konka coffee
KONKA

AMAKURU

UKWEZI

Ni ibiki bitanga isura y’uburyo FPR itajya yirarira nk’uko Perezida Kagame yabivuze?

Ni ibiki bitanga isura y’uburyo FPR itajya yirarira nk’uko Perezida Kagame yabivuze?
11-08-2017 saa 11:37' | By Vincent Nsengiyumva | Yasomwe n'abantu 7003 | Ibitekerezo 1

Paul Kagame, Perezida wa Repubulika y’u Rwanda uherutse gotorerwa kuyobora Manda ya 3 nyuma yo gutsinda bidasubirwaho Philippe Mpayimana na Dr Frank Habineza bari bahataniye uyu mwanya, ubwo yari mu bikorwa bye byo kwiyamamaza byazengurutse mu turere twose tw’igihugu yagaragarizaga Abanyarwanda imigabo n’imigambi ye ijyanye n’ibyo azabakorera mu myaka 7 agiye kuyobora. Bimwe yagiye agarukaho cyane ni ukwita ku iterambere rya buri munyarwanda, kwihutisha ibikorwa remezo ndetse n’amajyambere mu gihugu aho yanashimangiraga ko ibyo avuga byose atari ukwirarira cyangwa ngo abeshye kuko ibyo FPR ivuga byose ibishyira mu bikorwa.

Perezida Paul Kagame wari watanzwe nk’umukandida wa FPR Inkotanyi yagarutse cyane ku bikorwa remezo bigiye gushyirwamo imbaraga ku buryo muri iyi myaka 7 iri imbere u Rwanda ruzaba rufite indi sura nshya ugereranyije n’uko rugaragara ubu, ibi kimwe n’ibindi yagiye yizeza Abanyarwanda bikara aribyo byatumye yigarurira imitima ya benshi kuburyo byanamuhesheje intsinzi yo ku rwego rwo hejuru ugereranyije n’abo bahatanaga kuri uyu mwanya w’umukuru w’igihugu.

Urebye umuvuduko u Rwanda rwari ruriho mu bikorwa by’iterambere ndetse n’ibikorwaremezo bitandukanye bikomeza guhindura isura y’igihugu umunsi ku wundi, ukongeraho ibyo umukuru w’igihugu yiyemeje imbere y’abanyarwanda ko agiye kongeza vitesse [umuvuduko] muri ibi bikorwa, nta gushidikanya bigaragaza ko icyerekezo 2020 u Rwanda rwihaye bitakiri inzozi, ahubwo ko kiri gukozwaho imitwe y’intoki.

Uretse gushimangira ko agiye kongera umuvuduko ku rwego rwo hejuru mu iterambere ry’igihugu, Perezida Kagame, yagiye agaruka cyane no ku bukungu igihugu gifite butabyazwa umusaruro ku buryo bukwiye,aho yagarukaga ku bice bimwe na bimwe byo mu gihugu nko mu Karere ka Rutsiro na Rusizi [Bugarama] avuga ko harimo byinshi byabyazwa umusaruro nk’amabuye y’agaciro, ikiyaga cya Kivu, imisozi myiza, amashyuza n’ibindi byinshi bishobora kugeza u Rwanda ku bukerarugendo rwarubyarira inyungu, ibi nabyo bikunganira muri rya terambere ryifuzwa.

Hirya no hino mu turere aho Perezida Kagame yagiye yiyamamariza, yakunze kwitsa cyane ku gushyira ingufu mu kubaka ibikorwa remezo, nk’amashuri, imihanda, amashanyarazi, amavuriro, ibibuga by’indege, sitade n’ibindi bizahindura byihuse isura y’igihugu cy’u Rwanda.

Gusa nanone urebye hirya no hino mu gihugu usanga hari bimwe mu bikorwaremezo birimbanije bitanga icyizere gifatika cy’uko icyerekezo 2020 u Rwanda ruzaba ruri gukandagiza ibirenge mu ntego rwihaye. Aha twavuga nk’imihanda iri kubakwa hirya no hino mu gihugu ndetse n’indi mishya Perezida yemereye abaturage ko izatangira vuba aha, imiturirwa igenda izamurwa mu mijyi itandukanye mu gihugu, amavuriro n’ibitaro biri kuzuzwa hirya no hino, amashuri, amashanyarazi ari gukwirakwizwa mu baturage n’ibindi.

Mu mujyi wa Kigali ho ni umwihariko kuko mu mpande zose z’uyu mujyi usanga uko bwije hameze atariko ku munsi ukurikira haba hakimeze. Ibikorwa byo kubaka imihanda muri uyu mujyi ndetse no kuvugurura iyari isanzwe mu rwego rwo gusukura uyu mujyi no kwirinda akajagari nabyo birarimbanyije aho nk’ uwa Rond Point (mu Mujyi) - Gatsata ndetse Rwandex- Prince House (Remera) igeze kure kandi ikazaba ari imihanda yubatse ku buryo buhambaye.

Perezida Kagame kandi ubwo yiyamamarizaga mu Karere ka Kicukiro ndetse na Bugesera yavuze ko Stade ya Gahanga ku Kicukiro n’ikibuga cy’indege mu Bugesera bigiye gushyirwamo imbaraga nabyo bikuzura mu gihe cya vuba, ndetse kuri uyu wa Gatatu tariki 09 Kanama 2017 yahise atangiza ku mugaragaro imirimo yo kubaka iki kibuga cy’indege mpuzamahanga kizuzura mu mwaka wa 2019 gitwaye akayabo k’amadolari ya Amerika.


Iyubakwa ry’imihanda mu mujyi wa Kigali ryashyizwemo imbaraga zidasanzwe


Mu mujyi wa Kigali mu bice bitandukanye hari kubakwa imihanda


Perezida yashyize ibuye ry’ifatizo ahari kubakwa ikibuga mpuzamahanga cy’indege mu Bugesera


Igishushanyo mbonera cy’ikibuga cy’indege cya Bugesera

JPEG - 145.6 kb

Igishushanyo mbonera cya Stade igiye kubakwa i Gahanga


Uku niko umujyi wa Kigali uzaba umeze muri 2020


INKURU ZA :
Tanga Igitekerezo
Ibitekerezo 1
ndahayo Kuya 11-08-2017

iriya shusho ya Kigali muri 2020 cyo cyari icyifuzo cyiza ariko kirasa n’inzozi zizarotorwa nako muri 2050 kuko 2020 yatekerejwe 2000 rero niba mu myaka 17 nta 1/4 cy’ibyatekerezwaga kuba twabitekereza muri 2050 nta gukabya kurimo ahubwo nzabe ndiho nirebere kigali ishashagirana nk’iburayi

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...