugu
4-07-2017 saa 08:27' | By Vincent Nsengiyumva | Yasomwe n'abantu 11442 | Ibitekerezo 4

Mpayimana Philippe uherutse kugeza muri Komisiyo y’amatora ibyangombwa bye nk’umwe mu bifuza guhatana mu matora ya Perezida wa Repubulika azaba muri Kanama uyu mwaka, yahakanye amakuru amuvugwaho ko yaba yaratorotse igihugu akisubirira ku mugabane w’i Burayi nyuma yo kubona ko Kandidatire ye itemewe kubera hari ibyo atari yujuje.Guhunga igihugu ngo byaba bifitanye isano n’igitabo yanditse kirimo imvugo zipfobya Jenocide.

Ubwo yagiranaga ikiganiro na radiyo Ijwi ry’Amerika kuri uyu wa Mbere tariki ya 3 Nyakanga, Mpayimana yavuze ko atahunze igihugu kuko ngo yagiye mu Bufaransa kugirango ajye kumenyesha abanyarwanda baba muri iki gihugu gahunda ze zo kwiyamamariza umwanya w’umukuru w’igihugu.

Mpayimana yavuze ko mu Bufaransa haba Abanyarwanda benshi kandi ko agomba kuhagenda mu gihe abishatse kuko ngo afite uburenganzira bwo kuba mu Rwanda no mu Bufaransa.

Ubwo hamenyekanaga amakuru y’uko Mpayimana yagiye mu Bufaransa, havuzwe byinshi bitandukanye haba mu bitangazamakuru ndetse no hanze yabyo aho byavugwaga ko yibuze ku rutonde rw’agateganyo rw’abemerewe kandidatire zabo maze agahita agira amakenga y’uko Ubutabera bw’u Rwanda bwazamukurikirana kubera igitabo yanditse kirimo imvugo zipfobya Jenocide yakorewe Abatutsi maze agahita atoroka.

Mpayimana abajijwe niba yaratorotse igihugu koko nk’uko byagiye bivugwa akimara kugenda, yagize ati “Ntabwo natorotse kuko sinkurikiranwe, naho ibyo nanditse twabiganiriyeho narisobanuye ko nanditse nk’umunyamakuru [kuko icyo gihe nari umunyamakuru] nandika ibyo mbona, nandika ibyo ndeba, ibibazo bambajije narabisubije, ahubwo abakeka ko natorotse baribeshya.”

Mpayimana akomeza avuga ko adafite ubwoba bw’igitabo yanditse ngo kuko yanditse amateka y’ubuzima bw’Abanyarwanda babayemo mu buhungiro muri Zaire ashimangira ko atigeze yifuriza u Rwanda ikibi.

Mpayimana ntiyemeza neza niba tariki 7 Nyakanga ubwo NEC izatangaza bwa nyuma abemerewe kandidatire zabo, azaba yagarutse mu Rwanda nk’uko yari yabitangaje ko azamarayo icyumweru gusa, ahubwo yumvikana avuga ko ashobora kuzaba yaraje cyangwa akaba ataraza.

Mpayimana yerekeje mu Bufaransa ku Cyumweru tariki 25 Kamena 2017, akaba yarasize atangarije Ukwezi.com ko muri gahunda zimujyanye muri iki gihugu harimo iyo gusura umuryango we ngo kuko abana bamukumbuye cyane. Yanavuze ko ibikorwa bye byo kwiyamamariza umwanya w’umukuru w’igihugu yabisigiye abafatanyabikorwa be kandi ko yizeye ko bazabikurikirana neza.


INKURU ZA :
Tanga Igitekerezo
Ibitekerezo 4
Mukamazimpaka Anne Kuya 11-07-2017

Ibya Mpayimana ni bishya kabisa. KUmva ko yarushije Diane ibisabwa biteye kwibaza pe. Ngaho lero. Abadashaka muli baliya 2 tubonye aho tubahungira. Bonne chance Muvandimwe.

WEZO Kuya 8-07-2017

ARKO NKAWE IYOWIGUMIRA IYO WABAGA WAZAGA GUHOTSE AYAWE NGO BIGENDE BITE?URARUHIRA UBUSA UZASUBIRAYO UKO WAKAJE.

Joe Kuya 6-07-2017

Mpayima, nutorwa nzimuka.

lg Kuya 4-07-2017

HANO YABUZE ABAMUSINYIRA. MUBU FARANSA HARIYO BENSHI. BAMUSINYIIRE UBUNDI YARIBESHYE IYO YIYAMAMARIZAYO AHO GUTA IGIHE ALIKO ICYO KWIBAZA IBYANGOMWA BITANGWA, MILI NEC. CYANGWA NI KWA AMBASSADELI NA RADIO BYABA NYAMERIKA BITANGWA KO NUMVA BOSE ALI HO BAJYA! !!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...