konka coffee
KONKA

AMAKURU

UKWEZI

Mvuyekure Alexandre wayoboraga akarere ka Gicumbi yasabiwe gufungwa imyaka itanu

Mvuyekure Alexandre wayoboraga akarere ka Gicumbi yasabiwe gufungwa imyaka itanu
15-06-2017 saa 07:27' | By Vincent Nsengiyumva | Yasomwe n'abantu 4794 | Ibitekerezo 5

Ubushinjacyaha mu rukiko rwisumbuye rwa Gicumbi bwasabiye igifungo cy’imyaka 5 uwahoze ari umuyobozi w’aka karere Mvuyekure Alexandre na Bizimana Jean Baptiste wayoboraga njyanama y’Akarere kubera ibyaha bakurikiranweho bijyanye no gukoresha nabi umutungo wa Leta.

Kuri uyu wa Gatatu tariki ya 14 Kamena 2017 nibwo aba bari abayobozi ba Gicumbi barimo Mvuyekure Alexandre wayoboraga Akarere, Byiringiro Fidele wari Umunyamabanga Nshingwabikorwa w’Akarere ndetse na Bizimana Jean Baptiste wayoboraga njyanama y’Akarere bagejejwe imbere y’urukiko maze basomerwa ibyaha bakurikiranweho.

Aba bagabo bahoze ari abayobozi b’akarerere ka Gicumbi barashinjwa ibyaha birimo kugurisha imitungo ya Leta, gutanga isoko ryo kubaka umuhanda ku buryo bunyuranyije n’amategeko ndetse no kwishyura rwiyemezamirimo wari wahawe isoko ryo kubaka uwo muhanda atararangiza imirimo yo kuwubaka.

Aba bagabo bose bireguye bahakana ibyo baregwa byose aho bagaragazaga ko ibirego byose nta shingiro bifite cyane ko n’umuhanda bivugwa ko bariye amafaranga yo kuwubaka ubu imirimo yawo yarangiye.

Nyuma yo kumva ubwiregure bw’aba bagabo bose uko ari 3, ubushinjacyaha bwahise bubitesha agaciro maze busabira Mvuyekure Alexandre na Bizimana Jean Baptiste igifungo cy’imyaka itanu n’ihazabu ya miliyoni ebyiri z’amafaranga y’ u Rwanda.

Byiringiro Fidele wahoze ari umunyamabanga nshingwabikorwa w’akarere yasabiwe igifungo cy’imyaka ibiri n’ihazabu ya miliyoni ebyiri. Tabaruka Dieudonne wari umuyobozi ushinzwe umutungo w’Akarere na Kagwene Viateur bo basabiwe gufungwa imyaka 12 n’ihazabu ya miliyoni umunani.

Nyuma y’uko abacamanza bumva impande zombi zirimo ubushinjacyaha ndetse n’abaregwa, bavuze ko imyanzuro y’urubanza izasomwa kuwa Kane tariki 22 Kamena 2017.

Muri Nyakanga, umwaka ushize Mvuyekure yari yatawe muri yombi akurikiranyweho kunyereza umutungo wa miliyoni zisaga 33 z’amanyarwanda akoresheje impapuro mpimbano, ibyaha yashinjwaga ko yaba yarakoze muri 2010 ubwo yari akiyobora Umurenge wa Rubaya.

Mvuyekure Alexandre umaze amezi 4 mu buroko, yayoboye Akarere ka Gicumbi guhera muri Kanama 2012 kugeza muri Gashyantare 2016. Mbere y’uko aba Meya yari umuyobozi w’Akarere ka Gicumbi wungirije ushinzwe ubukungu.


Mvuyekure Alexandre wahoze ayobora Akarere ka Gicumbi


INKURU ZA :
Tanga Igitekerezo
Ibitekerezo 5
Kamanzi Kuya 17-06-2017

Mvuyekure akwiye gufungwa kuko yaranzwe n’uburiganya mu kazi me lose yagiye akora. Akiri umucungamutungo w’ishuri yanyerezaga ibiryo by’abanyeshuri. Ari executif mu murenge yanyereje amafaranga ya VUP, none core n’ubu. Imyaka yasabiwe no mike.

marita Kuya 15-06-2017

Wisebya mayor! Ahurira he n’ ayo f?????

marita Kuya 15-06-2017

Wisebya mayor! Ahurira he n’ ayo f?????

KANYARWANDA Kuya 15-06-2017

Nuko ubutabera bukore akazi kabwo

ngabo Kuya 15-06-2017

bravo! na nyaruguru Police n’ubushinjacyaha banyarukireyo bafate na mayor wa Nyaruguru Habitegeko francois ndetse n’abashinzwe amasoko kuko nabo bafatanyije na Executif w’akarere Egide Kayitasire ubu ufunze kunyereza umutungo wa leta ndetse no gutanga amasoko muburyo bunyuranyije namategeko.banyarukire no muri VUP ya Nyaruguru barasangamo amafr menshi yanyerejwe nabo bayobozi bafatanyije nabamwe muri ba gitifu bimirenge aribo Habumugisha jules akiri nyagisozi,Byukusenge Assoumpta uri nyagisozi ubu,Maniraho Andre akiri Ngera,Rushingwankiko valens akiri Rusengen’abanfdi

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA