konka coffee
KONKA

AMAKURU

UKWEZI

Ngoma : Abaturage barataka kubyutswa igicuku n’inzego z’umutekano ngo bajye mu nama

Ngoma : Abaturage barataka kubyutswa igicuku n’inzego z’umutekano ngo bajye mu nama
20-06-2017 saa 11:54' | By Akayezu Jean de Dieu | Yasomwe n'abantu 4545 | Ibitekerezo 9

Nyuma y’uko abaturage bo mu murenge wa Remera wo mu karere ka Ngoma mu Burasirazuba bagaragaje ko inzego z’umutekano zirimo Dasso n’ingabo zikorerera muri aka karere zibabyutsa mu masaha ya saa kumi zo mu gicuku ngo bajye mu nama ariko banagera ahabera inama abataratanze ubwisungane mu kwivuza bakahagorerwa, ubuyobozi bw’aka karere bwo buhamya ko gahunda yo kubyutsa abaturage muri ayo masaha ngo bajye mu nama ari umwihariko w’aka karere mu rwego rwo kurengera amasaha y’akazi cyane ko bujya gucya inama zirangiye abantu bakajya muri gahunda zabo.

Bamwe muri aba baturage bavuga ko babangamiwe cyane n’uko babyutswa muri aya masaha y’urukerera, ndetse bamwe bakemeza ko bashyirwaho igitutu n’izi nzego ziba zihagarikiwe n’ubuyobozi bw’uyu murenge wa Remera. Aba baturage bavuga ko bibabangamira cyane ko bavuga ko usanga izi nzego z’umutekano zibashyiraho iterabwoba ridasanzwe bazira kuba bataratanze ubwisungane mu kwivuza.

Umwe muri aba baturage utarashatse ko imyirondoro ye itangazwa yagize ati: “Baraza bakatuzindura mu gicuku bafite ibitabo bati muze tugende mu nama, ubwo umuntu akagenda azi ko ari inama ubundi twahagera bakatwicaza hamwe bagahita bavuga bati umuntu uzi ko yatanze ubwisungane mu kwivuza ndetse n’umuntu wese uri mu cyiciro cya mbere cy’ubudehe bahaguruke bitahire, hanyuma twebwe tutari muri abo aba Dasso bakadutangira badusaba gutanga amafaranga kandi ikibabaje ni uko tuba twaje tuzi ko tuje mu nama nta n’amafaranga dufite, nk’ubu ubushize batwicaje ku biro by’akagari ka Kinunga tugeza saa sita z’amanywa banze kuturekura”

Mu kiganiro yagiranye n’ikinyamakuru Ukwezi.com, Kirenga Providence, Umuyobozi w’akarere ka Ngoma wungirije ushinzwe imibereho myiza y’abaturage, yavuze ko impamvu aba baturage bakoreshwa inama muri ayo masaha, ari ukugirango bucye zarangiye bahite bajya mu kazi kabo. Uyu muyobozi yagize ati “Impamvu bavuga ko tubazindura mu masaha yo mu gitondo, byumvikane neza ntabwo ari mu gicuku kuko niba ari saa kumi cyangwa saa kumi n’imwe,… ni ukugirango dutanguranwe n’amasaha yo kujya mu kazi inama ibe mbere yaho hanyuma nisozwa abaturage babe bajya muri gahunda zabo, ikijyanye no kuba babyutswa n’inzego z’umutekano ndetse zikabashyiraho iterabwoba byo rwose sinabihamya ariko nk’uko ubuyobozi bwite bwa Leta busanzwe bufatanya n’inzego z’umutekano mu rwego rwo kwimakaza ya miyoborere myiza ni nayo mpamvu natwe twifashisha inzego za Dasso cyangwa abashinzwe irondo hanyuma abaturage bakaza tukabaganiriza ku mirongo itandukanye, ahanini si mituweli gusa tubaganirizaho ahubwo n’izindi ngingo zijyanye n’umutekano cyangwa imibereho myiza byose tubibaganirizaho”

Uyu Visi Meya kandi yakomeje avuga ko impamvu nyamukuru bashyize imbere ubwisungane mu kwivuza ari uko umwaka wo gutangiriraho kwivuza utangira mu kwezi kwa Nyakanga kandi hakaba hasigaye n’iminsi micye, dore ko bakiri hasi mu gutanga ubwisungane mu kwivuza kuko bageze ku kigero cya 39% ari nayo mpamvu barimo gushyiramo imbaraga mu bukangurambaga kugirango abaturage barusheho kwitabira gutanga ubwisungane mu kwivuza.


INKURU ZA :
Tanga Igitekerezo
Ibitekerezo 9
bin s Kuya 20-06-2017

hhhhh ahubwo nge ndumva Ari comedy ibyo c bibaho koko?

Rukara Kuya 20-06-2017

Mucukumbure neza n’amakuru ya Executif babeshyeye ko yibye ingurube, ni ikinyoma yararenganyijwe afite ibindi azira Bitari ibyo.

Emmy Kuya 20-06-2017

Ngoma ni agatangaza... Abayobizi bigize nyirandabizi ntacyo batazi. Umuturage nukumuhoza ku nkeke mpakaaaaa. Bihane kabisa ntago tubyishimira.

Emmy Kuya 20-06-2017

Ngoma ni agatangaza... Abayobizi bigize nyirandabizi ntacyo batazi. Umuturage nukumuhoza ku nkeke mpakaaaaa. Bihane kabisa ntago tubyishimira.

MWIZERWA Eric Kuya 20-06-2017

Niba abaturage bafite ikibazo ubuyobozi bwabumva kuko inama ishobora no kuba barangije iyo mirimo aho kubakura mubitotsi cyabe ko hari n’uba ariyo akiryama bitrwe n’uburyo yakoze akazi byafasha kuko natwe dutumizwa kumasaha atatubangamiye kandi bigenda neza !

mob Kuya 20-06-2017

bibi cyane amasaha yakazi nisangapi???cg nimihigo!!!!!

Ange Kuya 20-06-2017

ariko Mana we abaturage twaragowe koko saakumi inama biteye ubwoba umuntu atarani humura ataribrosa ibyonakarengane ahokubyutsa umuntu icyogihe mwafuma mugategura inama saamunani kucyumweru utaje mukamuca amande ntimukabonere abantu

Gihozo Annick Kuya 20-06-2017

ariko ndibaza ubuyobozi bukora ibi buba bwabitekerejeho neza
ubyutsa igicu ute umuntu utazi Isaha yaryamiye? ese baziko hari Amasaha umuntu yemerewe kuryama?
aha harimo ihohotera ntago Umuntu akwiye kubyutsa igicuku pe.
iki ubukangurambaga bukorwa mugicuku ni bukangurambaga ki koko?
ibi rwose Nukuvangira Muzehe wacu.

Semu Kuya 20-06-2017

Aba bayobozi nibemere amakosa bikosore. Umuntu wabyutse saa kumi utekereza ko yakora iki. Bibuke ko iyo babyukije ababyeyi n’abana bahita bakanguka. Umwana wabyutse saa kumi yajya mw’ishuri agakurikira? Inzego z’umutekano nazo nazigira inama yo kutivanga mu makosa y’aya y’bayobozi b’ibanze. Ijye ibareka birwarize na Dasso zabo amakosa ababarweho bonyine.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA