konka coffee
KONKA

AMAKURU

UKWEZI

Mwenedata ushaka kuba Perezida w’u Rwanda yatangiye gusaba inkunga y’arenga 125.000.000

Mwenedata ushaka kuba Perezida w’u Rwanda yatangiye gusaba inkunga y’arenga 125.000.000
18-06-2017 saa 14:46' | By Chief Editor | Yasomwe n'abantu 13619 | Ibitekerezo 5

Mwenedata Gilbert wamaze kugeza ibyangombwa bye muri Komisiyo y’amatora asaba kwiyamamaza ku mwanya w’Umukuru w’Igihugu mu matora azaba muri Kanama uyu mwaka, yatangiye gushaka inkunga y’amafaranga azamufasha kugirango igikorwa cye cyo kwiyamamaza kigende neza, aho agaragaza ko amafaranga yifuza ari arenga miliyoni ijana na makumyabiri n’eshanu (125.000.000 Frw).

Mwenedata Gilbert wigeze no kwiyamamaza mu matora y’Abadepite nk’umukandida wigenga ariko agatsindwa, ubu yatangiye kwaka inkunga abinyujije ku mbuga zo kuri internet zisanzwe zisabirwaho imfashanyo n’inkunga. Amadolari ya Amerika 150.000 angana n’amafaranga y’u Rwanda arenga 125.000.000 niyo uyu mugabo avuga ko yifuza guhabwa.

Mwenedata Gilbert arashaka kubona asaga miliyoni 125 ngo igikorwa cyo kwiyamamaza kigende neza

Mu butumwa yatanze asaba abantu kumuha inkunga, Mwenedata Gilbert yagize ati: "Nyuma yo kugeza kandidatire yacu muri KOmisiyo y’Igihugu y’Amatora dutegereje ko yemerwa, tuzatangira ibikorwa byo kwiyamamaza tariki 14 Nyakanga. Ntitwabasha kubyishoboza twenyine, dukeneye inkunga zizava mu nshuti zacu, mudufashe muduhe imfashanyo"

Umugore wa Mwenedata aba ari kumwe nawe mu bikorwa by’imbanzirizamushinga yo kwiyamamaza. Iyi ninayo foto bakoresheje (Profile) basaba inkunga kuri internet

Mu gushaka kumenya niba koko ibi birimo gukorwa na Mwenedata Gilbert, kuburyo ntawundi waba yamwiyitiriye, ikinyamakuru Ukwezi.com cyavuganye na we ku murongo wa telefone maze arabyemera anashimangira ko abona nta kibazo kibirimo. Mwenedata avuga ko ari ibisanzwe kuba yasaba inkunga ndetse ko bikorwa ahantu hose hirya no hino ku isi, ahubwo ngo kuri we byaba bitangaje nta kwanga inkunga bibayeho.

JPEG - 155.7 kb

Mpayimana Philippe wavuze ko aziyamamaza nk’umukandida wigenga, Dr Frank Habineza watanze ibyangombwa asaba kwiyamamaza ahagarariye ishyaka rya Democratic Green Party ndetse n’uyu Mwenedata Gilbert, nibo bakandida kugeza ubu batangaje ko bakeneye guhabwa inkunga kugirango ibikorwa by’amatora bigende neza.


Tanga Igitekerezo
Ibitekerezo 5
MUGABO Kuya 20-06-2017

Ngo abantu 4000000 ! Ubwo se urumva yabavanahe?

uturage Kuya 19-06-2017

Nukuri uyumugabo arasobanutse pee ahubwo natubwire uburyo twamuteramo inkunga biroroshye kuyabona dufashe urugero abantu 4 000 000 *500 frw yahita abona 2 000 000 000 frw.mwenedatata tukurinyuma.

nsengimana j.claude Kuya 18-06-2017

umuntu yayanyuzahehe? ngo tumutere inkunga

lg Kuya 18-06-2017

NIYO YAYASABA, AKAYABONA YASHAKA NTATORWE WABA ARI. UMUBARE UBUNDI SE YAZAYAKURAHE!!!!! UWO MUVUGA NIWO *

Grace Kuya 18-06-2017

Ibyo gusaba inkunga mumatora ni ibintu bisanzwe rwose. Niba hari abamushyigikiye bazayamuhe. Natwe abashyigikiye FPR twatanze nibura 10%yumushahara wacu kugirango umukandida wacu azabashe kwiyamamaza.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA