konka coffee
KONKA

AMAKURU

UKWEZI

Ngororero: Ubukwe bwahagaze abageni bari ku murenge, hari n’abasezeranye kera bazasubiramo

Ngororero: Ubukwe bwahagaze abageni bari ku murenge, hari n’abasezeranye kera bazasubiramo
18-08-2017 saa 16:21' | By Chief Editor | Yasomwe n'abantu 22753 | Ibitekerezo 23

Umusore n’inkumi bari bagiye gusezeranira ku biro by’Umurenge wa Kageyo mu karere ka Ngororero kuri uyu wa Kane tariki 17 Kanama 2017, bavuga ko batejwe igihombo gikomeye n’ubuyobozi bw’uyu murenge bwahinduye itariki yo kubasezeranya ntibubibamenyeshe, bigatuma bahagera bashagawe n’inshuti n’abavandimwe bari batashye ubwo bukwe bwabo harimo n’abari baturutse kure ariko bikarangira badasezeranyijwe. Iby’akavuyo mu gusezeranya abagiye kurushinga ariko si bishya muri uyu murenge, kuko ubu hari n’abamaze gusezerana ndetse banakoze indi mihango y’ubukwe ubu bakaba babana ariko bakaba bagomba gusubiramo umuhango wo gusezerana imbere y’amategeko, kubera amakosa yakozwe n’ubuyobozi.

Umukobwa wagombaga gusezeranira kuri uyu murenge, yatangarije Ikinyamakuru Ukwezi.com ko ubusanzwe atuye mu mujyi wa Kigali, akaba yaragiye avugana kenshi n’umunyamabanga wa Gitifu w’Umurenge wa Kageyo kuburyo no kuwa Mbere tariki 14 Kanama 2017 yamuhamagaye amubaza niba gahunda yateguwe ntacyahindutse undi akamubwira ko gahunda ihari ari uko bazabasezeranya kuri uyu wa Kane tariki 17 Kanama 2017 ndetse aranamwihangiriza ngo bazazinduke bahagere mbere ya saa tatu. Uyu mukobwa witegura kurushinga avuga ko bazindutse kare ariko bahagera gitifu w’umurenge agahita abata ku murenge akigira mu isanteri iri hafi aho, bakagerageza kumuhendahenda ngo wenda bishyure amafaranga (bakorerwe ibyitwa Special) ariko akababwira ko bitakunda, ko azabasezeranya tariki 24 Kanama 2017.

Abaturage b’uyu murenge wa Kageyo bavuga ko barambiwe imikorere mibi y’ubuyobozi bwabo cyane cyane mu bijyanye no gusezeranya abagiye kurushinga, dore ko hari n’abantu benshi basezeranye mu minsi yashize bakaba ubu banabana ariko bakaba baratunguwe no kubwirwa ko uwabasezeranyije atari abifitiye ububasha, bityo ko bagomba kuzasubira kuri uyu murenge bagakora ubukwe bwo gusezerana imbere y’amategeko bundi bushya, nyamara n’indi mihango ikurikira gusezerana imbere y’amategeko baramaze kuyikora ndetse nta n’icyo batubahirije igihe basezeranaga.

Ikinyamakuru Ukwezi.com cyavuganye n’Umunyamabanga Nshingwabikorwa w’umurenge wa Kageyo, Nzabakurikiza Alphonse, adutangariza ko abo bageni yanze gusezeranya kuri uyu wa Kane, batigeze bahindurirwa itariki bahawe, ahubwo ngo bibeshye ku yo bahawe. Uyu muyobozi kandi yavuze ko ibyo kuba umunyamabanga we yarabwiye abo bageni ko bazasezerana kuri uyu wa Kane tariki 17 Kanama 2017, ibyo ntacyo abiziho.

Ikinyamakuru Ukwezi.com cyanaganiriye ku murongo wa telefone n’uwo munyamabanga wa gitifu witwa Ayinkamiye Olive, tumubajije impamvu yabwiye abageni itariki bazasezeraniraho nyuma bakayihindura ntibabamenyeshe, ahita avuga ko umunyamakuru yibeshye nimero kuko uwo yahamagaye atari we, kuko we adakora ku murenge wa Kagayo. Ibi ariko byari ukubeshya, kuko na nimero ya telefone yahamagaweho bigaragara ko yanditse ku witwa Ayinkamiye Olive kandi n’uwo abereye umunyamabanga akaba yashimangiye ko ari we munyamabanga we.

Ku bibazo bijyanye n’abageni basezeranye mu minsi yashize ariko bakaba bagomba kuzasubiramo bagasezerana bundi bushya, Gitifu w’umurenge wa Kageyo, Nzabakurikiza Alphonse, avuga ko ari mushya muri uyu murenge, akaba yarahaje asanga uwari Umunyamabanga Nshingwabikorwa w’agateganyo witwa Nyiransabimana Marie Josee, yarasezeranyije abageni kandi ngo atari abyemerewe n’amategeko kuko yari uw’agateganyo, bityo ngo ibyakozwe bidakurikije amategeko bigomba gukosorwa. Avuga ko bishoboka ko uwabasezeranyije nawe atari asobanukiwe ko atabyemerewe, ariko bikaba ntakundi byagenda kuko amasezerano yakozwe n’utabifitiye ububasha adashobora kwemerwa n’amategeko, bisobanura ko bagomba kuzongera iyo mihango yo gusezerana imbere y’amategeko bakayisubiramo bundi bushya.


INKURU ZA :
Tanga Igitekerezo
Ibitekerezo 23
MAHORO Kuya 29-08-2017

Ukuntu nabuze akazi none abakabonye bagatera inyoni uwakampa nka kariya ngo urebe ngo ndakora bya vraie. birababaje

John Damas Kuya 28-08-2017

Ariko Dukome Urusyo Dukome N’ingasire Nubwo Ntemera Neza Ukuntu Umuntu Yakwidumbukiza Batararanze Ko Azasezerena!Ese Iminsi 21 Yo Kuranga Abazashyingirwa Yari Yashize?Ese Niba Itariyagashira Gitifu Yari Kurenga Hejuru Y’amategeko Akabasezeranya?Niba Iyo Taliki Ariyo Yari Yabahaye Nyakuru Gitifu Azabihanirwe Pe!Ikindi Ndumva Abasezeranijwe Nuwo Amategeko Adateganya Abo Ntasezerano Bafitanye Abo Abo Bameze Nkabo Nange Nashyingira!Bityo Aho Gitifu Afite Ishingano Zo Kubashyingira

rukundo Kuya 22-08-2017

impamvu: Kweguzwa

Kuri Bwana Nzabakurikiza Alphonse, umunyamabanga nshingabikorwa waumurenge wa KAGEYO akarere ka Ngororero, nkwandikiye ngusaba kwegura ndetse nq secretary wawe mukajyana kuko Murasubiza inyuma mu iterambere, mutanga serivise mbi mukanatesha igihe abaturage.

MURAKOZE kUBYUBAHIRIZA

Lionco Kuya 22-08-2017

Ibi biteye agahinda rwose kuko abayobozi bakora amafuti bagomba kuvaho hagakora abashoboye

-xxxx- Kuya 21-08-2017

nahagarikwe kukazi kuko ntacyo amariye abayobora.

Bugingo Kuya 20-08-2017

Kuki abaturage batikuriraho umuyobozi nk’uyu? Ntibyagombye kugera ho abaturage nimwe mworora abayobozi nkabo. Ubuyobozi ni bw’abaturage.

Bugingo Kuya 20-08-2017

Kuki abaturage batikuriraho umuyobozi nk’uyu? Ntibyagombye kugera ho abaturage nimwe mworora abayobozi nkabo. Ubuyobozi ni bw’abaturage.

John Kuya 20-08-2017

Birababaje kabisa.dore ibi nibyo bidusubiza inyuma Mu mihigo.
Ubwo se uyu muturage wakorewe ibi, ubwo ntimumwangishije ubuyobozi ?
Ubwo se hari uruhare yagira Mu kubaka ngororero?
Ayo macenga ari kuri secretary na ES twasaba Mayor kuyakurikirana kuko bahemukiye abo bageni.

Masumbuko Kuya 19-08-2017

Ibi ntabwo aribyo abakozi b’u murenge bose bagomba gusimbuzwa. Nubwo baba bibeshye itariki yagombaga kubasezeranya kuko ntibitwara umwanya kuburyo wahemukira abantu gutyo. Naho a bagomba gusubirayo Leta igomba kwishyura amafranga bakoresheje, ahasigaye Leta igakurikirana ababigizemo uruhare kuko ni abakozi bayo. Hagomba kwisunga amategeko keretse niba turi mu gihugu kidakurikiza amategeko.

Masumbuko Kuya 19-08-2017

Ibi ntabwo aribyo abakozi b’u murenge bose bagomba gusimbuzwa. Nubwo baba bibeshye itariki yagombaga kubasezeranya kuko ntibitwara umwanya kuburyo wahemukira abantu gutyo. Naho a bagomba gusubirayo Leta igomba kwishyura amafranga bakoresheje, ahasigaye Leta igakurikirana ababigizemo uruhare kuko ni abakozi bayo. Hagomba kwisunga amategeko keretse niba turi mu gihugu kidakurikiza amategeko.

twin yeah Kuya 19-08-2017

Uyu mu Gitifu aho si wawundi wagendanaga mu modoka inkoni akubita abaturage! Gusa uyu murenge ntabwo uyobowe! Mbwira ukuntu Umu Gitifu ahindagura gahunda zireba abaturage! Mayor na we buri cyumweru ahabwa n,abayobozi b,imirenge gahunda yabo y,akazi. Umusigire amuseranya abagiye kurushinga gute! Ese uyu murenge nta munyamategeko ugira ko ari na we utegura ibitabo by,abasezerana niba abandi bakozi b,umurenge barenga 9 badasobanukiwe! Aba nibasimburwe bo gutesha igihe igihugu!

intabaza Kuya 19-08-2017

Uyu GITIFU niyeguzwe kuko ahembwa imisoro yacu mbega akarengane ariko nta mpamvu kuko kageyo nimuyindi si.Tabara Mana.

gatesi clarisse Kuya 18-08-2017

Ni mutubarize nimba umurenge uzishyura amafaranga abaturage bagiye batakaza muri izo gahunda zoguserana . kumakosa byabaye akarere karebera kakicecekera. abaturage bumurenge wakageyo muturenganure .

nsabimana etienne Kuya 18-08-2017

birababaje nukuri mwibaze ukuntu umuntu ava muntara ngizo moto , imodoka byarangira ugatahira aho

Ntacyomvuze Kuya 18-08-2017

Ibi ntabwo ndenganya uwabikoze ndenganya ubiri inyuma. Ni kwa kundi akazi katagihabwa ugashoboye ahubwo gahabwa ufite umushyiramo. Nta gihe rero amakosa azahagarara Ibi bitarakemuka. Gusa njye narasezeranye ukansaba gusubiramo wakwishyura dépenses zose kuko sinakwemera gupfusha amafaranga yanjye ubusa kubera abayobozi bakora ibyo batazi .iki nikibazo ndetse kinakomeye.

keke Kuya 18-08-2017

ariko mana nyumvira ayo mafaranga bahombejwe obwose bazayasubizwa narinsanzwe nzi ko amafaranga ariyo agira ibikwangari none babasezeranyije ibisa nibikwangari

emmy Kuya 18-08-2017

ariko ndumiwe ni ukuri ubwose iyo yihangana akabasezeranya byajyaga kumutwara iki?

Kh Kuya 18-08-2017

Arko abanyamakuru namwe mujya musetsa cyane, iminsi yo kuranga abageni irazwi Kdi bamanikwa ahagaragara, Kdi list imanurwa bamaze gusezerana niba mwasanze baratanze, mushingira kuki muvuga Ko yanze kubasezeranya? Ikindi birazwi neza Ko umusigire adasezeranya, atarangiza imanza, muragirango abeshye abaturage Ko basezeranye Kdi uwabasezeranije atabifitiye ububasha koko? Mucukumbure murebe Ko hari icyaba kihishe inyuma yo kudasezeranywa kwabo bageni, niba batibeshye, Naho gusezeranya kumusigireko nanjye nahamyako Abo yasezeranije bakiri ingaragu!

Godwin Kuya 18-08-2017

Ibintu nkibi njyewe bintera Agahinda vmt, ariko uribaza uburyo uyu muyobozi Ari gukina nubuzima bwabaturage ashinzwe kuba akemurira ibibazo ahubwo ari kubateza ibihombo, ubu c nkubu uyu bamujyanye murukiko ntamategeko yabarengera? Njyewe sinibaza ukuntu umuntu ufite ubwenjye buzima yabona abantu bakenyeye abandi bambaye costume rwose ntako batagize, bakodesheje Wenda nakanyabiziga akarik kose, ngo narangiza abaceho yigendere atanababajije ikibagenza, niyo baba bibeshye itariki usibye ko ngendeye kubyo mbona ntabwo bibeshye, urumuntu muzima ufite umwanya ntiwagenda utabafashije. Ubu se nkuyu ko yibwira ko abo yaje asimbura bo bitwaga iki ntibari ba Gitifu ra. Mumwihorere amarira yanyu azamugaruka. Uwiteka aba areba

Godwin Kuya 18-08-2017

Ibintu nkibi njyewe bintera Agahinda vmt, ariko uribaza uburyo uyu muyobozi Ari gukina nubuzima bwabaturage ashinzwe kuba akemurira ibibazo ahubwo ari kubateza ibihombo, ubu c nkubu uyu bamujyanye murukiko ntamategeko yabarengera? Njyewe sinibaza ukuntu umuntu ufite ubwenjye buzima yabona abantu bakenyeye abandi bambaye costume rwose ntako batagize, bakodesheje Wenda nakanyabiziga akarik kose, ngo narangiza abaceho yigendere atanababajije ikibagenza, niyo baba bibeshye itariki usibye ko ngendeye kubyo mbona ntabwo bibeshye, urumuntu muzima ufite umwanya ntiwagenda utabafashije. Ubu se nkuyu ko yibwira ko abo yaje asimbura bo bitwaga iki ntibari ba Gitifu ra. Mumwihorere amarira yanyu azamugaruka. Uwiteka aba areba

Nziza Kuya 18-08-2017

Gitifu ndumva yarigize indakoreka. Ubwo se icyo gihombo yateje azacyishyura. Ariko burya muzi ko hakiriho abagome. Uyu akwiye kuvaho.

zogo Kuya 18-08-2017

ariko naba bakeneyeko nyakubahwa umukuru wigihugu ariwe uzaza kubigisha no gukora ako basabye koko inyungu umuntu akura muguhima mugenzi we nizihe abayobozi nkaba bahimana bazatuma tutugerera kumajyambere twifuza

zogo Kuya 18-08-2017

ariko naba bakeneyeko nyakubahwa umukuru wigihugu ariwe uzaza kubigisha no gukora ako basabye koko inyungu umuntu akura muguhima mugenzi we nizihe abayobozi nkaba bahimana bazatuma tutugerera kumajyambere twifuza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...