konka coffee
KONKA

AMAKURU

UKWEZI

Mwenedata Gilbert ahamya ko hari abaturage bahohoterwa bazira ko bamusinyiye

Mwenedata Gilbert ahamya ko hari abaturage bahohoterwa bazira ko bamusinyiye
7-07-2017 saa 12:37' | By Vincent Nsengiyumva | Yasomwe n'abantu 7459 | Ibitekerezo 2

Mwenedata Gilbert uri mu bashaka guhatanira umwanya w’Umukuru w’Igihugu mu matora ateganyijwe tariki ya 3 n’iya 4 Kanama 2017, Kuri uyu wa Gatanu yatangaje ko hari intumwa ze zagiye zihohoterwa bikomeye n’inzego z’ibanze ubwo babaga bashaka amasinyatire.Mwenedata avuga ko yifuza ubutabera maze ababikoze bagakurikiranwa bakabiryozwa.

Ibi Mwenedata Gilbert yabitangaje mu kiganiro yagiranye n’umunyamakuru wa City Radio ubwo yavugaga uko yiteguye kwakira imyanzuro ntakuka iri butangazwe na NEC ku gicamutsi cyo kuri uyu wa Gatanu igaragaza abazemererwa kwiyamamariza kuri uyu mwanya.

Ubwo yabazwaga imbogamizi yagiye ahura nazo mu rugamba rwo gushaka abamusinyira mu turere twose tw’igihugu, Mwenedata yavuze ko hari aho byagiye bigorana cyane kugeza ubwo n’abamusinyiraga bagiye bakubitwa abandi bagaterwa ubwoba n’ubuyobozi bw’inzego z’ibanze bikamenyekana ariko ntihagire igikorwa.

Yagize ati “ Hari uturere byagiye bigaragaramo cyane ariko byagaragaye cyane mu Karere ka Ngoma mu murenge wa Remera. Aha intumwa yacu yadushakiraga abadusinyira yarafashwe aranakubitwa maze Gitifu w’uyu murenge afata impapuro zariho urutonde rw’abamaze kudusinyira arazifotora kandi ntibyemewe.”

Mwenedata akomeza avuga ko yatewe impungenge n’iryo fotorwa ry’izo mpapuro ngo kuko nta kizere afite cy’uko abagaragaraho batazahohoterwa bazizwa ko bamusinyiye.

Yagize ati “[…] Iyo arufotoye akarusigarana atabyemerewe n’amategeko bishobora kugira ingaruka kuri ba baturage mu kubatera ubwoba, mu kubahohotera nk’uko byagiye bigaragara mu tundi turere aho bagiye bamenyekana.”

Abajijwe uko yabyakira abaye atagaragaye ku rutonde rw’abemerewe yagize yavuze ko kubwe ntacyo bigomba kumutwara kuko ntacyo bizahungabanya umunezero we n’uburyo yari abayeho.

Yagize ati “Uburyo bwo kubyakira akenshi ntabwo umuntu aba abizi neza iyo igihe kitaragera, gusa bigenze bityo nakomeza umunezero wanjye n’ubuzima bwanjye…Uburyo nabyakiramo bwo ntabwo bumpangayikishije.”

Uyu mugabo w’imyaka 42 y’amavuko yabaye umukozi wa USAID mu mwaka wa2013 yiyamamaje mu matora y’Abadepite yo yagizemo amajwi 0,4 %; mu bihe byo kwiyamamariza kujya mu Nteko Ishinga Amategeko yakunze kuvuga ko muri gahunda ze aharanira ubwiyunge bwuzuye, gukorera mu mucyo, ubumuntu n’indangagaciro z’umuryango nyarwanda.


INKURU ZA :
Tanga Igitekerezo
Ibitekerezo 2
Etienne Kuya 10-07-2017

Mwenedata ubundi yajyaga gusinyisha ashaka iki? Iyo akoresha iyo yakoresheje mu badepite. Wicika intege bicacamo any time. Abaturage barakwemera. Abatukana rwose ntimukabahe ijambo

maniga Kuya 7-07-2017

ubundi nkamwe?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...