konka coffee
KONKA

AMAKURU

UKWEZI

Ngirente afite imbaraga, ubushake n’ubwenge buhagije, nizeye ko bizagenda neza - Kagame

Ngirente afite imbaraga, ubushake n’ubwenge buhagije, nizeye ko bizagenda neza - Kagame
30-08-2017 saa 16:37' | By Vincent Nsengiyumva | Yasomwe n'abantu 7445 | Ibitekerezo 2

Perezida Paul Kagame yashimiye Minisitiri w’Intebe mushya Dr Ngirente Edouard wemeye kuzafatanya nawe kuyobora guverinoma nshya, anashimangira ko yizeye neza ko bazakorana neza cyane ko asanzwe azwiho ubuhanga budasanzwe. Perezida kandi yanaboneyeho gushimira Minisitiri Anastase Murekezi ucyuye igihe.

Ibi Umukuru w’igihugu abigarutseho ku gicamunsi cyo kuri uyu wa Gatatu tariki ya 30 Kanama ubwo yakiraga indahiro ya Minisitiri w’Intebe mushya, Dr Edouard Ngirente nyuma y’amasaha make ahawe kuyobora uyu mwanya.

Perezida Kagame nyuma yo kwakira indahiro ya Minisitiri Dr Edouard yavuze ko amushimira kuba yemeye gukorera igihugu cye kuri uyu mwanya nka Minisitiri w’Intebe ndetse no kuyobora Guverinoma.

Umukuru w’Igihugu yanavuze ko babanje kubiganiraho bihagije maze amugaragariza ko n’ubwo imirimo agiye gukora ikomeye, ko idakwiye kumukanga kuko ubundi isanzwe ikorwa n’abantu.

Yagize ati " Nabonye umwanya wo kuganira nawe bihagije mbere y’uko ibi byose biba ariko nyuma yo kwemera gukora iyo mirimo, twumvikanye ko iyo mirimo iremereye ariko nta nubwo ikwiriye gukangana, ni imirimo nyine ikorwa n’abantu ntabwo ari ibyadutse bindi bishya ariko nasanze yiteguye abyumva ubwo igisigaye ni ukubishyira mu bikorwa."

Perezida Kagame yavuze ko yizeye neza imikoranire myiza hagati yabo bombi ndetse n’abandi bazafatanya kuyobora Guverinoma nshya, ngo kuko ashoboye kandi akaba afite imbaraga , ubushake n’ubwenge buhagije.

Yagize ati "Iyo mirimo mishya agiyemo yo kuyobora guverinoma tuzayifatanya twese kandi ndizera ko afite imbaraga, ubushake, ubwenge buhagije n’ubumenyi kugira ngo ibimutezweho twese dushobore kubigeraho.Ndamushimiye rero kandi ndizera ko bizagenda neza."

Perezida kandi yanaboneyeho gushimira Minisiutiri w’Intebe ucyuye igihe bwana Anastase Murekezi avuga ko nawe yakoze neza imirimo ye ndetse anamwizeza ko azabona umwanya muri guverinoma nshya iri gutegurwa.

Yagize ati “Ndagira ngo mbonereho umwanya wo gushimira uwari Minisitiri w’Intebe, Murekezi, yakoze byinshi byiza kandi bifite icyo byafashije twese kugira ngo tube twarageze ku nshingano muri icyo gihe cye yari ayoboye nka Minisitiri w’Intebe.”

Perezida Kagame kandi yanavuze ko ubwo Minisitiri w’Intebe yamaze kuboneka ngo kuri uyu mugoroba bararara bashyize ahagaragara Guverinoma nshya bazakorana nayo ku buryo Abanyarwanda bazinjira muri weekend bamaze kumenya abayobozi babo.

Yagize ati "[....] ku mugoroba turabagezaho amazina yabo twifuza bashobora gukora muri iki gihe kindi.Hari abakomeza nk’uko bisanzwe hari n’abashya. Ngira ngo ibyo murabimenyereye ntabwo ari bishya, birasanzwe... Turajya muri Weekend dufite Guverinoma nshya."

Minisitiri Dr Ngirente Edouard arahirira kuzuzuza inshingano yahawe imbere y’Umukuru w’Igihugu n’abandi banyacyubahiro batandukanye

Perezida Kagame, Perezida wa Sena Makuza, Perezida w’umutwe w’Abadepite Mukabarisa na Perezida w’urukiko rw’ikirenga Prof Rugege bakiriye Minisitiri Ngirente


INKURU ZA :
Tanga Igitekerezo
Ibitekerezo 2
kamana alexis Kuya 30-08-2017

na minisiteri yuburezi bayikoreho , bananiwe kumanaginga ikibazo cyabanyeshuri bahagariswe bamaze amezi atandatu bicaye .

vicky Kuya 30-08-2017

ndumva ubwoba
weeeeeeeeeeeeeee

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...