konka coffee
KONKA

AMAKURU

UKWEZI

Muhanga: Perezida Kagame aratangiza iguruka rya mbere ry’indege zitagira abapilote (Drones)

Muhanga: Perezida Kagame aratangiza iguruka rya mbere ry’indege zitagira abapilote (Drones)
14-10-2016 saa 05:48' | By Chief Editor | Yasomwe n'abantu 13805 | Ibitekerezo 5

Kuri uyu wa Gatanu tariki 14 Ukwakira 2016, Perezida wa Repubulika y’u Rwanda, Paul Kagame, aramurika ku mugaragaro Indege zitagira abapilote [Drones] zigiye gutangira gukoreshwa bwa mbere zigafasha mu guteza imbere no kwihutisha serivisi z’ubuzima n’ubuvuzi mu Rwanda.

Uyu muhango urabera mu mudugudu wa Nyagacyamu, mu kagari ka Ruli ko mu murenge wa Shyogwe wo mu karere ka Muhanga, ahamaze iminsi hubakwa ikibuga kizajya cyakira izi ndege. Izi ndege zigiye gukoreshwa bwa mbere mu mateka, zizagira uruhare mu guteza imbere ubuvuzi aho zizajya zifashishwa mu bikorwa byo kugeza amaraso n’imiti mu bice by’icyaro bigoye kugerwamo n’imodoka. Zigiye gukoreshwa ku bufatanye bw’u Rwanda na Sosiyete ya Zipline International yo muri Leta Zunze Ubumwe za Amerika.

Uyu muhango wo kumurika no gutaha ku mugaragaro ibikorwa by’ikoreshwa ry’izi ndege (Drones) uraba urimo abafatanyabikorwa benshi barimo Minisiteri y’Ubuzima, ibigo nka UPS, Zipline na GAVI, byose birajwe ishinga no guteza imbere ubuvuzi hakoreshejwe ikoranabuhanga rigezweho.

Biteganyijwe ko muri uyu muhango uza kwitabirwa n’abayobozi bakuru b’igihugu batandukanye, Perezida Paul Kagame uza kuba ari umushyitsi mukuru, uretse ijambo aza kugeza ku bawitabira, aza no gutangiza iguruka rya mbere ry’izi ndege zigiye gukoreshwa muri serivisi z’ubuzima, bwa mbere mu Rwanda no ku isi yose muri rusange.


INKURU ZA :
Tanga Igitekerezo
Ibitekerezo 5
Gasamagera Kuya 15-10-2016

U Rwanda ni igihugu gito cyane kidakeneye umushinga nk,uriya wa drones,bishaka kuvugako ziriya drones hari ikindi kihishe inyuma yazo tuzafatisha amaboko yombi.Ni nayo mpamvu binagoranye kumenya amafaranga umushinga watwaye n,uburyo uzunguka.

Anastase Kuya 14-10-2016

Muzehe wacu umuti w’ibibazo by’abanyarwanda.Turagushyigikiye.

NDIKURYAYO Jean Kuya 14-10-2016

TWISHIMIYE INTAMBWE U RWANDA RWACU RUGENDA RUGERAHO TUBIFASHIJWE N’INTORE IZIRUSH’INTAMBWE NYAKUBAHWA PAUL KAGAME

NDIKURYAYO Jean Kuya 14-10-2016

TWISHIMIYE INTAMBWE U RWANDA RWACU RUGENDA RUGERAHO TUBIFASHIJWE N’INTORE IZIRUSH’INTAMBWE NYAKUBAHWA PAUL KAGAME

kiki Kuya 14-10-2016

komeza uduteze imbere muzehe wacu dukunda.turagushyigikiye mu ntambara yo kuvana urwanda mu bukene.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...